بٷگٸن دجاكارتاداعى اتلەتيكالىق اۋىلدا قازاقستان رەسپۋبليكاسىنىڭ مەملەكەتتٸك تۋى سالتاناتتى تٷردە كٶتەرٸلدٸ, دەپ حابارلايدى "ۇلت اقپارات" Olympic.kz سايتىنا سٸلتەمە جاساپ.
ەلٸمٸزدٸڭ تۋىن رەسمي تٷردە كٶتەرۋ سالتاناتىنا قازاقستان قۇراماسىنىڭ سپورتشىلارى مەن ەلٸمٸزدەگٸ سپورت سالاسىن باسقارۋشى ماماندار قاتىستى.
قازاقستان ۇلتتىق وليمپيادالىق كوميتەتٸ سپورت ديرەكتسيياسىنىڭ باسشىسى, ازييا ويىندارىنداعى قازاقستاننىڭ سپورتتىق دەلەگاتسيياسىنىڭ جەتەكشٸسٸ ەلسييار قاناعاتوۆ تۋ كٶتەرۋ سالتاناتىنا جينالعان سپورتشىلارعا سەتتٸلٸك تٸلەپ, ازييا ويىندارىنىڭ قازاقستان ٷشٸن ماڭىزدى سپورت دوداسى ەكەنٸن اتاپ ٶتتٸ.
«بٷگٸن ازييا ويىندارىندا ەلٸمٸزدٸڭ كٶك بايراعى كٶتەرٸلدٸ. قازٸرگٸ تاڭدا 200-گە جۋىق سپورتشى دجاكارتا مەن پالەمبانگ قالالارىنداعى اتلەتيكالىق اۋىلعا كەلٸپ قونىستانۋدا. قۇراماداعى كٶپتەگەن سپورتشىلار جارىس كەستەسٸنە ساي ازييا ويىندارىنا الداعى ۋاقىتتا ۇشىپ كەلەدٸ. اتلەتتەردٸ كٷتٸپ الۋ, ورنالاستىرۋ, تاماقتاندىرۋ مەسەلەلەرٸ تٷگەلدەي شەشٸلگەن. بٷگٸندە يندونەزيياداعى سپورتشىلارىمىز جاتتىعۋ جۇمىستارىن باستاپ كەتتٸ. ال كەيبٸر كوماندالىق سپورت تٷرلەرٸنەن ٸرٸكتەۋ كەزەڭٸندەگٸ ماتچتار ٶتٸپ جاتقانىن بٸلەسٸزدەر. گاندبولشىلار مەن باسكەتبولشىلارىمىز ازييا ويىندارىنداعى ٸرٸكتەۋ كەزەڭدەرٸن ٶتكٸزۋدە. بٸز سپورتشىلارىمىزعا سەتتٸلٸك تٸلەيمٸز! جانكٷيەرلەر ٷمٸت ارتىپ وتىرعاندىقتان, حالىقتى قۋانتادى دەپ سەنەمٸز», - دەيدٸ ەلسييار قاناعاتوۆ.
ٶز كەزەگٸندە سپورتشىلار اتىنان سٶز العان سپورتتىق گيمناستيكا شەبەرٸ ميلاد كاريمي ازييا ويىندارىندا جٷلدە الۋ ٷشٸن بار كٷشٸن سالاتىنىن جەتكٸزدٸ.
"ازييا ويىندارىنا العاش رەت قاتىسىپ وتىرمىن. مۇنداعى كوماندالىق رۋحتى سٶزبەن جەتكٸزۋ مٷمكٸن ەمەس. وسىنداي كەرەمەت سەتتٸ ۋنيۆەرسيادا كەزٸندە باستان ٶتكەرگەن ەدٸم. كوماندالاستارىممەن بٸرگە ەلٸمٸزدٸ قۋانتىپ, جٷلدە الۋدى ماقسات ەتتٸك. جانكٷيەرلەر سەنٸمٸن اقتايمىز", - دەيدٸ كاريمي.
ەسكە سالا كەتەيٸك, جازعى ازييا ويىندارى 18 تامىز - 2 قىركٷيەك ارالىعىندا دجاكارتا مەن پالەمبانگ قالالارىندا ٶتەدٸ. قازٸرگٸ تاڭدا دجاكارتاداعى اتلەتتەر قالاشىعىنا وليمپيادالىق سپورت تٷرلەرٸ بويىنشا 15 كوماندا, پالەمبانگتا 4 كوماندا قونىستاندى.
