فرانتسيياداعى كانن كينوفەستيۆالٸ اياسىندا «اكادەمييا سوليستوۆ» مەملەكەتتٸك كامەرلٸك وركەسترٸنٸڭ سٷيەمەلدەۋٸمەن ٶنەر كٶرسەتكەن قازاقستاننىڭ حالىق ارتيسٸ ايمان مۇساقوجاەۆا مەن تالانتتى ەنشٸ ديماش قۇدايبەرگەن فرانتسۋز حالقىن ەرەكشە ىقىلاسقا بٶلەدٸ. بۇل تۋرالى "ۇلت اقپارات" مسم باسپاسٶز قىزمەتٸنە سٸلتەمە جاساپ حابارلايدى.
تالانتتى ەرتٸستەر ەلٸمٸزدٸڭ ٶكٸلدەرٸ رەتٸندە استانا مەن قازۇٶۋ 20-جىلدىق مەرەيتويى قارساڭىندا ٶتەتٸن «ەۋرازييا» حكف تانىتۋ ماقساتىندا ٶنەر كٶرسەتتٸ.
«ەۋرازييا» كينوفەستيۆالٸ ̶ 1998 جىلى نەگٸزٸ قالانىپ, FIAPF (حالىقارالىق كينوپروديۋسەرلەر قاۋىمداستىعى فەدەراتسيياسى) اككرەديتاتسييادان ٶتكەن جەنە بەدەلدٸ بريتاندىق International FilmGuide باسىلىمى ەلەمنٸڭ 35 تانىمال كينوفەستيۆالدەر قاتارىنا ەنگٸزٸلگەن.
حالىقارالىق «ەۋرازييا» كينوفەستيۆالٸنٸڭ پرەزيدەنتٸ ايمان مۇساقوجاەۆا كاننداعى قازاق مەدەنيەتٸ كەشٸندە بىلاي دەدٸ:
«ەۋرازييا» كينوفەستيۆالٸندە وتاندىق فيلمدەردٸ كەڭٸنەن تاراتۋ, كينوجوبالار مەن قىزمەتتەردٸ ۇسىنۋ جەنە كەلٸسسٶزدەر جٷرگٸزۋگە مٷمكٸندٸك بەرەدٸ. قازاقستان رەجيسسەرلەرٸ تەك وتاندىق كينورىنوكتى يگەرٸپ قويماي, حالىقارالىق كينوجيىنداردا دا ٶز تۋىندىلارىن باتىل ۇسىنىپ جاتىر. بيىل كانن كينوفەستيۆالٸنٸڭ «ەرەكشە كٶزقاراس» باعدارلاماسىندا ەدٸلجان ەرجانوۆ «لاسكوۆوە بەزرازليچيە ميرا» فيلمٸمەن قاتىسىپ وتىر. ال جاننات الشانوۆا «كونەتس سەزونا» فيلمٸمەن سينەمافونداسون باعدارلاماسىندا باق سىناپ وتىر. فيلم سيۋجەتتەرٸ ەر قيلى: ەلٸمٸزدٸڭ تاريحىنان باستاپ بٷگٸنگٸ پروبلەمالارعا دەيٸن قامتىلعان», - دەدٸ حالىقارالىق «ەۋرازييا» كينوفەستيۆالٸنٸڭ پرەزيدەنتٸ ايمان مۇساقوجاەۆا كاننداعى قازاق مەدەنيەتٸ كەشٸندە.
71-شٸ حالىقارالىق ايتۋلى كينوفەستيۆالدەگٸ ۇلتتىق پاۆيلوننىڭ جۇمىس ٸستەۋٸ ەلٸمٸزدٸڭ كينوٶندٸرەتٸن ەل ەكەندٸگٸن دەلەلدەپ, حالىقارالىق ىنتىماقتاستىقتى نىعايتۋعا جەنە وتاندىق كينوٶندٸرۋشٸلەردٸڭ شەتەلدٸك كومپانييالارمەن جۇمىس ٸستەۋ مٷمكٸندٸكتەرٸن ارتتىرادى جەنە ەلٸمٸزدٸڭ يميدجٸن كٶتەرەدٸ.
وسى ورايدا ايتا كەتەلٸك, بىلتىر ۇلتتىق پاۆيلوندا كٶرمەگە قويىلعان رەجيسسەر ەرلان نۇرمۇحامبەتوۆتىڭ «بارىمتا» جوباسى بٷگٸندە «قازاقفيلم» كينوستۋديياسى مەن جاپونييالىق «Tokyo New Cinema» كينوكومپانييالارىنىڭ قولداۋىمەن ٶندٸرٸلمەك.
سونىمەن قاتار, ايمان مۇساقوجاەۆا كانن قالاسىنىڭ ۆيتسە-مەرٸ Frank Chikli مىرزامەن كەزدەسٸپ, ەكٸ ەل اراسىنداعى مەدەني, ونىڭ ٸشٸندە كينەماتوگرافييا مەن تۋريزم سالاسىن نىعايتۋدى كەلٸستٸ.
«بٷگٸندە مەملەكەت تەك ەلەۋمەتتٸك ماڭىزدى جوبالارعا ەمەس, سونىمەن قاتار اۆتورلىق كينوعا دا قارجىلىق قولداۋ كٶرسەتەدٸ. سونىڭ ارقاسىندا قازاق كينوسى قارقىندى دامىپ كەلەدٸ. مەسەلەن, وتاندىق «قازاقفيلم» كومپانيياسى 20-دان استام فيلمدٸ جارىققا شىعارادى, ال جەكە ستۋدييالار 30 فيلم تٷسٸرەدٸ. قازٸردە وتاندىق كٶرەرمەندەر قازاقستاندىق كارتينالاردى كٶرۋگە ىنتالى. ەلٸمٸزدەگٸ كينوتەاترلاردا ۇسىنىلعان فيلمدەردٸڭ 15% وتاندىق فيلمدەر», - دەدٸ قر مەدەنيەت جەنە سپورت مينيسترلٸگٸنٸڭ ٶكٸلٸ المات سٷيٸنوۆ.
كينونارىقتا اشىلعان بارلىعى 230 پاۆيلون بولسا, سونىڭ قاتارىندا تۇرعان وتاندىق پاۆيلون ٶز تۋىندىلارىن دەڭگەيلٸ ۇسىنىپ وتىر. وتاندىق جاڭا فيلمدەردٸڭ پرەزەنتاتسيياسىندا ترەيلەرٸ كٶرسەتٸلگەن اسانەلٸ ەشٸموۆ باستى رٶلدٸ سومدايتىن, رەجيسسەر قۋات احمەتوۆتىڭ «ارۋاق» كارتيناسىنا كانن كينوفەستيۆالٸنٸڭ قوناقتارى, قالانىڭ باسشىلىعى جەنە فەستيۆالدٸڭ كينوكوميسسيياسى ەرەكشە قىزىعۋشىلىق تانىتتى. سونداي-اق, كٶرمەگە بولات قالىمبەتوۆتىڭ «تالان», ەرمەك تۇرسىنوۆتىڭ «كينومەحانيك», دجەف ۆەسپانىڭ «ەمٸرە» جەنە باسقا دا فيلمدەر قويىلعان.
ەستەرٸڭٸزگە سالا كەتەيٸك, بۇعان دەيٸن كانن كينوفەستيۆالٸنٸڭ «ەرەكشە كٶزقاراس» باعدارلاماسىندا ەلٸمٸزدٸڭ كينەماتوگرافيستەرٸ جەڭٸمپاز اتانعان. 1998 جىلى دەرەجان ٶمٸرباەۆ «كيللەر» فيلمٸمەن جەنە 2008 جىلى سەرگەي دۆورتسەۆوي «تيۋلپان» فيلمٸمەن باستى جٷلدەلەرگە يە بولعان.
ەلٸمٸزدەن بارعان دەلەگاتسييا قاتارىندا مەملەكەتتٸك ۇيىمداردىڭ ٶكٸلدەرٸ, شىعارماشىلىق ينتەللەگەنتسييا, قازاقستان كينوسى مەن تەلەۆيزيياسىنىڭ بەلدٸ ازاماتتارى جەنە قازاق ۇلتتىق ٶنەر ۋنيۆەرسيتەتٸنٸڭ ستۋدەنتتەرٸ بار.
