Dúkenge nemese dárihanaǵa maskasyz kirgen adam ákimshilik jaýapkershilikke tartyla ma? Bul suraqqa Ádilet ministri Marat Beketaev jaýap berdi, dep habarlaidy "Ult aqparat".
«Kóshege shyǵyp júgirýge, serýendeýge bolady. Úsh adamǵa deiin júrgenderge eshqandai jaýapkershilik júktelmeidi. Tipti siz dalaǵa maskasyz shyqsańyz da eshqandai jaýapkershilikke tartylmaisyz. Alaida eger dúkenge nemese dárihanaǵa maskasyz kirseńiz, jaýapkershilik bolady. Óitkeni ol – jabyq nysan», - dedi Marat Beketaev OKQ-da ótken baspasóz máslihatynda.
Eske sala ketsek, Qazaqstanda qatań karantin sharalary 2 tamyzǵa deiin uzartylǵan bolatyn.
«Memleket basshysy Qasym-Jomart Toqaev Úkimettiń keńeitilgen otyrysynda aldaǵy kezeńge birqatar naqty mindetteme belgiledi. Qatań karantindik sharalardyń ekinshi aptasy ótip jatyr. Virýstyń taralýy boiynsha jaǵdai kúrdeli. Densaýlyq saqtaý ministrliginiń usynysy boiynsha epidemiologiialyq ahýaldy odan ary turaqtandyrý úshin shekteý sharalaryn taǵy eki aptaǵa, 20 shildeden bastap 2 tamyzǵa deiin uzartý týraly sheshim qabyldap otyrmyz», - dedi Premer-ministr Úkimet otyrysynda.
