بيىلعى 8 ماۋسىمنان باستاپ لاتۆييا راديوسىنان ديماش قۇدايبەرگەننٸڭ ەندەرٸ بەرٸلە باستادى, دەپ حابارلايدى "ۇلت اقپارات" dimashnews.com سايتىنا سٸلتەمە جاساپ.
راديو «PIK 100FM» – 22 جىل بويى جۇمىس ٸستەپ كەلە جاتقان لاتۆيياداعى ٸرٸ راديوستانتسييالاردىڭ بٸرٸ.
راديوتولقىنىندا 8 ماۋسىمنان باستاپ ديماشتىڭ ورىنداۋىنداعى يگور كرۋتوي مەن ميحايل گۋتسەريەۆ جازعان «ليۋبوۆ ۋستاۆشيح لەبەدەي» ەنٸ, ال 15 ماۋسىمنان يگور كرۋتوي مەن لارا فابيان ارنايى جازعان «Your Love» كومپوزيتسيياسى بەرٸلە باستادى. ەكٸ ەن دە كٷنٸنە ەكٸ رەت قويىلادى. كەيٸن راديوستانتسييانىڭ پلەيليستٸندە ساقتالىپ, ەردايىم بەرٸلٸپ تۇرماق.
لاتۆييا حالقىنىڭ قازاقستاندىق ەنشٸنٸڭ ٶنەرٸنە دەگەن قىزىعۋشىلىق ونىڭ وسى ەلدە ٶتكەن جەكە كونتسەرتٸنەن كەيٸن تۋىنداعان. بۇدان كەيٸن, جانكٷيەرلەر قازاقستاننىڭ تاريحىمەن, مەدەنيەتٸمەن تانىسا باستاعان. تٸپتٸ, قازاق تٸلٸن ٷيرەنۋدٸ قولعا العاندار بار.
وسىنداي قىزىعۋشىلىقتى بايقاعان لاتۆييالىق «Dimash Latvia Dears» فان-كلۋبى قازاقستاندىق ورىنداۋشىنىڭ شىعارماشىلىعىن ٶز ەلدەرٸندە ودان ەرٸ تانىتا تٷسۋ ارماندارىن ورىنداي باستادى. «PIK100FM» راديوسى ديرەكتورىنىڭ دا ەنشٸنٸڭ جانكٷيەرٸ ەكەنٸن بٸلگەن فاناتتار ديماشتىڭ بٸر ەنٸن راديوعا قوسۋدى ۇسىنعان. كەلٸسٸمگە قول جەتكٸزٸلگەن سوڭ, العاشقى ەن رەتٸندە يگور كرۋتوي مەن ميحايل گۋتسەريەۆ جازعان «ليۋبوۆ ۋستاۆشيح لەبەدەي» تۋىندىسى تاڭداپ الىنعان.
«ەن ەفيردەن ٶتكەن سوڭ, لاتۆييالىق راديوستانتسييانى بٷكٸل ەلەم تىڭداي باستادى. ديماشتىڭ ٶنەرٸن باعالاۋشىلار راديوعا جىلى لەبٸزدەرٸن جيٸ جولدايتىن بولدى», - دەلٸنگەن سايتتاعى اقپاراتتا.
ەندٸ, لاتۆييالىق تىڭدارمان د.قۇدايبەرگەننٸڭ قازاق تٸلٸندە ورىنداعان ەنٸن راديو ەفيرٸنەن تىڭداۋدى تاعاتسىزدانا كٷتٸپ جٷر.
