Mektep direktorlaryn rotatsiialaǵanda basqa da qyzmetkerlerdiń birge aýysýyna tosqaýyl qoiý kerek. Bul týraly Oqý-aǵartý ministri Ashat Aimaǵambetov aitty, dep habarlaidy QazAqparat.
«Rotatsiia ótkizgen kezde direktormen qosa orynbasarlarynyń, esepshisiniń, basqa qyzmetkerlerdiń birge aýysýyna tosqaýyl qoiý kerek. Bul jaiynda aittyq. Baqylaý departamentteri tiisti qadaǵalaýǵa alsyn. Bul rotatsiiany bárin bir mektepten ekinshi mektepke kóship barýy úshin istep jatqan joqpyz. Osy máselege baqylaý júrgizý kerek. Jalpy, zań aiasynda barlyq jumys iske asýy tiis. Keibir óńirde «myna mektepke barǵym keledi, mynaǵan barǵym kelmeidi» deitinderdi estip jatyrmyn. Muny toqtatý kerek. Eger «rotatsiiany túsinbeimiz, qabyldamaimyz» dese, ondai kisilermen eńbekshartyn tipti toqtatý qajet», - dedi ministr vedomstvonyń apparat jinalysynda.
Ashat Aimaǵambetov rotatsiia óte mańyzdy tetik ekendigin basa aitty.
«Biraq, eki máselege nazar aýdarý qajet. Birinshiden, rotatsiia júrgizgen kezde orynbasarlaryn, esepshilerin ózimen birge alyp júrmeý, ekinshiden, obektivti kózqaraspen, zańnamaǵa sai aýystyrý qajet. Bul jerde ártúrli táýekelderge jol berilmeýi tiis. Zań buzýshylyqtar bolsa, der kezinde sheshim qabyldaýymyz kerek», - dedi ol.
