ٷكٸمەت باسشىسىنىڭ بٸرٸنشٸ ورىنباسارى – قارجى مينيسترٸ ەليحان سمايىلوۆ مەجٸلٸستە ەۋرازييالىق ەكونوميكالىق وداقتىڭ كەدەندٸك اۋماعىنا ەكەلٸنگەن تاۋارلاردى قاداعالاۋ تەتٸگٸ بويىنشا كەلٸسٸمدٸ راتيفيكاتسييالاۋ تۋرالى زاڭ جوباسىن تانىستىردى, دەپ حابارلايدى قازاقپارات.
ەليحان سمايىلوۆ ايتىپ ٶتكەندەي, كەلٸسٸمگە 2019 جىلى 29 مامىردا نۇر-Cۇلتانداعى جوعارعى ەۋرازييالىق ەكونوميكالىق كەڭەس وتىرىسىندا ەاەو مٷشە مەملەكەتتەر باسشىلارى قول قويعان.
«كەلٸسٸمنٸڭ نەگٸزگٸ ماقساتى - تاۋارلار اينالىمىن تيٸمدٸ باقىلاۋ, زاڭسىز اينالىمدى انىقتاۋ, سالىقتان جالتارۋ جاعدايلارىن جويۋ, بيۋدجەتكە تٷسەتٸن سالىق پەن كەدەن تٶلەمدەرٸن ۇلعايتۋ. كەلٸسٸمنٸڭ ەرەجەلەرٸ ەاەو كەدەندٸك اۋماعىنا ەكەلٸنگەن تاۋارلاردى قاداعالاۋ تەتٸگٸن قۇرۋ مەرزٸمدەرٸ مەن تەرتٸبٸن رەگلامەنتتەيدٸ. قاداعالاۋ يمپورتتىق تاۋارلار بويىنشا جٷزەگە اسىرىلادى. قاداعالاۋعا جاتاتىن تاۋارلاردىڭ تٸزبەسٸن ەەك كەڭەسٸ بەكٸتەدٸ», - دەدٸ زاڭ جوباسىن تانىستىرعان ەليحان سمايىلوۆ پارلامەنت مەجٸلٸسٸنٸڭ جالپى وتىرىسىندا.
ونىڭ ايتۋىنشا, قاداعالاۋ مەرزٸمٸ بەس جىلدى قۇرايدى. ەربٸر مەملەكەت ٶزٸنٸڭ ۇلتتىق قاداعالاۋ جٷيەسٸن قۇرۋى قاجەت. سونداي-اق, ٶزدەرٸنٸڭ سالىق تٶلەۋشٸلەرٸنٸڭ ٸلەسپە قۇجاتتارىنىڭ وسى جٷيەدە رەسٸمدەلۋٸن باقىلاۋدى قامتاماسىز ەتۋٸ تيٸس. قۇجاتتاردى مۇنداي رەسٸمدەۋسٸز ەەاو شەڭبەرٸندە تاۋارلاردىڭ تاسىمالدانۋىنا تىيىم سالىنادى.
«كەلٸسٸمدە كەدەن وداعىنا مٷشە مەملەكەتتەر اراسىندا قاداعالاۋ جٶنٸندەگٸ اقپارات الماسۋ بويىنشا تالاپتار ايقىندالعان. مۇنداي الماسۋ ەەاو ينتەگراتسييالانعان اقپاراتتىق پلاتفورماسى ارقىلى تۇراقتى تٷردە جٷزەگە اسىرىلادى. قۇرمەتتٸ دەپۋتاتتار, تاۋارلار اينالىمىن قاداعالاۋ تەتٸگٸن ەنگٸزۋ 2025 جىلعا دەيٸن ەەاو تسيفرلىق كٷن تەرتٸبٸن ٸسكە اسىرۋ ٷشٸن نەگٸزٸن قالاۋشى مٸندەت بولىپ تابىلادى. كەلٸسٸمدٸ راتيفيكاتسييالاۋدان كەيٸن 12 اي ٶتكەن سوڭ بارلىق مٷشە-مەملەكەتتەر پيلوتتىق جوبانى ٸسكە قوسادى. پيلوتتىق جوبانىڭ قورتىندىلارى بويىنشا قاداعالاۋ جٷيەسٸنٸڭ تۇراقتى جۇمىس ٸستەۋٸنە كٶشۋ تۋرالى شەشٸم قابىلدانادى», - دەدٸ ول.
