قازاقستان مۇسىلماندارى دٸني باسقارماسى بيىل ورازا ايت 5 ماۋسىمعا تٷسٸپ تۇرعانىن ايتتى, دەپ حابارلايدى "ۇلت اقپارات".
ورازا ايت رامازان ايىنان كەيٸنگٸ شەۋۋەل ايىنىڭ بٸرٸنشٸ كٷنٸنە سەيكەس كەلەدٸ. جاڭا ايدىڭ باستالۋى شاريعي ٷكٸمدەر مەن استرونومييالىق ەسەپتەر نەگٸزٸندە جٷزەگە اسادى. پايعامبارىمىز (وعان اللانىڭ سالاۋاتى مەن سەلەمٸ بولسىن):
"جاڭا ايدى كٶرٸپ ورازا تۇتىڭدار, جاڭا ايدى كٶرٸپ, اۋىزدارىڭدى اشىڭدار", - دەگەن.
2019 جىلدىڭ 11 سەۋٸرٸندە نۇر-سۇلتان قالاسىندا ٶتكەن باسقوسۋدا قازاقستان, ٶزبەكستان جەنە قىرعىزستان ەلدەرٸنٸڭ مۇسىلماندارى دٸني باسقارماسىنىڭ شاريعات جەنە پەتۋا بٶلٸمدەرٸنٸڭ باسشىلارى جاڭا ايدىڭ تۋۋىن حالىقارالىق استرانومييالىق زەرتتەۋ ورتالىقتارىنىڭ ەدٸستەمەسٸ نەگٸزٸندە بەلگٸلەۋگە بٸراۋىزدان كەلٸستٸ. سونداي-اق وعان 4 شارتتىڭ تابىلۋى ايتىلدى. ولار:
- اي جاڭاسى 15 ساعات 33 مينۋت جالعاسادى;
- اي مەن كٷننٸڭ باتۋ ارالىعى ەڭ ازى 29 مينۋت;
- ايدىڭ كٷننەن ۇزارتۋ بۇرىشى (elongation) 7,7 گرادۋس;
- ايدىڭ گوريزونتتان بيٸكتٸگٸ (altitude) 5 گرادۋستى قۇرايدى.
وسى شارتتار تابىلعان جاعدايدا جاڭا اي باستالعان بولىپ سانالادى.
سونىمەن قاتار, قازاقستاندا بەلگٸلٸ ۆ.گ.فەسەنكوۆ اتىنداعى استروفيزيكا ينستيتۋتىنىڭ مەلٸمەتٸ بويىنشا, جاڭا ايدىڭ كٶرٸنۋٸ 4 ماۋسىمعا تۋرا كەلەدٸ, بۇل كٷنٸ ايدىڭ باتۋى كٷن باتقاننان كەيٸن 1 ساعاتتان كەيٸن بولادى.
وسىعان وراي, بيىل 2019 جىلى قازاقستاندا ورازا ايت كٷنٸ 5 ماۋسىمعا سەيكەس كەلٸپ تۇر.
