ديماش قۇدايبەرگەن BGTalent (黑金经纪) پروديۋسەرلٸك كومپانيياسىنىڭ نەگٸزٸن قالاۋشى شاڭ ۆەنجەمەن بٸرگە حۋنان تەلەارناسىنىڭ «Singer 2017» ەن بايقاۋىنىڭ فينالىنا ارنالعان شارانىڭ قىزىل كٸلەمٸنەن جٷرٸپ ٶتتٸ, دەپ حابارلايدى قازاقپارات تٸلشٸسٸ.
ارنايى تاقتاعا قولتاڭباسىن قالدىرعاننان كەيٸن, جٷرگٸزۋشٸنٸڭ فينالعا دايىندىعى تۋرالى سۇراعاندا, «اسسالاۋماعالەيكٷم! بارشالارىڭىزعا ٷلكەن راحمەت. وسى ورايدا سٸزدەرگە تەك العىس بٸلدٸرە وتىرىپ, ساحنالىق ەرٸپتەسٸم ٶزٸن مويىنداتا بٸلگەن ەنشٸ ەكەنٸن جەتكٸزگٸم كەلەدٸ. مەنٸمەن ساحنانى بٶلٸسٸپ, قولداپ, قولۇشىن بەرگەندەرٸڭٸز ٷشٸن ٷلكەن راحمەت ايتقىم كەلەدٸ», - دەدٸ ديماش.
NTES News تٸلشٸسٸنٸڭ «بايقاۋدان قانداي ورىن الۋدى قالايسىڭ» دەگەن سۇراعىنا: «مەنٸڭ ويىمشا, قانداي دا نەتيجە بولماسىن, مەن قازٸردٸڭ ٶزٸندە جەڭٸمپازبىن. ٶيتكەنٸ مەنٸ قولداپ, ەرقاشاندا دەمەپ جٷرەتٸن سٸزدەر بارسىزدار. سٸزدەر باردا مەن ەرقاشان جەڭٸمپازبىن», - دەپ جاۋاپ بەردٸ ديماش.
شاڭ ۆەنجە تٸلشٸلەرگە ٶزٸنٸڭ وسى ساحنادا قانشاما ٶنەر كٶرسەتسە دە تاپ قازٸرگٸ سەتتە قوبالجىپ تۇرعانىن جەتكٸزدٸ. سونداي-اق, اقتىق بەسەكەدە جاقسى نەتيجە الاتىنىنا سەنٸمدٸ ەكەنٸن ايتتى.
ەسكە سالا كەتەيٸك, «Singer 2017» بايقاۋىنىڭ اقتىق بەسەكەسٸن 15 سەۋٸر كٷنٸ استانا ۋاقىتىمەن 20:00 (جەرگٸلٸكتٸ ۋاقىت 22:00) دە تٸكەلەي ەفيردە كٶرسەتەدٸ. شەشۋشٸ بەسەكەدە ديماش شاڭ ۆەنجەمەن بٸرگە مايكل دجەكسوننىڭ «Earth song» جەنە «Dangerous» ەندەرٸن شىرقايدى.
