مەكتەپ ديرەكتورلارىن روتاتسييالاعاندا باسقا دا قىزمەتكەرلەردٸڭ بٸرگە اۋىسۋىنا توسقاۋىل قويۋ كەرەك. بۇل تۋرالى وقۋ-اعارتۋ مينيسترٸ اسحات ايماعامبەتوۆ ايتتى, دەپ حابارلايدى قازاقپارات.
«روتاتسييا ٶتكٸزگەن كەزدە ديرەكتورمەن قوسا ورىنباسارلارىنىڭ, ەسەپشٸسٸنٸڭ, باسقا قىزمەتكەرلەردٸڭ بٸرگە اۋىسۋىنا توسقاۋىل قويۋ كەرەك. بۇل جايىندا ايتتىق. باقىلاۋ دەپارتامەنتتەرٸ تيٸستٸ قاداعالاۋعا السىن. بۇل روتاتسييانى بەرٸن بٸر مەكتەپتەن ەكٸنشٸ مەكتەپكە كٶشٸپ بارۋى ٷشٸن ٸستەپ جاتقان جوقپىز. وسى مەسەلەگە باقىلاۋ جٷرگٸزۋ كەرەك. جالپى, زاڭ اياسىندا بارلىق جۇمىس ٸسكە اسۋى تيٸس. كەيبٸر ٶڭٸردە «مىنا مەكتەپكە بارعىم كەلەدٸ, مىناعان بارعىم كەلمەيدٸ» دەيتٸندەردٸ ەستٸپ جاتىرمىن. مۇنى توقتاتۋ كەرەك. ەگەر «روتاتسييانى تٷسٸنبەيمٸز, قابىلدامايمىز» دەسە, ونداي كٸسٸلەرمەن ەڭبەكشارتىن تٸپتٸ توقتاتۋ قاجەت», - دەدٸ مينيستر ۆەدومستۆونىڭ اپپارات جينالىسىندا.
اسحات ايماعامبەتوۆ روتاتسييا ٶتە ماڭىزدى تەتٸك ەكەندٸگٸن باسا ايتتى.
«بٸراق, ەكٸ مەسەلەگە نازار اۋدارۋ قاجەت. بٸرٸنشٸدەن, روتاتسييا جٷرگٸزگەن كەزدە ورىنباسارلارىن, ەسەپشٸلەرٸن ٶزٸمەن بٸرگە الىپ جٷرمەۋ, ەكٸنشٸدەن, وبەكتيۆتٸ كٶزقاراسپەن, زاڭناماعا ساي اۋىستىرۋ قاجەت. بۇل جەردە ەرتٷرلٸ تەۋەكەلدەرگە جول بەرٸلمەۋٸ تيٸس. زاڭ بۇزۋشىلىقتار بولسا, دەر كەزٸندە شەشٸم قابىلداۋىمىز كەرەك», - دەدٸ ول.
