«ەڭبەك رەسۋرستارىن دامىتۋ ورتالىعى» اق (ەردو) پرەزيدەنتٸ تامارا دٷيسەنوۆا دۋباي قالاسىنداعى VI بٸلٸم سامميتٸ اياسىندا ٶتكەن «تۇراقتى ٷكٸمەتتەر» سەسسيياسى بارىسىندا قازاقستانداعى ەڭبەك نارىعىن جاڭعىرتۋ تۋرالى باياندادى, دەپ حابارلايدى "ۇلت اقپارات".
بيىل بٸلٸم سامميتٸ «تۇراقتى دامۋ» تاقىرىبىنا ارنالعان. باە-دە ٶتكٸزٸلٸپ جاتقان ٸس-شاراعا 5000-نان استام قاتىسۋشى جەنە ەر ەلدەن 400 سپيكەر قاتىستى. دەلەگاتتار داعدىلاردى دامىتۋ, جاستاردى دامىتۋ, جۇمىسقا ورنالاستىرۋ, ۇلتتىق دامۋ, قالدىقتاردى باسقارۋ, جاسىل ەكونوميكا, تازا ەنەرگييا, كليماتتىڭ ٶزگەرۋٸ جەنە بٷكٸل ەلەمگە قاتىستى باسقا دا ٶزەكتٸ مەسەلەلەر سيياقتى تاقىرىپتاردى تالقىلادى. سامميتتٸڭ 2 كٷنٸ ٸشٸندە 150-گە جۋىق تٸكەلەي پاراللەل سەسسييا ٶتتٸ.
«تۇراقتى ٷكٸمەتتەر» سەسسيياسىندا ٷكٸمەتتەر مەن ەل كٶشباسشىلارىنىڭ تۇراقتى ستراتەگييالاردى العا جىلجىتۋعا جەنە تۇراقتى دامۋعا ىقپال ەتۋٸن ەگجەي-تەگجەيلٸ قاراستىرۋعا ارنالعان سەسسييادا ەردو اق پرەزيدەنتٸ تامارا دٷيسەنوۆا سٶز سٶيلەدٸ. ول قاتىسۋشىلارعا قازاقستان رەسپۋبليكاسىنىڭ تۇڭعىش پرەزيدەنتٸ نۇرسۇلتان نازارباەۆ باستاعان قازاقستاننىڭ ٷشٸنشٸ جاڭعىرۋىنىڭ ەرەكشەلٸكتەرٸ تۋرالى ايتىپ بەردٸ. جوبانى قازاقستاندا جٷزەگە اسىرۋ ٷشٸن ەكونوميكانى, ساياسي جٷيەنٸ جەنە ازاماتتاردىڭ قوعامدىق ساناسىن دامىتۋ بويىنشا اۋقىمدى جۇمىس جٷرگٸزٸلۋدە.
«يننوۆاتسييا جەنە ەكونوميكانى ەرتاراپتاندىرۋ ارقىلى ەڭبەك ٶنٸمدٸلٸگٸنٸڭ ٶسۋٸ ەڭبەك نارىعىنىڭ ٶزگەرۋٸن تالاپ ەتەدٸ. ٶز كەزەگٸندە, ەڭبەك نارىعىنداعى ٶزگەرٸستەر بٸلٸم جٷيەسٸنە قويىلاتىن تالاپتاردىڭ ارتۋىنا الىپ كەلەدٸ. بٸزدە كەسٸبي كادرلاردىڭ بولۋى ەلدٸ تولىق جاڭعىرتۋ تابىسىن ايقىندايدى, ٶيتكەنٸ ٶز سالاسىنىڭ ماماندارى جوعارى ەلەۋمەتتٸك جاۋاپكەرشٸلٸككە يە جەنە ولار يننوۆاتسييالار مەن كەسٸپكەرلٸككە اشىق», – دەدٸ ەردو باسشىسى.
سونىمەن قاتار, سپيكەر ۇلتتىق بٸلٸكتٸلٸك جٷيەسٸن حالىقارالىق ستاندارتتارعا سەيكەستەندٸرۋ ٷشٸن كەسٸبي كادرلاردى دايارلاۋدىڭ بٸرقاتار قۇرالدارىنىڭ ٸسكە قوسىلىپ جاتقاندىعىن اتاپ ٶتتٸ. سونداي-اق, سالالىق ٷردٸستەردٸ, حالىقارالىق جەنە ۇلتتىق بولجامداردى ەسكەرە وتىرىپ, كەسٸبي ستاندارتتار قارالۋدا.
«ماماندىقتى دۇرىس تاڭداۋ ادامنىڭ ٶمٸر سٷرۋ ساپاسى مەن بٸلٸم دەڭگەيٸنە ەسەر ەتەتٸن ەلەۋمەتتٸك تۇراقتىلىقتىڭ باستى فاكتورى بولىپ تابىلادى. سوندىقتان, جەكەلەگەن كەسٸپتەردٸڭ پايدا بولۋىن نەمەسە جوعالۋىن ەسكەرە وتىرىپ, ەلٸمٸزدە كەسٸپتەردٸڭ اتلاستارى ەزٸرلەنۋدە. بٸزدٸڭ جوسپارلارىمىز ولاردى IT-تەحنولوگييالار, ماشينا جاساۋ, تۋريزم, ەنەرگەتيكا سيياقتى جەنە باسقا دا سالالار ٷشٸن ەزٸرلەۋ», – دەدٸ دٷيسەنوۆا.
ەردو پرەزيدەنتٸ قاتىسۋشىلارعا حابارلاعانداي, ەزٸرلەنٸپ جاتقان قۇرالدارعا سٷيەنە وتىرىپ, اكادەمييالىق دايارلىقتا دا, قازاقستاندىقتاردى ونلاين-وقىتۋدا دە قولدانىلاتىن بٸلٸم بەرۋ باعدارلامالارى قايتا قارالاتىن بولادى. حالىقارالىق دەڭگەيدە قازاقستاننان سەرتيفيكاتتاردى تانۋ بويىنشا مٷمكٸندٸكتەر قارالۋدا.
قورىتىندىلاي كەلە تامارا دٷيسەنوۆا قازاقستانداعى ەڭبەك نارىعىنداعى جاعدايدىڭ بٸرەگەيلٸگٸن اتاپ ٶتتٸ, ول 1990 جىلداردىڭ اياعىندا-2000 جىلداردىڭ باسىندا تۋۋدىڭ قۇلدىراۋى سالدارىنان پايدا بولدى جەنە ول جاس مامانداردىڭ پايدا بولۋ سانىنىڭ تٶمەندەۋٸنە الىپ كەلدٸ.
«بۇل رەتتە, دەموگرافييالىق بولجامدارعا سەيكەس, الداعى 3-5 جىلدا بٸز جاس مامانداردىڭ ەڭبەك نارىعىنا تٷسۋٸنٸڭ جەدەلدەتۋٸن كٷتۋدەمٸز. سوندىقتان قازٸر بٸز ٷشٸن ەڭبەك رەسۋرستارىن بولجاۋدىڭ ينتەگراتسييالانعان جٷيەسٸن قۇرۋ جەنە ەڭبەك نارىعىنىڭ تەپە-تەڭدٸگٸن قامتاماسىز ەتۋ ٶتە ماڭىزدى. ەل ەكونوميكاسىن جاڭعىرتۋ بارىسىندا بٸز ەڭبەك نارىعى مەن تۇتاستاي العاندا جۇمىسپەن قامتۋ سەكتورىن دامىتۋدىڭ جاڭا تۇجىرىمدامالىق ٷلگٸسٸن جاساپ, جوبالاردى باسقارۋ قاعيداتتارىنا كٶشەتٸن بولامىز, سونىمەن بٸرگە 2025 جىلعا دەيٸن ەڭبەك نارىعىن جاڭعىرتۋدىڭ جول كارتاسىن قابىلدايمىز. وسىلايشا, تەرەڭدەتٸلگەن تسيفرلاندىرۋدى ودان ەرٸ جەتٸلدٸرۋ جالعاسادى. نەتيجەسٸندە, بٸز الداعى جىلدارى بەسەكەگە قابٸلەتتٸ 30 ەلدٸڭ قاتارىنا كٸرۋدٸ جوسپارلاپ وتىرمىز», – دەپ تٷيٸندەدٸ سٶزٸن ەردو پرەزيدەنتٸ.
جىل سايىنعى بٸلٸم سامميتٸ – بٸلٸم الماسۋدىڭ جاھاندىق الاڭى, ونىڭ قورىتىندىسى بويىنشا «اراب بٸلٸم جوباسى» 2019 جىلى جاھاندىق بٸلٸم يندەكسٸن (Global Knowledge Index) جەنە بولاشاق بٸلٸمدٸ بولجاۋ تۋرالى باياندامانى (Knowledge Foresight Report) ٸسكە قوسادى.
