اقش پرەزيدەنتٸ دونالد ترامپ يراندى "تەرروريستٸك ەلدەر تٸزٸمٸندە بٸرٸنشٸ" بولىپ تۇرعانىن مەلٸمدەدٸ, - دەپ حابارلايدى ريا نوۆوستي ساياساتكەردٸڭ Fox News باسىلىمىنا بەرگەن سۇحباتىنا سٸلتەمە جاساپ.
"يران بٸزدٸڭ ەلدٸ مٷلدە سىيلامايدى. ول تەرروريستٸك ەلدەر قاتارىندا بٸرٸنشٸ بولىپ تۇر. بۇل ەل قارجىسىن قارۋلانۋعا جۇمساپ وتىر", - دەدٸ ترامپ. وسىعان بايلانىستى اقش پرەزيدەنتٸ يرانعا قاتىستى سانكتسييالار قولداناتىنىن جەتكٸزدٸ. "بٸز مۇنى باستاپ كەتتٸك", - دەيدٸ ول.
سونىمەن قاتار, ول ٶز ەرەكەتتەرٸ تۋرالى الدىن الا ەسكەرتپەيتٸنٸن ايتادى. "ماعان باراك وبامانىڭ موسۋلعا نەمەسە باسقا جەرگە ەسكەر جٸبەرەتٸنٸن الدىن الا حابارلاندىراتىنى ۇنامايتىن. ولار ۋاقىتى مەن كٷنٸن اتايدى. مەن مۇندايدىڭ تيٸمدٸ ەكەنٸنە مٷلدە سەنبەيمٸن", - دەيدٸ دونالد ترامپ.
