Ulybritaniianyń leiborister partiiasy Boris Djonsonnyń keńesshisi Dominik Kammingske qarsy tergeý amaldaryn júrgizýdi talap etip otyr. Ol karantin rejimi kezinde ata-anasy turatyn qalaǵa baryp qaitqany úshin aiyptalýda, dep habarlaidy dw.com.
Leiborister ókili Reichel Rivz osyndai aiyptaý hatty 23 mamyr kúni ministrler kabinetiniń hatshysy Mark Sedvildiń atyna joldady.
Ulybritaniia turǵyndary ózderine qiyn tise de jasy egdelep ketken ata-analaryna barmai shekteý sharalaryna moiynsunǵan, dep jazady Rivz. Onyń aitýynsha, eldegi úkimet laýazymdy saiasatkerlerdiń de turǵyndarǵa ortaq karantin erejesin buljytpai saqtap júrgenine sendirýi qajet.
Buǵan deiin birqatar gazetter Kamminsti karantin rejimin buzdy aiyp taqqan. Olardyń málimetinshe, ol asa bir qajetti bolmasa úiden shyqpaý jónindegi tyiymdy elemei, Londonnan 400 shaqyrym jerde ornalasqan Darem qalasyna barǵan. Daremde onyń egde ata-anasy turady.
Keiin onyń zaiyby koronavirýs juqtyrǵany anyqtalyp, ózinen de aýrý belgisi tabylǵan. Sapar kezinde Kammings oqshaýlaný rejimin saqtaýy tiis edi. Djonsonnyń keńsesi onyń áreketin durys dep tapty. Keńesshi kishkentai balasynyń kútimin qamtamasyz etý osylai jasaý qajet edi, dep otyr.
