قازاقستاندىق ەنشٸ ديماش قۇدايبەرگەن باق سىناپ جاتقان «Singer 2017» ەن بايقاۋىنىڭ جارتىلاي فينالى ەفيردە كٶرسەتٸلدٸ, دەپ حابارلايدى قازاقپارات تٸلشٸسٸ.
بۇعان دەيٸن حابارلاعانىمىزداي, بايقاۋدىڭ ەكٸ كەزەڭنەن تۇراتىن فينالىنا 10 ەنشٸ جولداما العان بولاتىن. جوبانىڭ تالابى بويىنشا ونىنشى بولىپ ساحناعا شىعاتىن ەنشٸ ٶزٸنەن كەيٸنگٸ توعىزىنشى ەنشٸنٸ بەلگٸلەيدٸ. ونىنشى بولىپ ٶنەر كٶرسەتەتٸن لين چجيسيۋان ديماشتى توعىزىنشى بولىپ شىعۋعا بەلگٸلەدٸ, ال ديماش سەگٸزٸنشٸ ەنشٸگە Lion توبىن تاڭدادى.
ديماش جارتىلاي فينالدا يتالياندىق ەنشٸ ادريانو چەلەنتانونىڭ «Confessa» ەنٸنە «5-ەلەمەنت» كينوسىنىڭ «The diva dance»-تٸ قوسا شىرقادى.
ايتا كەتەيٸك, جارتىلاي فينال ەنشٸلەردٸڭ بايقاۋدا سوڭعى رەت جەكە ٶنەر كٶرسەتۋٸ. سونداي-اق, بۇعان دەيٸنگٸدەي ناقتى رەيتينگ قۇرىلماي, اقتىق سىنعا 8 ەنشٸ جولداما الادى. شەشۋشٸ بەسەكەدە ەر ەنشٸ ەلگە تانىمال ەنشٸلەرمەن جۇپتاسىپ ٶنەر كٶرسەتٸپ, ەكٸ كەزەڭدەگٸ نەتيجەسٸ بويىنشا جەڭٸمپاز انىقتالادى. ون كەزەڭ جەنە جارتىلاي فينالداعى نەتيجەلەردٸڭ قورتىندىسى بويىنشا گونگكوك قالاسىنىڭ تۋماسى لين يلياننىڭ (Sandy Lam) رەيتينگٸ ورتا ەسەپپەن 2,73 بولىپ بٸرٸنشٸ ورىندا, ال ديماش 2,58 بولىپ ەكٸنشٸ ورىندا تۇر.
ەسكە سالا كەتەيٸك, بايقاۋدىڭ اقتىق بەسەكەسٸن 15 سەۋٸر كٷنٸ وتاندىق «حابار» تەلەارناسىنان تٸكەلەي ەفيردەن تاماشالاي الاسىزدار. بۇل كٷنٸ ديماش قىتايلىق تانىمال ەنشٸ شاڭ ۆەنجەمەن بٸرگە ەنشىرقايدى.
