دوپتى حوككەيدەن بٷكٸلرەسەيلٸك جارىستا (جوعارى ليگا) ٶنەر كٶرسەتەتٸن ورالدىڭ «اقجايىعى» العاشقى جەڭٸسٸنە قول جەتكٸزدٸ, دەپ حابارلايدى "ۇلت اقپارات".
نيكولاي شاۆالدين جاتتىقتىراتىن ورالدىقتار كەزەكتٸ كەزدەسۋلەرٸن پەرۆوۋرالسكٸدە سۆەردلوۆ وبلىسىنىڭ ««سكسو »سكا-سۆەردلوۆسك» كومانداسىمەن ٶتكٸزدٸ.
بٸرٸنشٸ بەسەكەدە ايدىن يەلەرٸ قوناقتاردى 3:2 ەسەبٸمەن ۇتتى. مۇندا «اقجايىق» ساپىنداعى رەسەيلٸك لەگيونەر ماكسيم پاحوموۆ قوس گولدىڭ اۆتورى اتاندى.
ەكٸنشٸ ويىندا باتىسقازاقستاندىقتار 4:2 ەسەبٸمەن ەسە قايىردى. بۇل جولى اندرەي گۋششين قارسىلاستار قاقپاسىنا ەكٸ دوپ ەنگٸزسە, تاعى بٸر رەسەيلٸك ارتەم لاپشين مەن م.پاحوموۆ بٸر-بٸر گولدان سوقتى.
وسىلايشا باستاپقى ٷش ۇپايىنا قول جەتكٸزگەن «اقجايىق» ەكٸنشٸ توپتا بەسٸنشٸ ورىندا كەلەدٸ.
ورالدىقتار كەلەسٸ ماتچتارىن 10-11 جەلتوقساندا كراسنوتۋرينسكٸدە «ماياك» كومانداسىمەن ٶتكٸزەدٸ.
ەسكە سالا كەتەيٸك, بۇدان بۇرىن «اقجايىقتىڭ» «نيكەلششيكتەن» ۇتىلىپ قالعانىن جازعان بولاتىنبىز.
