Biylǵy 8 maýsymnan bastap Latviia radiosynan Dimash Qudaibergenniń ánderi berile bastady, dep habarlaidy "Ult aqparat" dimashnews.com saityna silteme jasap.
Radio «PIK 100FM» – 22 jyl boiy jumys istep kele jatqan Latviiadaǵy iri radiostantsiialardyń biri.
Radiotolqynynda 8 maýsymnan bastap Dimashtyń oryndaýyndaǵy Igor Krýtoi men Mihail Gýtseriev jazǵan «Liýbov ýstavshih lebedei» áni, al 15 maýsymnan Igor Krýtoi men Lara Fabian arnaiy jazǵan «Your Love» kompozitsiiasy berile bastady. Eki án de kúnine eki ret qoiylady. Keiin radiostantsiianyń pleilistinde saqtalyp, árdaiym berilip turmaq.
Latviia halqynyń qazaqstandyq ánshiniń ónerine degen qyzyǵýshylyq onyń osy elde ótken jeke kontsertinen keiin týyndaǵan. Budan keiin, jankúierler Qazaqstannyń tarihymen, mádenietimen tanysa bastaǵan. Tipti, qazaq tilin úirenýdi qolǵa alǵandar bar.
Osyndai qyzyǵýshylyqty baiqaǵan latviialyq «Dimash Latvia Dears» fan-klýby qazaqstandyq oryndaýshynyń shyǵarmashylyǵyn óz elderinde odan ári tanyta túsý armandaryn oryndai bastady. «PIK100FM» radiosy direktorynyń da ánshiniń jankúieri ekenin bilgen fanattar Dimashtyń bir ánin radioǵa qosýdy usynǵan. Kelisimge qol jetkizilgen soń, alǵashqy án retinde Igor Krýtoi men Mihail Gýtseriev jazǵan «Liýbov ýstavshih lebedei» týyndysy tańdap alynǵan.
«Án efirden ótken soń, latviialyq radiostantsiiany búkil álem tyńdai bastady. Dimashtyń ónerin baǵalaýshylar radioǵa jyly lebizderin jii joldaityn boldy», - delingen saittaǵy aqparatta.
Endi, latviialyq tyńdarman D.Qudaibergenniń qazaq tilinde oryndaǵan ánin radio efirinen tyńdaýdy taǵatsyzdana kútip júr.
