فوتو: مەجٸلٸس باسپاسٶز قىزمەتٸ
قازاقستان رەسپۋبليكاسى باس پروكۋراتۋراسىنىڭ اكتيۆتەردٸ قايتارۋ جٶنٸندەگٸ كوميتەتٸ ەندٸ ينۆەستورلار قۇقىعىن قورعاۋ كوميتەتٸ دەپ اتالادى. بۇل تۋرالى پرەزيدەنت قاسىم-جومارت توقاەۆ بٷگٸن ٶتكەن قازاقستان حالقىنا جولداۋىندا ايتتى. وسى رەتتە Ult.kz تٸلشٸسٸ ۇرلانعان اكتيۆتەردٸ قايتارۋ بويىنشا دەپۋتاتتىق ساۋال جولداپ, مەجٸلٸس قابىرعاسىندا وسى مەسەلەنٸ جيٸ كٶتەرٸپ جٷرگەن دەپۋتات ەرمۇرات باپيدان كوميتەتتٸڭ ٶزگەرۋٸنە بايلانىستى سۇرادى.
«بٸر دٷدەمال ويدا قالدىم. پرەزيدەنتتٸڭ ٶزٸ 1 ترلن-عا جۋىق تەڭگەنٸڭ قايتقانىنا كٶڭٸلٸ توق پەيٸل سىندى وي ايتتى. پرەزيدەنت قازٸر مەملەكەتتٸك ساياساتتى ۇستانىپ وتىرعاندىقتان ينۆەستيتسييالىق كوميتەتكە اۋىستىرۋ جٶنٸندەگٸ شەشٸمٸ قانشالىقتى زەرتتەلگەن, نەگٸزدەلگەن ەكەنٸن بٸلمەيتمٸن, بٸراق مەن اكتيۆتەردٸ قايتارۋ جٶنٸندە كوميتەتتٸڭ بولعانىن قالار ەدٸم. بٸز ەندٸ پرەزيدەنتتٸڭ وسى سٶزٸنەن كەيٸن اكتيۆتەردٸ قايتارۋ مەسەلەسٸنٸڭ ماڭىزى مەملەكەت دەڭگەيٸندە تٷسٸپ قالدى ما دەپ ويلايمىن. بۇل ٶكٸنٸشتٸ جاعداي», ‒ دەدٸ مەجٸلٸس دەپۋتاتى ە. باپي.
ايتا كەتەيٸك, پرەزيدەنت جولداۋدا «ەلٸمٸزدە بٸردە-بٸر مەكەمەنٸڭ اتاۋىندا ينۆەستيتسييا دەگەن سٶز جوق, ينۆەستيتسييا تٸپتٸ جەتٸم بالا سيياقتى ٷش-تٶرت مەكەمەگە ورتاق مەسەلە بولىپ, ٶز جولىن تاپپاي جٷر» دەپ, 10 كٷن ٸشٸندە پرەمەر-مينيستر ناقتى ۇسىنىس بەرۋگە تيٸس ەكەنٸن ايتتى.
«مەنٸڭ ويىمشا, قازاقستان رەسپۋبليكاسى باس پروكۋراتۋراسىنىڭ اكتيۆتەردٸ قايتارۋ جٶنٸندەگٸ كوميتەتٸن ينۆەستورلار قۇقىعىن قورعاۋ كوميتەتٸ دەپ اتاۋدىڭ ۋاقىتى كەلدٸ. باس پروكۋراتۋرا زاڭسىز اكتيۆتەردٸڭ يەلەرٸمەن جاقسى جۇمىس ٸستەگەنٸن اتاپ ٶتكەن جٶن. قازىناعا 850 ملرد تەڭگەگە جۋىق قايتارىلدى. وسى قاراجات 10 مەكتەپ پەن تٶرت سپورتتىق نىساندى سالۋعا, 235 دەنساۋلىق ساقتاۋ نىسانى مەن 177 سۋ ينفراقۇرىلىمى نىسانىنىڭ قۇرىلىسىنا جەنە جاڭعىرتۋعا باعىتتالدى. رەسپۋبليكالىق بيۋدجەتكە تاعى دا قوسىمشا قاراجات تٷسەتٸنٸ ەسكەرٸلگەن», — دەدٸ پرەزيدەنت.
