ديماش قۇدايبەرگەننٸڭ ٶزبەكستانداعى فان-كلۋبىنىڭ ينستاگرام پاراقشاسىندا ەنشٸنٸڭ تاشكەنت تٶرٸندە ٶنەر كٶرسەتكەن ۆيدەوسى جارييالاندى.
ٶزبەكستاندا قازاقستان جىلىنىڭ اشىلۋ سالتاناتىندا ديماش قۇدايبەرگەن ەيگٸلٸ «Sos d'un terrien en detresse» ەنٸن شىرقادى. ول وسى ەنٸمەن قىتايداعى «I am singer» بايقاۋىنىڭ شىمىلدىعىن اشىپ, ەرەك داۋىسىمەن كٶرشٸلەس ەلدٸڭ كٶرەرمەنٸ مەن ەلەم جۇرتشىلىعىن تەنتٸ ەتكەن ەدٸ.
ەنشٸنٸڭ ٶزبەكستانداعى فان-كلۋبىنىڭ ينستاگرام پاراقشاسىنداعى ۆيدەوعا جانكٷيەرلەر كٶپتەپ پٸكٸر قالدىرىپ جاتىر.
«نە دەگەن كەرەمەت ورىنداۋ! كٶرەرمەندەر بٸزدٸڭ سٷيٸكتٸ ەنشٸمٸزدٸ كەرەمەت كٷتٸپ الدى! ديماشقا لايىق ەدەمٸ ساحنا!», - دەپ جازادى فاناتتارىنىڭ بٸرٸ.
ديماشتىڭ ٶنەر كٶرسەتكەنٸن مەدەنيەت جەنە سپورت مينيسترٸ ارىستانبەك مۇحامەديۇلى بٶلٸسٸپ, ينستاگرام پاراقشاسىنا «سەگٸز قىرلى ديماش قۇدايبەرگەن! ٶزبەكستانداعى قازاقستان جىلىنىڭ اشىلۋ سالتاناتى. تاشكەنت 2019» دەگەن جازبا قالدىردى.
شاعىن ۆيدەودا قازاقستان پرەزيدەنتٸ قاسىم-جومارت توقاەۆ پەن ٶزبەكستان پرەزيدەنتٸ شاۆكات ميرزييوەۆ تامسانا قول شاپالاقتاپ وتىرعانىن كٶرۋگە بولادى.
ەسكە سالا كەتسەك, كەشە ديماش قۇدايبەرگەننٸڭ ٶزبەكستاندىق فان كلۋبى ەنشٸنٸ تاشكەنتتەگٸ ەۋەجايدان قۇشاق جايا كٷتٸپ العان بولاتىن.
