دٷكەنگە نەمەسە دەرٸحاناعا ماسكاسىز كٸرگەن ادام ەكٸمشٸلٸك جاۋاپكەرشٸلٸككە تارتىلا ما? بۇل سۇراققا ەدٸلەت مينيسترٸ مارات بەكەتاەۆ جاۋاپ بەردٸ, دەپ حابارلايدى "ۇلت اقپارات".
«كٶشەگە شىعىپ جٷگٸرۋگە, سەرۋەندەۋگە بولادى. ٷش ادامعا دەيٸن جٷرگەندەرگە ەشقانداي جاۋاپكەرشٸلٸك جٷكتەلمەيدٸ. تٸپتٸ سٸز دالاعا ماسكاسىز شىقساڭىز دا ەشقانداي جاۋاپكەرشٸلٸككە تارتىلمايسىز. الايدا ەگەر دٷكەنگە نەمەسە دەرٸحاناعا ماسكاسىز كٸرسەڭٸز, جاۋاپكەرشٸلٸك بولادى. ٶيتكەنٸ ول – جابىق نىسان», - دەدٸ مارات بەكەتاەۆ وكق-دا ٶتكەن باسپاسٶز مەسليحاتىندا.
ەسكە سالا كەتسەك, قازاقستاندا قاتاڭ كارانتين شارالارى 2 تامىزعا دەيٸن ۇزارتىلعان بولاتىن.
«مەملەكەت باسشىسى قاسىم-جومارت توقاەۆ ٷكٸمەتتٸڭ كەڭەيتٸلگەن وتىرىسىندا الداعى كەزەڭگە بٸرقاتار ناقتى مٸندەتتەمە بەلگٸلەدٸ. قاتاڭ كارانتيندٸك شارالاردىڭ ەكٸنشٸ اپتاسى ٶتٸپ جاتىر. ۆيرۋستىڭ تارالۋى بويىنشا جاعداي كٷردەلٸ. دەنساۋلىق ساقتاۋ مينيسترلٸگٸنٸڭ ۇسىنىسى بويىنشا ەپيدەميولوگييالىق احۋالدى ودان ارى تۇراقتاندىرۋ ٷشٸن شەكتەۋ شارالارىن تاعى ەكٸ اپتاعا, 20 شٸلدەدەن باستاپ 2 تامىزعا دەيٸن ۇزارتۋ تۋرالى شەشٸم قابىلداپ وتىرمىز», - دەدٸ پرەمەر-مينيستر ٷكٸمەت وتىرىسىندا.
