ديماش قۇدايبەرگەننٸڭ العاشقى ونلاين كونتسەرتٸ جانكٷيەرلەرگە كەرەمەت ەسەر سىيلادى. كٶپتەگەن Dears-تٸڭ ٶتٸنٸشٸنە بايلانىستى شوۋ 31 قاڭتاردا نۇر-سۇلتان ۋاقىتىمەن 20:00-دە قايتادان كٶرسەتٸلەدٸ, دەپ حابارلايدى "ۇلت اقپارات" Dimashnews.com-عا سٸلتەمە جاساپ.
Tixr ستريمينگ پلاتفورماسى مەن ديماش «DIMASH DIGITAL SHOW» كونتسەرتٸنٸڭ قايتالاۋىن كٶرسەتەدٸ, بۇل قازاقستاندىق ورىنداۋشى شىعارماشىلىعىنىڭ جانكٷيەرلەرٸنە بارلىق بٸرٸككەن Dears-تٸڭ سيقىرىن سەزٸنە وتىرىپ, ونلاين-چاتتا تاعى دا جٷزدەسۋلەرٸنە مٷمكٸندٸك بەرەدٸ.
بيلەتتەرٸ بار جانكٷيەرلەرگە قايتادان بيلەت ساتىپ الۋدىڭ قاجەتٸ جوق. ولار بيس شوۋدى قولدا بار بيلەتتەر بويىنشا تاماشالاي الادى. ولاردى ساتىپ الۋعا ەلٸ ٷلگەرمەگەن جانكٷيەرلەر 31 قاڭتارعا دەيٸن ساتىپ الۋى كەرەك.
بۇدان باسقا, 31 قاڭتار كٷنٸ نۇر-سۇلتان ۋاقىتى بويىنشا ساعات 22:30-دا «DIMASH DIGITAL SHOW» كٶرسەتٸلٸمٸنەن كەيٸن كٶپتەن كٷتكەن «Post-Show Q&A session» تٸكەلەي ەفيرٸ ٶتەدٸ. شارا بارىسىندا جانكٷيەرلەر ديماشتى كٶرۋگە, وعان سۇراقتار قويۋعا, ونلاين-كونتسەرت تۋرالى ەسەرلەرٸمەن بٶلٸسۋگە, سونداي-اق ەرتٸستٸڭ جوسپارلارى تۋرالى بٸلۋگە مٷمكٸندٸك الادى.
ەسكە سالا كەتەيٸك, ديماش قۇدايبەرگەننٸڭ ونلاين كونتسەرتٸن 100 ەلدەگٸ جانكٷيەرلەر تاماشالاعان بولاتىن. DIMASH DIGITAL SHOW ديماشتىڭ كوروناۆيرۋس پاندەميياسى باستالعان سەتتەن بەرگٸ العاشقى جاھاندىق ٶنەر كٶرسەتۋٸ بولدى.
ايتا كەتەيٸك, جاقىندا عانا اقش پرەزيدەنتٸ دجو بايدەننٸڭ يناگۋراتسييالاۋ اپتالىعىنىڭ اشىلۋىنا ارنالعان سالتاناتتى ٸس-شارادا ديماش قۇدايبەرگەن قازاقتىڭ «سامالتاۋ» حالىق ەنٸن ورىنداعان ەدٸ.
