قر دەنساۋلىق ساقتاۋ ۆيتسە-مينيسترٸ جاندوس بٷركٸتباەۆ ەلٸمٸزدە كەيبٸر دەرٸ-دەرمەك باعاسىنىڭ قىمباتتاۋ سەبەبٸن تٷسٸندٸردٸ, دەپ حابارلايدى قازاقپارات.
«دەنساۋلىق ساقتاۋ مينيسترلٸگٸ باعانىڭ ٶسۋٸنە جول بەرمەۋ ٷشٸن شەكتٸ باعالاردى ايقىنداعان. بۇل مەسەلە مينيسترلٸك بۇيرىعىمەن رەگلامەنتتەلەدٸ. شەكتٸ باعا دەرٸ-دەرمەكتٸڭ 770 اتاۋى بويىنشا بەكٸتٸلگەن. ەگەر ساراپتامالارعا سٷيەنەر بولساق, 90 پايىز جاعدايدا باعا كٶتەرٸلگەن جوق. 10 پايىزىنا باعا كٶتەرٸلدٸ. بٸراق, بٸز حالىقارالىق نارىققا ساراپتاما جاساي وتىرىپ باعانى كٶتەردٸك», - دەدٸ ۆيتسە-مينيستر ورتالىق كوممۋنيكاتسييالار قىزمەتٸندەگٸ باسپاسٶز مەسليحاتى بارىسىندا.
وسى رەتتە ول مينيسترلٸكتٸڭ باعانى كٶتەرۋٸنە نە تٷرتكٸ بولعاندىعىن دا تٷسٸندٸرٸپ بەردٸ.
«ولاردى الداعى ۋاقىتتا ناقتى جوعالتىپ الماۋ ٷشٸن باعانى كٶتەرۋگە كەلٸسۋگە تيٸس بولدىق. بۇل شامامەن 300 اتاۋعا قاتىستى. دەرٸ-دەرمەكتەردٸڭ 90 پايىزىنا باعا كٶتەرٸلگەن جوق. تٸپتٸ ولارعا باعانىڭ 14 پايىزعا تٶمەندەۋٸ ورىن الدى. بٷگٸندە دەرٸ-دەرمەك باعاسىن رەتتەۋگە قاتىستى وسىنداي جۇمىس جٷرگٸزٸلٸپ جاتىر», - دەدٸ جاندوس بٷركٸتباەۆ.
