اقتٶبەدە دٷكەنشٸنٸ اياۋسىز ۇرىپ-سوعىپ, پىشاقتاپ ٶلتٸرگەن سوتتالۋشىلارعا ٷكٸم شىقتى, دەپ حابارلايدى "ۇلت اقپارات".
اقتٶبە وبلىستىق قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا سوتتالۋشى م.جٷسٸپوۆ پەن ا.قاناەۆقا ٷكٸم شىقتى. ولارعا قىلمىستىق كودەكستٸڭ «قاراقشىلىق», «ادام ٶلتٸرۋ», «ەسٸرتكٸ, پسيحوتروپتىق زاتتارمەن, سول تەكتەستەرمەن ٶتكٸزۋ ماقساتىنسىز زاڭسىز جۇمىس ٸستەۋ» باپتارى بويىنشا ايىپ تاعىلعان بولاتىن.
ٸس ماتەريالىنا سٷيەنسەك, 2019 جىلدىڭ تامىز ايىندا م.جٷسٸپوۆ جەنە ونىڭ تانىسى ا.قاناەۆ قارعالى اۋدانىنداعى «اقنيەت» دٷكەنٸن توناۋدى كٶزدەگەن. ەكەۋٸ دٷكەنشٸگە بٸرنەشە رەت پىشاق سۇعىپ, سول جەردە 180 مىڭ تەڭگەدەن استام اقشانى الىپ كەتتٸ. ولار وقيعا ورنىنان ٸزٸن سۋىتقان.سول كٷنٸ م.جٷسٸپوۆتىڭ ٷيٸن تٸنتۋ كەزٸندە ەسٸرتكٸ زاتى تەركٸلەندٸ. ۇستالعان ا.قانيەۆ ٸشٸنارا كٸنەسٸن مويىندادى.
«ا.قانيەۆ قىلمىستىق كودەكستٸڭ «قاراقشىلىق», «ادام ٶلتٸرۋ» باپتارىمەن كٸنەلٸ دەپ تانىلىپ, 16 جىلعا باس بوستاندىعىنان ايىرۋ جازاسى تاعايىندالسىن. جازاسىن قاۋٸپسٸزدٸگٸ جوعارى تٷزەتۋ مەكەمەسٸندە ٶتەسٸن. م. جٷسٸپوۆ «قاراقشىلىق», «ادام ٶلتٸرۋ», «ەسٸرتكٸ, پسيحوتروپتىق زاتتارمەن, سول تەكتەستەرمەن ٶتكٸزۋ ماقساتىنسىز زاڭسىز جۇمىس ٸستەۋ» باپتارى بويىنشا ايىپتى دەپ تانىلىپ, 20 جىلعا باس بوستاندىعىنان ايىرىلسىن. ا.قانيەۆتەن مورالدىق زالال رەتٸندە 4 ميلليون, م.جٷسٸپوۆتەن 4 ميلليون تەڭگە ٶندٸرٸلسٸن», - دەدٸ ٷكٸمدٸ جارييا ەتكەن سۋديا قييانات مىرزابەكوۆ.
سوت ٷكٸمٸ زاڭدى كٷشٸنە ەنگەن جوق.
