قىتايدا «Singer» حالىقارالىق ەن بايقاۋىنا قاتىسىپ جاتقان وتانداسىمىز ديماش قۇدايبەرگەننٸڭ «جەنمين جيباو» («حالىق گازەتٸ») گازەتٸنە بەرگەن سۇحباتى جارييالاندى. قازاقپارت اگەنتتٸگٸ اتالعان سۇحباتتىڭ تولىق نۇسقاسىن ۇسىنىپ وتىر.
- ٶنەرلٸ وتباسىندا تۋىلىپسىڭ, قارشادايىڭنان ەنشٸ بولۋدى ارماندادىڭ با?
- ٶنەرلٸ وتباسىندا تۋىلعانىما, وسىنداي اتا-انام بولعانىنا ٶزٸمدٸ ەرەكشە باقىتتى سەزٸنەمٸن. اتا -انام ٶنەر ادامدارى بولماعاندا, قانشا قۇلشىنعانىممەن, ەنشٸ بولۋىم ەكٸتالاي ەدٸ.
- سەنٸڭشە قالاي جاقسى ەنشٸ بولۋعا بولادى?
- مەنٸڭشە, مۋزىكالىق جاعىنان تابىسقا جەتۋ ٷشٸن كەسٸبي قابٸلەت باسىم بولۋ كەرەك. ەڭ ماڭىزدىسى, ەندٸ جٷرەكپەن ايتا بٸلۋٸڭ كەرەك. مەن مايكل دجەكسوننىڭ, دجەكي چاننىڭ, لۋچانو پاۆاروتتيدٸڭ جانكٷيەرٸمٸن. ولاردىڭ بارلىعى تاباندى ماڭداي تەردٸڭ ارقاسىندا تابىسقا جەتكەن. بەرٸنەن دە ماڭىزدىسى, ولاردىڭ بەرٸ ەلەمدٸك دەڭگەيدەگٸ جۇلدىزدار بولسا دا, ەرەكشە كٸشٸپەيٸل, باۋىرمال جاندار. سوندىقتان مەن ولاردى ٷلگٸ تۇتامىن.
- ٶنەر جولىڭدا ساعان ەرەكشە ىقپال ەتكەن ادام بولدى ما, سول تۋرالى ايتىپ بەرسەڭ?
- ماعان ەرەكشە ەسەر ەتكەن ادام, ەرينە, مەنٸڭ اتا-انام. سول كٸسٸلەردٸڭ ارقاسىندا وسى كٷنگە جەتتٸم. ۇستازدارىما دا ەرەكشە العىس ايتامىن. ولار ەرقاشاندا ماعان قولۇشىن بەرٸپ, مەنٸ قولداپ كەلەدٸ. ەرٸ مەنٸڭ كەسٸبي دەڭگەيٸمنٸڭ ٶسۋٸنە ماعان مول بٸلٸم بەردٸ.
- قازاق, ورىس, يتاليان, فرانتسۋز تٸلدەرٸندە, تٸپتٸ قىتاي تٸلٸندە ەن ايتىپ ەلەمدٸ تاڭعالدىردىڭ. وسى تٸلدەردٸ قالاي ٷيرەندٸڭ?
- مەن كٶپ ٸزدەنەمٸن. وپەرالىق باعىتتا ەن ايتاتىن بولعاندىقتان, ەلەمنٸڭ ەرتٷرلٸ تٸلدەرٸندە ەيگٸلٸ وپەرالاردى ورىنداپ كٶردٸم. ەرينە, قۇلشىنا ٷيرەنۋ كەرەك. الدىمەن وسى ەلدەردٸڭ مۋزىكاسى مەن ەۋەنٸن ۇناتۋ كەرەك. سوسىن ەن مەتٸنٸن ٷيرەنەسٸڭ. وسى ەندەردٸ تٸپتٸ تولىق تٷسٸنە الاسىڭ. ۇستازدارىمنىڭ كٶمەگٸمەن وسى تٸلدەردٸ ٷيرەنۋگە تىرىسىپ, شەتەلدٸك وپەرالاردى ناقىشىنا كەلتٸرٸپ ورىندادىم. سول ارقىلى نەمٸس, ۋكراين, فرانتسۋز, يتاليان, اعىلشىن, تٷرٸك تٸلدەرٸن ٷيرەندٸم. قازٸر قىتاي تٸلٸن ٷيرەنٸپ جٷرمٸن.
- قىتايدا ٶتٸپ جاتقان «Singer» ەن بايقاۋىنا قالاي كەلدٸڭ? باسقا حالىقارالىق بايقاۋلارعا قاراعاندا قانداي ەرەكشەلٸگٸن بايقادىڭ?
- بايقاۋدىڭ باس رەجيسسەرٸ, تەلٸمگەر حۋن تاو بۇرىنعى مەنٸڭ حالىقارالىق بايقاۋلاردا ٶنەر كٶرسەتكەنٸمدٸ بايقاپ, مەنٸ وسىندا شاقىردى. «Singer» بايقاۋى - ناعىز ەنشٸلەر باق سىنايتىن ٶنەر دوداسى. ۋاقىتى مەن اينالىمى دا ەرەكشە ۇزاق. ول سەنٸڭ ساحناداعى سەتٸڭدٸ عانا ەمەس, ەنشٸنٸڭ بايقاۋعا دايىندالۋ بارىسىن, سونداي-اق, ساحنادان تىس تۇرمىس-تٸرشٸلٸگٸن دە كٶرسەتەدٸ. كٶرەرمەندەرگە ەنشٸنٸڭ ٶنەرٸمەن بٸرگە ٶمٸرٸن دە تولىق تانىستىرادى. مەن بۇرىنعى قاتىسقان بايقاۋلاردان «Singer» جوباسىنىڭ ەڭ ٷلكەن ەرەكشەلٸگٸ - مۇندا مەنەن جاسى ٷلكەن, اتاعى ەيگٸلٸ, تابىسقا جەتكەن ەنشٸلەرمەن بٸرگە باق سىناۋعا تۋرا كەلدٸ.
- «Singer» بايقاۋىندا ٶزٸڭنەن قانداي ناتيجە كٷتەسٸڭ?
- بۇل سۇراق مەن ٷشٸن اۋىر. بايقاۋدىڭ نەتيجەسٸنەن بۇرىن, ەڭ باستىسى, كٶرەرمەندەردٸڭ قولداۋىنا يە بولسام دەيمٸن. بارىنشا جاقسى ٶنەر كٶرسەتٸپ, بۇدان دا بيٸك بەلەستەرگە ۇمتىلىپ, جانكٷيەرلەرٸمنٸڭ كٶڭٸلٸنەن شىعامىن دەپ ويلايمىن. ساحناداعى ەرەكەتٸمە كەيدە ٶزٸم دە تەنتٸ بولامىن.
- سەنٸڭ ٶنەرٸڭنەن قازاقستان مەن قىتايدىڭ مۋزىكالىق ٷندەستٸگٸن بايقاعانداي بولدىق. مۇنىڭ سىرى نەدە دەپ ويلايسىڭ?
- ەكٸ ەل مۋزىكاسىنىڭ كەيبٸر تۇستارى ساباقتاسىپ جاتادى. ٶزٸندٸك ەرەكشەلٸكتەرٸ دە از ەمەس. قازاقستان مەن قىتايدىڭ ەنشٸلٸك ٶنەرٸ جوعارى دەڭگەيدە دامىعان دەپ ايتۋعا بولادى. قىتايلىق كٶرەرمەندەردٸڭ ىستىق ىقىلاسىن كٶرگەندە بەينە تۋعان جەردەگٸ دوستارىمنىڭ ىستىق قۇشاعىنا بٶلەنگەندەي سەزٸندٸم. قىتايلىق ەنشٸلەردٸڭ قازاقستانعا كەلٸپ, ٶنەر كٶرسەتۋٸن قولدايمىن. بٸزدٸڭ ەلٸمٸزدە ولاردى ەرەكشە قىزۋ قارسى الادى دەپ سەنەمٸن.
- قىتايلىق ەنشٸلەردەن كٸمدٸ ۇناتاسىڭ? ونىڭ ٶنەرٸن قالاي باعالايسىڭ?
- مەنٸڭ جاقسى كٶرەتٸن ەنشٸلەرٸم كٶپ. قىتايلىق ەنشٸلەرمەن كٶپ كەزدەسۋلەردە بولدىم. بارلىعى ٶتە قاراپايىم, اشىق-جارقىن, يناباتتى ادامدار ەكەن. مەن تەلٸمگەر حان حۋندى, لين جىشۋان تەلٸمگەردٸ ٶتە جاقسى كٶرەمٸن. «Singer» باعدارلاماسى ارقىلى لين جىشۋان تەلٸمگەرمەن تانىستىم. العاش كەزٸككەنٸمٸزدە ول كٸسٸ ماعان سونداي جاقىن سەزٸلدٸ. ٶتە كٸشٸپەيٸل, جىلى جٷزدٸ ادام.
- قىتاي مەن قازاقستان - دوستىق قارىم-قاتىناستاعى كٶرشٸ ەلدەر. بيىل قىتايدىڭ قازاقستانداعى تۋريزم جىلى. قازاقستانعا بارعىسى كەلەتٸن قىتايلىقتارعا ٶز ەلٸڭدٸ قالاي تانىستىرار ەدٸڭ?
- بيىل ماۋسىم ايىندا قازاقستاندا ەكسپو-2017 حالىقارالىق كٶرمەسٸ باستالادى. ەكسپو كٶرمەسٸ تۇڭعىش رەت ورتالىق ازييا ەلٸندە ٶتكٸزٸلەدٸ. بارلىقتارىڭىزدى قازاقستانعا كەلٸپ, ەكسپو كٶرمەسٸن تاماشالاۋعا, قازاقتىڭ ەسەم تابيعاتىن كٶرۋگە, دەمدٸ تاعامدارىنان اۋىز تييۋگە شاقىرامىن. بەرٸ سەتٸمەن بولسا, مەن اتالمىش كٶرمەدە ەن ايتاتىن بولامىن.
- سٶز سوڭىندا جانكٷيەرلەرٸڭە قانداي تٸلەك جولدايسىڭ?
- ارماندارىڭىزدىڭ ورىندالۋىن, ٶمٸر جولدارىڭىزداعى كٶزدەگەن ماقساتتارىڭىزعا قول جەتكٸزۋلەرٸڭٸزدٸ تٸلەيمٸن. ارماننىڭ بارلىعى ورىندالادى. ٶيتكەنٸ, سٸزدەر مەنٸڭ ارمانىمنىڭ ورىندالۋىنا قولداۋ كٶرسەتتٸڭٸزدەر. سٸزدەردٸڭ ەر كٷنٸڭٸز كٶڭٸلدٸ, تاتۋ-تەتتٸ, مەيٸرٸمدٸ دە سىيلاستىققا تولۋ بولۋىن تٸلەيمٸن.
