الداعى جەكسەنبٸدە ۋحاننان ەۆاكۋاتسييالانعان قازاقستان ستۋدەنتتەرٸ كارانتيننەن شىعادى. بۇل تۋرالى قر دەنساۋلىق ساقتاۋ مينيسترلٸگٸنٸڭ رەسمي ٶكٸلٸ دياس احمەتشەرٸپ ايتتى, دەپ حابارلايدى "ۇلت اقپارات".
«11 اقپاندا قىتايدىڭ 36 قالاسىنان ەۆاكۋاتسييالانعان 217 ازاماتىمىز ٷش كٷندٸك تەكسەرۋدەن كەيٸن دەل قازٸر اۋرۋحانادان شىعارىلۋدا. بارلىعىنىڭ دەنساۋلىعى جاقسى. اناليزدەرٸندە اۋىتقۋ جوق. ۋحاننان ەۆاكۋاتسييالانعان ستۋدەنتتەرٸمٸز وسى الداعى جەكسەنبٸدە كارانتيننەن شىعارىلادى. دٷيسەنبٸ, 17 اقپاندا بٸز باق ٶكٸلدەرٸن سول ستۋدەنتتەرمەن كەزدەسۋگە شاقىرامىز. ولار بارلىق جاعدايدى ەگجەي-تەگجەيلٸ بايانداپ بەرەدٸ. ۋاقىتى مەن ٶتكٸزٸلەتٸن ورنىن قوسىمشا حابارلايتىن بولامىز», - دەدٸ دياس احمەتشەرٸپ.
