ەلەمگە تانىمال قازاق ەنشٸسٸ ديماش قۇدايبەرگەن فاناتتارىنا العىس ايتتى, دەپ حابارلايدى "ۇلت اقپارات".
«راحمەت, امەريكا. راحمەت, نيۋ-يورك. ريزامىن سەندەرگە, dears. مەن سەندەردٸ شەكسٸز جاقسى كٶرەم. قاراپايىم عانا ەڭبەگٸمە ەردايىم قولداۋ كٶرسەتٸپ, كٶككە كٶتەرگەندەرٸڭ ٷشٸن العىسىم شەكسٸز. ۆيدەو كەيٸنٸرەك بولادى. ال مەنٸڭ امەريكاداعى «ارناۋ» اتتى كونتسەرتٸمنٸڭ تولىق تۆ نۇسقاسى جاقىندا جارىققا شىعادى», - دەپ جازدى ديماش قۇدايبەرگەن Instagram پاراقشاسىندا.
ەسكە سالا كەتسەك, بۇعان دەيٸن ديماش قۇدايبەرگەننٸڭ نيۋ-يوركتەگٸ كونتسەرتٸ ٷلكەن انشلاگپەن ٶتكەنٸن, Barسlays center ارەناسى قازاق ەنشٸسٸن سٷيٸپ تىڭدايتىن جۇرتشىلىققا لىق تولى بولعانىن حابارلاعان ەدٸك.
ايتا كەتەرلٸگٸ, ديماش قۇدايبەرگەن نيۋ-يوركتەگٸ كونتسەرتٸنەن وتانىنا ورالا سالىسىمەن «قازاقستاننىڭ ەڭبەك سٸڭٸرگەن قايراتكەرٸ» اتاندى.
