ۇلىبريتانييانىڭ لەيبوريستەر پارتيياسى بوريس دجونسوننىڭ كەڭەسشٸسٸ دومينيك كاممينگسكە قارسى تەرگەۋ امالدارىن جٷرگٸزۋدٸ تالاپ ەتٸپ وتىر. ول كارانتين رەجيمٸ كەزٸندە اتا-اناسى تۇراتىن قالاعا بارىپ قايتقانى ٷشٸن ايىپتالۋدا, دەپ حابارلايدى dw.com.
لەيبوريستەر ٶكٸلٸ رەيچەل ريۆز وسىنداي ايىپتاۋ حاتتى 23 مامىر كٷنٸ مينيسترلەر كابينەتٸنٸڭ حاتشىسى مارك سەدۆيلدٸڭ اتىنا جولدادى.
ۇلىبريتانييا تۇرعىندارى ٶزدەرٸنە قيىن تيسە دە جاسى ەگدەلەپ كەتكەن اتا-انالارىنا بارماي شەكتەۋ شارالارىنا مويىنسۇنعان, دەپ جازادى ريۆز. ونىڭ ايتۋىنشا, ەلدەگٸ ٷكٸمەت لاۋازىمدى ساياساتكەرلەردٸڭ دە تۇرعىندارعا ورتاق كارانتين ەرەجەسٸن بۇلجىتپاي ساقتاپ جٷرگەنٸنە سەندٸرۋٸ قاجەت.
بۇعان دەيٸن بٸرقاتار گازەتتەر كاممينستٸ كارانتين رەجيمٸن بۇزدى ايىپ تاققان. ولاردىڭ مەلٸمەتٸنشە, ول اسا بٸر قاجەتتٸ بولماسا ٷيدەن شىقپاۋ جٶنٸندەگٸ تىيىمدى ەلەمەي, لوندوننان 400 شاقىرىم جەردە ورنالاسقان دارەم قالاسىنا بارعان. دارەمدە ونىڭ ەگدە اتا-اناسى تۇرادى.
كەيٸن ونىڭ زايىبى كوروناۆيرۋس جۇقتىرعانى انىقتالىپ, ٶزٸنەن دە اۋرۋ بەلگٸسٸ تابىلعان. ساپار كەزٸندە كاممينگس وقشاۋلانۋ رەجيمٸن ساقتاۋى تيٸس ەدٸ. دجونسوننىڭ كەڭسەسٸ ونىڭ ەرەكەتٸن دۇرىس دەپ تاپتى. كەڭەسشٸ كٸشكەنتاي بالاسىنىڭ كٷتٸمٸن قامتاماسىز ەتۋ وسىلاي جاساۋ قاجەت ەدٸ, دەپ وتىر.
