قازاقستاندىق «Nomad Stunts» توبىنىڭ كاسكادەرلەرٸ Disney ستۋديياسىنىڭ «مۋلان» فيلمٸنٸڭ تٷسٸرٸلٸم الاڭىنان فوتو جەنە ۆيدەولارمەن بٶلٸستٸ. اتالعان تۋىندىنىڭ ەلەمدٸك پرەمەراسى 4 قىركٷيەك كٷنٸ ٶتكەن بولاتىن, دەپ حابارلايدى "ۇلت اقپارات".
«Nomad Stunts» كاسكادەرلەرٸنٸڭ قاتىسۋىمەن تٷسٸرٸلگەن «مۋلان» فيلمٸندەگٸ ەڭ تارتىمدى قويىلىمداردىڭ بٸرٸ – عۇن كٶسەمٸ بٶرٸ حاننىڭ (بۇل رٶلدٸ دجەيسون سكوتت لي سومدايدى) ەليتالى ارناۋلى وتريادىنىڭ قىتاي بەكٸنٸسٸنە شابۋىلى. تريۋكتەر قويۋشىسىنىڭ ستسەنارييٸنە سەيكەس, ساربازدار شاۋىپ كەلە جاتقان اتتىڭ ٷستٸندە تٸك تۇرىپ, سەمسەر سەرمەۋ مەن ساداق تارتۋ سىندى ٶتە كٷردەلٸ قويىلىمداردى ورىنداۋى تيٸس بولعان.
«شاۋىپ كەلە جاتقان اتتىڭ ٷستٸندە ساربازداردىڭ تٸك تۇراتىن قويىلىمعا بٸر اي دايىندالدىق. دەگەنمەن, بۇل اتتاردى بٶلٸپ-بٶلٸپ ەكەلۋٸمەن بايلانىستى ورىن العان جايت ەدٸ. باستاپقىدا بٸر ات بولسا, ودان كەيٸن تاعى ەكٸ ات تاپتىق. سٶيتە كەلە ولاردىڭ سانىن 13-كە جەتكٸزدٸك. اي بويى جىلقىلاردى بٸرنەشە رەت اۋىستىردىق. سەبەبٸ كەيبٸرەۋٸ تريۋك جاساۋعا ساي كەلمەدٸ. بۇعان قوسا, دايىندىق جاساۋعا ارنالعان ىڭعايلى ورىن بولمادى. پروداكشەن ۇسىنعان الاڭ كٸشكەنتاي ەدٸ. حورس-شەبەرمەن سٶيلەسكەننەن كەيٸن دايىندىقتى تىنىق مۇحيتىنىڭ جاعالاۋىندا جاساۋعا رۇقسات بەرٸلٸپ, بارلىعى جىلدام بولا تٷستٸ. تٷسٸرٸمنٸڭ دە ٶز ەرەكشەلٸكتەرٸ بولدى. بٸزدٸڭ جٸگٸتتەرگە شاۋىپ كەلە جاتىپ, ەرتوقىم ٷستٸندە تٸك تۇرۋعا, سەمسەرلەرٸن سۋىرۋعا تۋرا كەلدٸ. ال مۇنىڭ بارلىعىن كٶزٸڭ عانا كٶرٸنەتٸن بەتٸڭدەگٸ ماسكامەن, ٶتە اۋىر كوستيۋمدەرمەن جاساۋ قاجەت. بٸز شاباندوزدىقتى كٶرسەتٸپ بەردٸك. جالپى, سوندىقتان دا «مۋلان» تٷسٸرٸلٸمٸنە شاقىرعان بولاتىن. پروديۋسەرلەر ات ٷستٸندە كٷردەلٸ تريۋك ورىنداي الاتىن كاسكادەرلەردٸ ٸزدەگەن بولاتىن. كاسكادەرلەرٸمٸز بارلىق قيىندىققا قاراماستان جٷكتەلگەن مٸندەتتٸ ورىنداپ شىقتى. كاسكادەر مۇرات بۇرحانوۆ تاماشا تريۋك جاسادى. ول مۋلان ساداق تارتىپ, بٶرٸ جان ساربازدارىنىڭ بٸرٸن جارالايتىن قويىلىمدا شاۋىپ كەلە جاتقان اتتىڭ اياعىنىڭ استىنا قۇلايدى. بۇل بٸر دۋبلمەن تٷسٸرٸلدٸ. رەجيسسەر دە تريۋكتٸڭ ٶتە قاۋٸپ بولعانىنا قاراماستان مۇراتتىڭ ونى ٶتە كەسٸبي دەڭگەيدە ورىنداعانىن بٸردەن ايتتى», - دەدٸ «Nomad Stunts» كاسكادەرلەر توبىنىڭ جەتەكشٸسٸ, تريۋك قويۋشى جايداربەك كٷنعوجينوۆ.
جوبانىڭ ارقاسىندا «Nomad Stunts» كاسكادەرلەرٸ Disney-مەن ىنتىماقتاستىقتى جولعا قويعان قازاقستاندىقتارعا اينالدى. ال توپ جەتەكشٸسٸ جايداربەك كٷنعوجينوۆ گوليۆۋدتىق ٸرٸ ستۋدييالاردىڭ بٸرٸنەن رٶل العان تۇڭعىش قازاقستاندىق سانالادى.
«مەنٸ اكتەر رەتٸندە توسىننان تاڭداپ قالدى. باستاپقىدا بۇل رٶلگە كانادا اكتەرٸ بەكٸتٸلگەن بولاتىن. دەگەنمەن, Netflix ستۋديياسىنىڭ «ماركو پولو» سەريالىندا بٸرگە جۇمىس ٸستەگەن پروديۋسەرلەردٸڭ بٸرٸ رەجيسسەرعا مەنٸ الۋدى كٶندٸردٸ. باستى سەبەبٸنٸڭ بٸرٸ – ماعان دۋبلەر قاجەت ەمەس. بارلىق تريۋكتٸ ٶزٸم جاساي الامىن. مەنٸڭ العاشقى تٷسٸرٸلٸم كٷنٸم ەسكەري كەڭەستە – بٶرٸ حان بارلىق گەنەرالدارىن جينايتىن قويىلىمدا بولدى. ەكٸنشٸ كٷنٸ ٶزٸم جاساي الاتىن تريۋك تٷسٸرٸلٸپ, وندا اتپەن شاۋىپ كەلە جاتىپ اكتەر دونني يەنمەن سەمسەرلەستٸم. شىنىمدى ايتايىن, ٶتە باقىتتى بولدىم. بارلىق ۋاقىتتا دا Disney-مەن ىنتىماقتاستىق ورناتۋدى ارماندايتىن ەدٸم. ال «مۋلان» جوباسىندا حورس-جاتتىقتىرۋشى (اتتاردى تريۋككە دايىندايتىن مامان) عانا ەمەس, اكتەر رەتٸندە دە جۇمىس ٸستەدٸم. بۇل – باعا جەتپەس تەجٸريبە بولدى», - دەدٸ جايداربەك كٷنعوجينوۆ.
ايتا كەتەرلٸگٸ, «مۋلان» فيلمٸندە «Nomad Stunts» توبىنىڭ كاسكادەرلەرٸ ات ٷستٸندە ٶتە كٷردەلٸ تريۋكتاردى ورىنداۋمەن قاتار, گوليۆۋد اكتەرلەرٸنە دۋبلەر دە بولدى.
