ديماش قۇدايبەرگەننٸڭ اقتٶبەگە كەلگەن فاناتى رەبەككا مۋزىكالىق كوللەدج ساحناسىندا «ماحابات بەر ماعان» ەنٸن ورىندادى. ەنشٸنٸڭ ۇستازى مارات ەيتٸموۆ فاناتتىڭ تابيعي تالانتىنا تاڭقالدى, دەپ حابارلايدى قازاقپارات تٸلشٸسٸ.
ەنشٸ ديماش قۇدايبەرگەننٸڭ «ارناۋ» كونتسەرتٸنە كەلگەن بٸر توپ فانات نۇر-سۇلتان, الماتى, اقتٶبە تۋرمارشرۋتىن تاڭداعان. ولار بۇل ٷش قالانى ارالاۋعا 4 مىڭ اقش دوللارىن جۇمسادى. اقتٶبەگە كەلگەن فاناتتار اراسىندا اقش, گاۆاي ارالى, مازايزييا, ۇلىبريتانييا مەن فرانتسييا سەكٸلدٸ ەۋروپانىڭ بٸرنەشە قالاسىنىڭ تۇرعىنى بار. ولار ەدەتتەگٸدەي مەشٸت, شٸركەۋ, مۋزەيگە بارىپ, ەنشٸ وقىعان مەكتەپتە, مۋزىكالىق كوللەدجدە بولدى. فاناتتار ٷشٸن ەنشٸنٸڭ ۇستازى مارات ەيتٸموۆپەن سۇحبات قىزىقتى ٶتتٸ. ەرٸ ساحنادا ەن ايتۋعا مٷمكٸندٸك بەرٸلٸپ, ۆوكالدىق قابٸلەتتەرٸ تۋرالى بٸلدٸ. بەرٸنەن گاۆاي ارالىنان كەلگەن رەبەككانىڭ داۋىسى كٶپتٸ تاڭقالدىردى. ول «ماحاببات بەر ماعان» ەنٸن مۋزىكالىق سٷيەمەلدەۋسٸز ورىنداپ شىقتى.
«رەبەككادا تابيعي تالانت بار. تىنىس الۋى جاقسى, ياعني, ادام سپورتپەن شۇعىلدانادى. سپورتپەن شۇعىلداناتىن ادام جوعارى نوتالاردى الماسا دا قينالماي جاقسى ەن ايتا الادى. مۋزىكانى ەستي الادى, قۇبىلتادى. ەن تازا شىقتى. ساحنادا سەل قوبالجىعانى بايقالادى», - دەدٸ ەنشٸنٸڭ ۇستازى مارات ەيتٸموۆ. ال فانات رەبەككا تاعى اقتٶبەگە كەلسە مارات ەيتٸموۆتەن ساباق الاتىن بولدى.
بۇعان دەيٸن حابارلاعانىمىزداي, 25-ماۋسىمدا بٸر توپ فانات اقتٶبەگە كەلٸپ, قالانىڭ كٶرٸكتٸ جەرلەرٸن ارالاعان بولاتىن.
فاناتتار ٷشٸن ديماش قۇدايبەرگەننٸڭ بالالىق شاعى, ستۋدەنتتٸك كەزٸ قىزىقتى. ولار مارات ەيتٸموۆتەن ەستە قالار وقيعالار تۋرالى ايتىپ بەرۋٸن سۇرادى.
«ديماش مۋزىكالىق كوللەدجگە كەلگەندە 15 جاستا بولدى. داۋىسى ٶڭدەلمەگەن, قاراپايىم ەدٸ. قازٸرگٸ داۋىسى وقۋمەن, ەڭبەكپەن كەلدٸ. ول تٶرت جىل بويى تىنباي داۋىسىمەن جۇمىس ٸستەدٸ, جاتتىعۋلار جاسادى. باستىسى - تالانت. ەن ايتاتىن, داۋىسى بار ادامدار كٶپ. ال ديماشتا تابيعي تالانت تا, اقىل دا بار. بەرٸ توعىسقاندا الاپات كٷشكە اينالدى. فالتسەتتٸ مۋزىكالىق كوللەدجدە كٶپ قولدانبايمىز. ديماش ٷشٸنشٸ كۋرستان باستاپ ەۋەستەندٸ. العاشقى كەزدە تىيىم سالدىم. كٶبٸنە مەن كوللەدجدە بولماعان كەزدە بار داۋىسىمەن, فالتسەتپەن ەن ايتادى. داۋىسى بارلىق جەرگە ەستٸلەدٸ. مەنٸڭ كٸرگەنٸمدٸ بٸلگەن كەزدە كٶزٸمە تٷسپەۋ ٷشٸن قاشىپ جٷرەدٸ. ٶزٸنە «جۇدىرىق» تيەتٸنٸن بٸلەدٸ», - دەدٸ مارات ەيتٸموۆ.
