ديماش قۇدايبەرگەن قىتايدا ٶتٸپ جاتقان «I am a singer» بايقاۋىنىڭ تٶرتٸنشٸ كەزەڭٸندە ٷشٸنشٸ ورىن يەلەندٸ, دەپ حابارلايدى ۇلت.كز تٸلشٸسٸ «قازاقپارات» اگەنتتٸگٸنە سٸلتەمە جاساپ.
«بٸرٸنشٸ ورىندى «سياو تسزينتەن شيتسزى» («Lion») توبى, ەكٸنشٸ ورىندى - لين يليان, ٷشٸنشٸ - ديماش, تٶرتٸنشٸ - دۋ ليشا, بەسٸنشٸ - چجان تسزە, التىنشى - تان تسزين (ٷشٸنشٸ كەزەڭدە بٸرٸنشٸ ورىن العان بولاتىن) جەنە جەتٸنشٸ ورىندى چجاو لەي يەلەندٸ», - دەپ حابارلايدى قىتايلىق باق.
«Weibo» ەلەۋمەتتٸك جەلٸسٸندەگٸ ديماشتىڭ جۇمىس توبىنىڭ پاراقشاسىندا بايقاۋدىڭ 4-كەزەڭٸندەگٸ سۋرەتتەر جارييالاندى. وندا ەرتٸستٸڭ ستيليسٸ BG Fashion, ۆيزاجيسٸ ەرٸ شاشتارازى DO Fashion ەكەندٸگٸ جازىلعان.
ەنشٸنٸڭ كيٸمٸ - Gucci 17SS, مويىنوراعىشى - Paul Smith 17SS, شلياپاسى - Albertus Swanepoel, اياق كيٸمٸ - Gucci 17SS, جٷزٸگٸ - H&M, بٸلەزٸگٸ جاپونييادان.
ەسكە سالايىق, بۇعان دەيٸن «سينحۋا» اگەنتتٸگٸ ديماش قۇدايبەرگەن اتالمىش بايقاۋدىڭ 4-كەزەڭٸندە قىتاي تٸلٸندەگٸ ەندٸ اكتسەنتسٸز ايتىپ بەرگەنٸن حابارلاعان بولاتىن. سونداي-اق ديماش ەۋروپالىق ٷلگٸدەگٸ پيدجاك پەن جٸبەك مويىنوراعىشىندا تارتىمدى كٶرٸنگەنٸ جازىلعان ەدٸ. ونىڭ بويىنا كٶز تارتارلىق كەلبەتتٸ قارا تٷستٸ باس كيٸمٸ كەلتٸرٸپ تۇردى.
«I am a singer» بايقاۋىنىڭ تٶرتٸنشٸ كەزەڭٸ 2 اقپان كٷنٸ جازىلعان ەدٸ. ول تەلەارنالاردان 11 اقپان كٷنٸ استانا ۋاقىتىمەن ساعات 20:30-دا كٶرسەتٸلەدٸ. ديماشتىڭ بۇل كەزەڭ ٷشٸن تاڭداعان «كٷزگٸ مۇڭ» ەنٸن 2013 جىلى «I am a singer» بايقاۋىندا قىتايلىق ەنشٸ شا باوليان ورىنداعان بولاتىن.
كەشە قازاقستاندىق جاس تالانت يەسٸنٸڭ اناسى سۆەتلانا ايتباەۆا ونىڭ اتالمىش بايقاۋ بارىسىندا قازاق تٸلٸندە دە ەن ايتاتىنىن جەتكٸزگەن بولاتىن.
ايتا كەتەيٸك, قىتاي تەلەارناسىنداعى ەن بايقاۋىنا قاتىسىپ جاتقان وتانداسىمىز ونىڭ ەكٸ كەزەڭٸندە - بٸرٸنشٸ, ٷشٸنشٸسٸندە 3-ورىن العان بولاتىن. ونىڭ قىتايلىق ەلەۋمەتتٸك جەلٸدەگٸ جازۋشىلار سانى ميلليوننان استى, وعان اقىندار ٶلەڭ-جىرلار ارناپ, قىزدار قازاقشا ٷيرەنٸپ, حاتتار جازۋدا. جانكٷيەرلەر ٶز پاراقشالارىن ديماشتىڭ سۋرەتتەرٸنە تولتىرۋدا. تٸپتٸ, قىتاي دٷكەندەرٸندە وتانداسىمىزدىڭ كەلبەتٸ بەينەلەنگەن بۇيىمدار, تۇرمىستىق زاتتار ساتىلا باستادى.
ديماشتىڭ ٶنەرٸنە تەنتٸ بولعان ەلەمگە تانىمال ەنشٸ لارا فابيان ونىمەن كەزدەسكٸسٸ كەلەتٸنٸن ايتتى. ال كٷنٸ كەشە عانا بەلگٸلٸ اكتەر, كينورەجيسسەر دجەكي چان د.قۇدايبەرگەنوۆتٸ كەزدەسۋگە شاقىرىپ, ارقا-جارقا ەڭگٸمەلەسكەن بولاتىن.
ديماش قۇدايبەرگەن قازاق ۇلتتىق ٶنەر ۋنيۆەرسيتەتٸنٸڭ 3-كۋرس ستۋدەنتٸ. كەشە جوو-نىڭ رەكتورى ايمان مۇساقوجاەۆا جاس تالانت الداعى ۋاقىتتا «ەۆروۆيدەنيەگە», ودان كەيٸن «امەريكا داۋىسىنا» قاتىساتىندىعىن ايتتى.
