فوتو: Instagram/janibek_alimkhanuly
International Boxing Federation (IBF) قازاقستاندىق بوكسشى جەنٸبەك ەلٸمحانۇلىن ورتا سالماقتاعى ەلەم چەمپيونى اتاعىنان ايىردى. بۇل تۋرالى 10 ناۋرىز كەشٸندە قازاقستاننىڭ كەسٸبي بوكس فەدەراتسيياسىنىڭ پرەزيدەنتٸ راحىمجان ەردەنبەكوۆ مەلٸمدەدٸ, دەپ حابارلايدى Ult.kz.
ونىڭ ايتۋىنشا, IBF ديرەكتورلار كەڭەسٸ چەمپيوندىق بەلبەۋدٸ بوس دەپ جارييالاۋ تۋرالى شەشٸم قابىلداعان. فەدەراتسييا ەرەجەسٸنە سەيكەس, كەز كەلگەن چەمپيون ٶز تيتۋلىن توعىز اي ٸشٸندە قورعاۋى تيٸس. الايدا قازٸرگٸ جاعدايعا بايلانىستى بۇل تالاپ ورىندالماعان.
IBF جولداعان حاتتا جەنٸبەك ەلٸمحانۇلىنىڭ 2026 جىلدىڭ 2 جەلتوقسانىنا دەيٸن شەتتەتٸلگەنٸ كٶرسەتٸلگەن. وسىعان بايلانىستى ۇيىم 2026 جىلعى 5 ناۋرىزدا تيتۋلدى دەرەۋ بوس دەپ جارييالاۋ تۋرالى شەشٸم قابىلداعان.
راحىمجان ەردەنبەكوۆتٸڭ ايتۋىنشا, بۇل جاعداي بوكسشى كومانداسى ٷشٸن ٷلكەن ساباق بولعان.
“جەنٸبەك بيىل ٷلكەن رينگكە بۇرىنعىدان دا مىقتى بولىپ ورالادى دەپ سەنەمٸز. ول الداعى ۋاقىتتا تٶرت بٸردەي ەلەم تيتۋلىن جەڭٸپ الۋعا قاۋقارلى”, – دەدٸ فەدەراتسييا باسشىسى.
سونىمەن قاتار, ەلٸمحانۇلىنىڭ كومانداسى بۇل شەشٸمگە قاتىستى اپەللياتسييالىق شاعىم تٷسٸرمەك.
ايتا كەتەيٸك, 2025 جىلدىڭ جەلتوقسانىندا جەنٸبەك ەلٸمحانۇلى دوپينگ-تەستتەن ٶتە الماي قالعان. وسىدان كەيٸن قازاقستاننىڭ كەسٸبي بوكس فەدەراتسيياسى ونى التى ايعا جەكپە-جەكتەردەن شەتتەتكەن.
سوڭعى ديسكۆاليفيكاتسيياعا قاراماستان, بوكسشى ەلٸ دە World Boxing Organization (WBO) نۇسقاسى بويىنشا ورتا سالماقتاعى ەلەم چەمپيونى بولىپ سانالادى. اقپان ايىندا ۇيىم وڭ دوپينگ-تەستٸنە بايلانىستى ونى 2026 جىلدىڭ 2 جەلتوقسانىنا دەيٸن بٸر جىلعا شەتتەتكەن.
