اتىراۋ وبلىسىندا 385 سۋبەكت «Ashyq» قوسىمشاسىمەن جۇمىس ٸستەپ جاتىر. بۇل تۋرالى ورتالىق كوممۋنيكاتسييالار قىزمەتٸندەگٸ بريفينگ بارىسىندا اتىراۋ وبلىسىنىڭ ەكٸمٸ ماحامبەت دوسمۇحامبەتوۆ ايتتى, دەپ حابارلايدى قازاقپارات.
«تۇتاستاي العاندا جاعداي تۇراقتى. 26 مامىردان باستاپ وبلىسىمىز «سارى» ايماقتا. ينفەكتسييالىق تٶسەكتەردٸڭ جٷكتەمەسٸ 16 پايىزدى قۇرايدى. ەم الىپ جاتقان ناۋقاستاردىڭ سانى – 337. وبلىس بويىنشا 12 ستاتسيوناردا 2 098 ناۋقاسقا ينفەكتسييالىق تٶسەك-ورىن جاساقتالعان. ونىڭ 81-ٸ رەانيماتسييالىق ورىن. قوسىمشا 750 رەزەرۆتٸك تٶسەك دايىندالدى», - دەدٸ وبلىس ەكٸمٸ.
ونىڭ دەرەگٸنشە, اقپاننان بەرٸ ٶڭٸرگە 111 200 دوزا ۆاكتسينا جەتكٸزٸلدٸ. وبلىس بويىنشا بارلىق تالاپتارعا ساي كەلەتٸن ۆاكتسيناتسييا سالاتىن 41 ەكپە پۋنكتٸ اشىلدى.
«بٷگٸندە 69 304 ادام ۆاكتسينانىڭ I كومپونەنتٸن, 27 569 ادام II كومپونەنتٸن الدى. ٶڭٸرٸمٸزدە قازٸرگٸ كەزدە 385 سۋبەكت «Ashyq» قوسىمشاسىن ەنگٸزٸپ, QR-كودپەن جۇمىس ٸستەۋدە», - دەدٸ ماحامبەت دوسمۇحامبەتوۆ.
