بٷگٸن ديماش قۇدايبەرگەن Instagram پاراقشاسىندا جانكٷيەرلەرٸمەن قاۋىشىپ, ولاردىڭ سۇراقتارىنا جاۋاپ بەردٸ. قازاقپارات ەلەمگە تانىمال ەنشٸنٸڭ سۇحباتىن نازارلارىڭىزعا ۇسىنادى.
- جاڭا البومىڭىز قاشان جارىق كٶرەدٸ?
- جاڭا البوم جازىلۋ ٷستٸندە. جاقىندا تىڭدارماندارعا جول تارتادى دەپ ٷمٸتتەنەمٸن. البوم جازۋ مەن ٷشٸن ٶتە جاۋاپتى, ماڭىزدى ٸس. جايباراقات, اسىعىس-ٷسٸگٸس البوم شىعارۋ - مەنٸڭ تابيعاتىما جات دٷنيە. سوندىقتان ەبدەن پٸسٸرٸپ, ويىمنان, جٷرەگٸمنەن ٶتكٸزٸپ بارىپ نازارلارىڭىزعا ۇسىنامىن. كارانتين كەزٸندە سٸزدەردٸڭ كٶزقاراستارىڭىز بويىنشا بٸزدٸڭ شىعارماشىلىق جۇمىسىمىز توقتاپ قالعانداي بولىپ كٶرٸنۋٸ مٷمكٸن, بٸراق بٸز ٷيدە دايىندالىپ, جۇمىس ٸستەپ جاتىرمىز.
- كەلەسٸ كونتسەرتٸڭٸز قاشان بولادى?
- قازاقستاندا ەكٸ جىلدا بٸر رەت 2017 جەنە 2019 جىلى Arnau جەنە Bastau دەپ اتالاتىن كونتسەرتٸمدٸ تاماشالادىڭىزدار. ەندٸگٸ كونتسەرتٸم قاشان, قاي جىلى بولاتىنى بەلگٸسٸز. ٶزٸم قالاماعاندىقتان ەمەس, كارانتين سيياقتى ەرتٷرلٸ سەبەپ بولىپ قالۋى مٷمكٸن. جولىمدى كەسٸپ, الدىن الا ايتپايىن, ونىڭ بەرٸ بولاشاقتىڭ ەنشٸسٸندە.
- ەندٸ قالاي شىعاراسىز? شابىت قالاي كەلەدٸ?
- مەن كومپوزيتسييا بويىنشا ماگيستراتۋرا بٸتٸرسەم دە, ٶزٸمدٸ كومپوزيتور سانامايمىن. كەيدە ەلدەبٸر ەۋەن «كەلٸپ», ونى ديكتوفونعا جازۋعا نەمەسە نوتاعا تٷسٸرۋگە اسىعامىن. شابىت كٶبٸنەسە ۇشاقتا كەلەدٸ نەمەسە تٷندە ويانىپ, كونتسەرتٸم قالاي ٶتەتٸنٸن كٶز الدىما ەلەستەتٸپ جاتام. سول كەزدە دە شابىت كەلٸپ, ەن جازىلۋى مٷمكٸن. ادام بالاسى جاقسىعا دا, جامانعا دا, اتاققا دا, حالىق ماحابباتىنا دا تەز ٷيرەنەدٸ. مەنٸ اتا-انامنىڭ قۋانىشى شابىتتاندىرادى. ولاردىڭ جٷزٸندەگٸ قۋانىشتى كٶرگەن سايىن تاعى دا قۋانتقىم كەلٸپ تۇرادى. مەنٸڭ ەر كونتسەرتٸم, جەڭٸسٸم, العان ماراپاتىم ولار ٷشٸن ٷلكەن باقىت, ٷلكەن مەرەكە. انامنىڭ قۋانىشتان اققان كٶز جاسىن كٶرگەن كەزدە كەلەسٸ جولى قالاي قۋانتارىمدى ويلاپ تۇرامىن. ونىڭ وسىنداي كٷيٸنە مەن ٶمٸر بويى بوي ٷيرەتە الماي ٶتەتٸن سيياقتىمىن.
- ٶمٸرٸڭٸزدە بولعان قىزىقتى وقيعانى ايتىپ بەرە الاسىز با?
- مەن ٶزٸمدٸ جولى بولعىش ادام سانايمىن. سوعان دەلەل بولا الاتىن بٸر مىسال: مەن باسقا ەمەس, دەل وسى وتباسىدا دٷنيەگە كەلگەنٸم ٷشٸن قۋانامىن. جاسىم 26-عا كەلسە دە اتا-انام اقىل ايتىپ, تەربيەلەپ وتىرادى. مەن اتا-انا دەگەندە اتا, ەجەمدٸ ايتىپ وتىرعانىمدى تٷسٸنەتٸن شىعارسىزدار. قازاقتىڭ سالت-دەستٷرٸ بويىنشا مەنٸ ٶمٸرگە ەكەلگەن اتا-انام مەنٸ اتا-ەجەمنٸڭ قولىنا بەرگەن, سوندىقتان ولاردى دا ەكە, انا دەپ اتاپ كەتتٸم جەنە كونتسەرتتەردە دە ەكٸ اتا-انام بار ەكەنٸن ايتىپ جٷرەمٸن. سەبيدٸ اتا-ەجەگە بەرۋدٸڭ تەربيەلٸك مەنٸ زور, ول جاس وتباسى مەن اتا-ەنە اراسىن جاقىنداتادى, سونىمەن قاتار ەنە مەن كەلٸن اراسىندا ديپلوماتييالىق قارىم-قاتىناس دەۋگە بولادى. تاعى بٸر قىزىقتى جاعداي: مەنٸ ٶمٸرگە الىپ كەلگەن اتا-انام ساحنادا ٶنەر كٶرسەتٸپ بولعان سوڭ كٶرەرمەن ساحناعا شىعىپ, ولاردى قۇتتىقتايتىن. مەن دە اتا-ەجەممەن بٸرگە كٶرەرمەندەر قاتارىندا وتىرىپ, كونتسەرت اياقتالعان سوڭ ساحناعا شىعىپ, ورتاسىندا تۇرىپ الىپ, باسىمدى يزەپ, راحمەت ايتاتىنمىن. قۇددى بٸر كونتسەرتتٸ ەكەم, انام ەمەس ٶزٸم بەرٸپ تاستاعان سيياقتىمىن. بالا كەزٸمدەگٸ وسى سەت مەنٸڭ كٶز الدىمدا قالىپ قويدى.
تاعى بٸر قىزىقتى جاعداي: اتا-انامنىڭ ايتۋى بويىنشا, ەڭ العاش 2 جاسىمدا ساحناعا شىعىپپىن. 10 سەكۋندتىق ەپيزودقا قاتىسۋىم كەرەك بولعان, ياعني ساحنانىڭ بٸر جاعىنان شىعىپ, ەكٸنشٸ جاعىنا جٷگٸرٸپ ٶتۋٸم كەرەك ەكەن. مەن بولسام ساحنانىڭ ورتاسىندا توقتاپ, حالىققا كٶز الماي قاراپ قالىپپىن. ولار قول شاپالاقتاعان كەزدە ساحنادان تٸپتەن كەتكٸم كەلمەي قالعان ەكەن. سودان كەيٸن ۇيىمداستىرۋشىلار مەنٸ ساحنادان الىپ كەتپەك بولىپ, مەن ولارعا ۇستاتپاي ساحنانى اينالىپ قاشقان ەكەنمٸن. بۇل اتا-انام ايتىپ بەرگەن جاعداي.
- بولاشاقتا قانداي جوسپارىڭىز بار?
- قازٸرگٸ جوسپار - كەيٸنگە شەگەرٸلگەن كونتسەرتتەردٸ ٶتكٸزۋ. جاڭا كونتسەرت جۇمىس كەستەسٸنە ەنەتٸن بولسا سٸزدەرگە مٸندەتتٸ تٷردە حابارلايتىن بولامىز. سٸزدەرمەن قاۋىشاتىن سەتتٸ اسىعا كٷتٸپ جٷرەمٸن.
- كونتسەرتتەن كەيٸن قالاي قالىپقا كەلەسٸز?
- كٶبٸنەسە ٷنسٸزدٸكتە بولامىن. كونتسەرت الدىندا دا جالعىز قالۋدى جاقسى كٶرەم, ول تۋرالى مەنٸڭ توبىمدا جۇمىس ٸستەيتٸندەر جاقسى بٸلەدٸ.
- ٶزگە تٸلدە ەن ايتقاندا سٶزدەرٸن تٷسٸنەسٸز بە?
- مەن الدىمەن مۋزىكا تٸلٸن تٷسٸنۋگە تىرىسامىن. وبرازعا كٸرٸپ, مۋزىكانىڭ سۇلۋلىعىن سەزٸنەمٸن, ودان كەيٸن مەنٸڭ سەزٸنگەنٸم كٶرەرمەنگە جول تارتادى. مۋزىكانىڭ ٶز تٸلٸ, ٶز كٷشٸ بار. مەن قازاق, ورىس تٸلٸن جەنە ازداپ اعىلشىن تٸلٸن بٸلەمٸن. ەنشٸ بولۋ وڭاي دەپ ويلايتىندار قاتەلەسەدٸ. مۋزىكا - عىلىم, كٷردەلٸلٸگٸ جاعىنان ماتەماتيكادان قيىن بولماسا, وڭاي ەمەس. مەن مۋزىكانت رەتٸندە ٷيرەنەرٸم كٶپ, مۋزىكانىڭ شەگٸ جوق.
- الىپ-قوسارىڭىز بار ما?
- مۇنداي باقىتقا كەنەلگەن مەندە ارمان جوق شىعار. نازارلارىڭىزعا مىڭ مەرتە العىس ايتامىن, ٶيتكەنٸ مەنٸڭ شىعارماشىلىعىمدى باعالاۋ ارقىلى سٸزدەر مەنٸ عانا ەمەس, مەنٸڭ اتا-ەجەمدٸ قۋانتىپ جاتىرسىزدار. مەن ٷشٸن ودان اسقان باقىت جوق. ەرقايسىسىڭىزدىڭ وتباسىڭىزعا اللا تاعالا باق-بەرەكە بەرسٸن. ورازا ايت قۇتتى بولسىن!
