تەجٸكستان مەن قىرعىزستان ٶكٸلدەرٸنٸڭ شەكارا مەسەلەسٸ بويىنشا كەزدەسۋٸ. سوعدى وبلىسى, تەجٸكستان. 1-7 قىركٷيەك 2021 جىل
تەجٸكستان استاناسى دۋشانبە قالاسىندا تەجٸك-قىرعىز شەكاراسى بويىنشا كەلٸسسٶز ٶتتٸ.
قىرعىزستان مينيسترلەر كەڭەسٸ باسپاسٶز قىزمەتٸنٸڭ حابارلاۋىنشا, مەملەكەتتٸك شەكارانى دەليميتاتسييالاۋ جەنە دەماركاتسييالاۋ جٶنٸندەگٸ ٷكٸمەت دەلەگاتسيياسىنىڭ توپوگرافييالىق جۇمىس توپتارى قازاننىڭ 25-ٸ مەن 30-ى ارالىعىندا كەزدەسكەن. وتىرىس نەتيجەسٸ جايلى حابار جوق, بٸراق قىرعىزستان ٷكٸمەتٸنٸڭ مەلٸمەتٸنە قاراعاندا "كەزدەسۋ ٶزارا دوستىق پەن تٷسٸنٸستٸك جاعدايىندا ٶتكەن".
ەكٸ تاراپ كەلەسٸ كەزدەسۋدٸ قىرعىزستاندا جالعاستىرۋعا كەلٸسكەن.
بيىل سەۋٸر ايىنىڭ سوڭىندا قىرعىزستان مەن تەجٸكستان شەكاراسىندا بولعان قانتٶگٸستەن كەيٸن ەكٸ مەملەكەتتٸڭ توپوگرافييا توپتارى بٸرنەشە رەت كەزدەسٸپ, حاتتاماعا قول قويعان. ەزٸرشە بٸشكەك پەن دۋشانبە قۇجاتتاردى جارييالاعان جوق. الايدا شٸلدە ايىندا كەيٸنگٸ ٷش كەزدەسۋ نەتيجەسٸندە ەكٸ تاراپ شەكارانىڭ 40 شاقىرىمى بويىنشا كەلٸسٸمگە كەلگەنٸ حابارلانعان.
جالپى ۇزىندىعى 970-980 شاقىرىم قىرعىز-تەجٸك شەكاراسىنىڭ بٷگٸندە تەك 519 شاقىرىمى عانا دەماركاتسييالانعان. ەكٸ ەل اراسىندا جەرگە, سۋعا تالاس جيٸ بايقالادى. كەي ۋاقىتتا قارۋ قولدانىلىپ, ادام ٶلٸمٸنە دەيٸن ۇلاسادى.
