دوپتى حوككەيدەن جوعارى ليگاكوماندالارى اراسىندا بٷكٸلرەسەيلٸك جارىستا ورالدىڭ «اقجايىعى» «زناميا-ۋدمۋرتييا» (ۆوتكينسك) كومانداسىن قابىلدادى, دەپ حابارلايدى قازاقپارات.
بۇل ورالدىق كلۋبتىڭ جاڭا ماۋسىمداعى «جاستار» ستاديونىنداعى بەتاشار ويىنى ەدٸ.
ٷشٸنشٸ توپتا بۇعان دەيٸن «زناميا-ۋدمۋرتييا» 8 ويىننان كەيٸن 20 ۇپاي جيناپ, كٶش باستاعان ەدٸ. ال 6 ماتچ ٶتكٸزگەن «اقجايىق» 9 ۇپايمەن تٶرتٸنشٸ ورىنعا تٷسٸپ قالعان بولاتىن.
بٸرٸنشٸ تايمدا ەسەپ 1:1 بولعان مەزەتتە ورالدىق كوماندانىڭ سۇرمەرگەنٸ, رەسەيلٸك ماكسيم پاحوموۆ مەرگەندٸك تانىتتى – 2:1.
ەكٸنشٸ كەزەڭدە م.پاحوموۆ ەسەپتٸ 3:1-گە جەتكٸزدٸ. سوسىن 12 مەترلٸك ايىپ دوبىن دەل ورىندادى – 4:1. بۇدان كەيٸن قوناقتار ساپىنان دميتريي ساليموۆ پەن ۆلاديمير فەدوسەەۆ ەسەپتٸ قىسقارتتى – 3:4. دەگەنمەن م.پاحوموۆ پەنالتيدەن مٷلت كەتكەن جوق – 5:3. «زناميا-ۋدمۋرتييادان» د.ساليموۆ مەرگەندٸگٸمەن كٶزگە تٷسكەنٸمەن, م.پاحوموۆتان پاس العان
«اقجايىق» قۇرامىنداعى تاعى بٸر رەسەيلٸك الەكساندر سلۋگين ەسەپتٸ قايتا ۇلعايتتى – 6:4. سوڭعى مينۋتتا م.پاحوموۆ 12 مەترلٸكتەن ماتچتىڭ نٷكتەسٸن قويدى – 7:4.
ەرتەڭ قوس كوماندا ەكٸنشٸ كەزدەسۋٸن ٶتكٸزەدٸ.
