بٷگٸن الماتىداعى «استانا» قوناق ٷيٸندە «قازاقتىڭ تٸلٸ مەن تاريحى – ۇلتتىڭ التىن قازىعى» دەگەن تاقىرىپتا قوعامدىق تالقىلاۋ ٶتتٸ.
جيىندا سٶز سٶيلەگەن جازۋشى دۋلات يسابەكوۆ بٷگٸنگٸ جاعدايلار حاقىندا ٶز ويلارىن ورتاعا سالىپ, مەسەلەدەن شىعۋدىڭ جولدارىن ٸزدەدٸ.
— وسىنداي جينالىس قازاقستاندا نەگە كٶبەيٸپ كەتتٸ? ۇيقىسى قالىڭ قازاق نەگە وياندى? «ويان, قازاق» دەپ عاسىرلار بويى ايتىپ كەلە جاتقاندا ويانا الماعان حالقىمىز, 1916 جىلعى ۇلت-ازاتتىق كٶتەرٸلٸستٸڭ 100 جىل تولعان كەزدە «ويانىپ» جاتىر.
بٸز ەدبەن ٷندەمەي, بيلٸكتٸ جامان ٷيرەتٸپ العانبىز. بەرٸ ٶزٸمٸزدەن. مەملەكەتٸمٸز نە ٸستەپ جاتسا دا, «ەلدٸڭ مازاسىن المايىق, تىنىشتىق ساقتايىق» دەپ ٷنسٸز وتىرامىز.
مىنا جەردە وتىرعان ازاماتتاردىڭ بارلىعى – قازاقتىڭ قايماقتارى. مينيسترلٸكتەر بٸر رەفورما جاساماس بۇرىن وسى كٸسٸلەرگە كەلٸپ, قانداي ويى بار ەكەنٸن نەگە بٸلمەيدٸ?
قازٸر نەگە دەگەن سۇراق كٶبەيدٸ. «جاقسىلىق كٶرسەم – ٶزٸمنەن, جاماندىق كٶرسەم – ٶزٸمنەن» دەيدٸ سۇلتانماحمۇت. سول ايتپاقشى بٷگٸن وسىنداي كٷيگە تٷسٸپ وتىرساق, وعان الدىمەن ايتاتىن كەزدە ٷندەمەي قالعان ٶزٸمٸز كٸنەلٸمٸز.
بٸز ٶتٸرٸككە سەنگەن حالىقپىز. «نۇرقادٸلوۆ ٶزٸن-ٶزٸ ٷش رەت اتتى» دەگەنگە سەنگەن حالىقپىز. ياعني, بيلٸك وسىنداي ادامنىڭ باسىنا سىيمايتىن ٶتٸرٸكتەردٸ ايتۋ ارقىلى قازاقستاندى ازاماتتار تٶزٸمدٸلٸگٸنٸڭ پوليگونىنا اينالدى. «ٷش رەت اتىپ, ٶزٸن ٶلتٸردٸ» دەگەننٸڭ ار جاعىندا نە تۇر? «بۇل ۇلتقا نە ايتساڭ دا كٶنە بەرەدٸ» دەگەن پٸكٸر قالىپتاستىرۋ ٷشٸن جاسالعان شارۋا. تور كٶيلەكتٸڭ بٸر تٸنٸ كەتسە, قايتا توقۋ كەرەك بولادى. قازٸرگٸ جاعدايىمىز سول تور كٶيلەكتٸكٸندەي بولىپ تۇر. ەندٸ نە ٸستەۋ كەرەك? ويىڭدى ايتايىن دەپ الاڭعا شىقساڭ, «مەملەكەتتٸك تٶڭكەرٸس جاساماق بولدى» دەپ الىپ كەتەدٸ.
وسىنىڭ بەرٸ بٸزدٸڭ بيلٸكتەگٸ ادامداردىڭ وقۋدى بٸتٸرگەننەن كەيٸن بٸر دە بٸر كٸتاپ وقىماعاندىعىنان. ەۆتۋشەنكونىڭ «بيلٸكتەگٸلەر تولستويدىڭ «قاجىمۇراتىن» وقىعاندا شەشەنستانعا سوعىسۋدىڭ قاجەتسٸز ەكەنٸن بٸلەتٸن ەدٸ» دەگەن سٶزٸ بار. سول ايتپاقشى, بٸزدٸڭ بيلٸك حالىقتىڭ نەنٸ قالاپ, نەنٸ قالامايتىنىن بٸلمەي وتىر.
الدا 6 شٸلدە – پرەزيدەنتٸمٸزدٸڭ تۋعان كٷنٸ كەلە جاتىر. سول كٷندٸ كٶشەگە شىعىپ تويلايىق وندا. نەگٸزٸ بٷگٸنگٸ مەسەلەگە بايلانىستى بەرٸمٸز جينالىپ, كونتسەپتۋالدٸ قۇجات دايىنداۋىمىز كەرەك, — دەدٸ جازۋشى.
ايتا كەتسەك, جيىندا قوعام بەلسەندٸلەرٸ ٷشتٸلدٸلٸك رەفورماسىنىڭ ۇلتتى جويۋعا باعىتتالعانىن اشىق ايتىپ, ٶز قارسىلىقتارىن بٸلدٸردٸ. سونداي-اق, بٸلٸم مينيسترلٸگٸنٸڭ ٶكٸلدەرٸنە قوعام بەلسەندٸسٸ رۋزا بەيسەنبەكتەگٸنٸڭ 4 جارىم مىڭنان استام ادامنىڭ قولى جينالعان اشىق حاتىن تاپسىردى.
