بٸشكەكتە دزيۋدودان ازييا چەمپيوناتىنىڭ فينالدىق كەزەڭدەرٸ ٶتٸپ جاتىر. ەلدوس جۇماقانوۆ قازاقستان قورجىنىنا قولا مەدالدٸ سالدى, دەپ حابارلايدى Olympic.kz.
ەرلەر اراسىندا 66 كەلٸگە دەيٸنگٸ سالماق دەرەجەسٸندە ول جۇبانىش فينالىندا قىرعىزستاندىق ارتۋر تەمەن كەزدەستٸ. نەگٸزگٸ ۋاقىتتا وتانداسىمىز جەڭٸلٸپ تۇرىپ, ەسەپتٸ تەڭەستٸردٸ. قوسىمشا ۋاقىتقا دەيٸن سوزىلعان كٷرەستە ەلدوس ەدٸس جاساپ, «ۆازاري» ۇپايىمەن قارسىلاسىنان جەڭٸستٸ جۇلىپ الدى.
66 كەلٸگە دەيٸنگٸ سالماق دەرەجەسٸندە ٶزبەكستاندىق ساردور نۋريللاەۆ جەڭٸمپاز اتاندى. وڭتٷستٸك كورەيا سپورتشىسى ان باۋل ەكٸنشٸ ورىنعا جايعاسسا, ونىڭ وتانداسى كيم لينحۋان ٷشٸنشٸ ورىنعا تۇراقتادى.
