قازاقستاندىق ەنشٸ ديماش قۇدايبەرگەن كوروناۆيرۋس پاندەميياسىنا قارسى كٷرەسكە ەن ارنادى, دەپ حابارلايدى "ۇلت اقپارات".
ديماشتىڭ «We Are One» (بٸز بٸرگەمٸز) اتتى جاڭا ەنٸنە تٷسٸرٸلگەن بەينەبايان «ۆكونتاكتە» ەلەۋمەتتٸك جەلٸسٸندەگٸ «سينحۋا جاڭالىقتارى| Xinhua News»پاراقشاسىندا جارييالاندى. بەينەباياندا ۆيرۋستىڭ العاشقى وشاعى – ۋحان قالاسى – دەرٸگەرلەر, ۆولونتەرلەر, ماسكا تاققان ادامدار, گۋمانيتارلىق كٶمەكتٸڭ قابىلدانۋى, دٷكەننٸڭ بوس قالعان سٶرەلەرٸ كٶرسەتٸلگەن.
ۆيدەو سوڭىندا اسپانداعى بۇلت سەيٸلٸپ, دەرٸگەرلەردٸڭ قۋانىشى, ماسكالارىن شەشٸپ تاستاعان بالالاردىڭ مەز-مەيرام كەزٸ كٶرسەتٸلگەن.
«بٷكٸل ەلەم كوررناۆيرۋسپەن كٷرەسٸپ, باسىنان قيىن كٷندەردٸ ٶتكٸزٸپ جاتىر. اتى جامان اۋرۋعا قارسى كٷش بٸرٸكتٸرٸپ, بٸر-بٸرٸمٸزگە قول ۇشىن سوزعاندا عانا COVID-19-دى جەڭە الامىز. بۇل ەن الدىڭعى شەپتە جٷرگەن دەرٸگەرلەر مەن وقشاۋلانىپ وتىرعاندارعا ارنالادى», - دەلٸنگەن بەينەبايان سيپاتتاماسىندا.
«We Are One» - ەنٸنٸڭ سٶزٸن Gao Shang/Shang Yang, ال ەۋەنٸن Dong Nan/Tang Yi جازعان.
ديماش جاڭا ەنٸ تۋرالى ٶزٸنٸڭ Instagram-پاراقشاسىنا ەلٸ جارييالاماسا دا, ونىڭ ٶنەرٸن باعالاۋشىلار بەينەباياندى تالقىلاپ جاتىر.
«بۇل ەن قايعى, قيىندىق, سونىمەن قاتار بٸر-بٸرٸمٸزگە قول ۇشىن سوزعان جاعدايدا قيىندىقتى ەڭسەرەتٸنٸمٸزگە سەنۋ تۋرالى. باستىسى – ونى جەڭەتٸنٸمٸزگە سەنٸم مەن ٷمٸتتٸ جوعالتپاۋ...», - دەپ جازدى «ۆكونتاكتە» قولدانۋشىسى پولينا پولينسكايا ديماشتىڭ ەۋرازييالىق فان-كلۋبىنىڭ پاراقشاسىنا.
بۇعان دەيٸن ديماش قۇدايبەرگەن كوروناۆيرۋسپەن كٷرەسٸپ جاتقان مەديتسينا قىزمەتكەرلەرٸنە العىس ايتقان بولاتىن.
سونداي-اق, ول جانكٷيەرلەرٸنەن پاندەمييا كەزٸندە ٷيدە وتىرۋدى ٶتٸندٸ.
15 ناۋرىزدا ديماش «Arnau tour» دٷنيەجٷزٸلٸك تۋرنەسٸن كەيٸنگە شەگەرگەنٸ بەلگٸلٸ بولدى.
14 سەۋٸردە ول مامىر ايىندا توكيودا ٶتۋٸ كەرەك كونتسەرتتٸڭ بولمايتىنىن ايتتى.
