قازاقستاندىق ەنشٸ ديماش قۇدايبەرگەننٸڭ بەينەبايانى Europa Plus TV تەلەارناسى ەفيرٸنەن كٶرسەتٸلەدٸ, - دەپ حابارلايدى Tengrinews.kz.
رەسەيلٸك Europa Plus TV تەلەارناسىندا بەينەباياننىڭ كٶرسەتٸلٸمٸ 30 شٸلدەدە مەسكەۋ ۋاقىتىمەن 18.35-تە (نۇر-سۇلتان ۋاقىتىمەن 21.35-تە) ٶتەدٸ.
كليپ 2021 جىلدىڭ سەۋٸرٸندە ديماش قۇدايبەرگەننٸڭ رەسمي YouTube-ارناسىندا جارييالانعان بولاتىن.
ەكشن جانرىنداعى شاعىن فيلمگە ۇساس بەينەباياننىڭ تٷسٸرٸلٸمٸ الماتىدا بولدى. تٷسٸرٸلٸم باستالار الدىندا رەجيسسەر راديسلاۆ لۋكين دايىندىق جۇمىستارىمەن اينالىسۋ ٷشٸن قازاقستانعا ۇشىپ كەلگەن.
كليپتٸڭ قويۋشى-وپەراتورى ازامات دۋلاتوۆ ديماش ٷشٸن تٷسٸرگەن بٷكٸل بەينەباياننىڭ ٸشٸندە ەڭ قيىنى وسى بولعانىن ايتتى. جالپى, جاڭا بەينەكليپ ٷشٸن 70-تەن اسا ادام قاتىسقان تٷسٸرٸلٸم توبى جۇمىس ٸستەگەن.
بەينەبايانداعى تريۋكتەردٸ قازاقستاندىق, سونداي-اق شەتەلدٸك تانىمال كينوكارتينالاردا جۇمىس ٸستەگەن Kazakh union كاسكادەرلٸك توبى ۇيىمداستىرعان. ولاردىڭ ٸشٸندە: "نەۋدەرجيمىە 2", "دنەۆنوي دوزور", "كوچەۆنيك", "رەكەتير" فيلمدەرٸ بار.
