ديماش قۇدايبەرگەن ەيگٸلٸ لارا فابيانمەن دۋەت ورىندايدى

ديماش قۇدايبەرگەن تىڭدارماندارىنا لارا فابيانمەن بٸرگە دۋەت ايتاتىنىن حابارلادى. ەنشٸ بۇل تۋرالى Instagram جەلٸسٸندەگٸ جەكە پاراقشاسىندا جازعان.

"جۋىردا نازارلارىڭىزعا World music awards جٷلدەسٸنٸڭ يەگەرٸ لارا فابيانمەن بٸرگە جاڭا دۋەت ۇسىنامىز", - دەپ ديماش ەيگٸلٸ ەنشٸنٸڭ سۋرەتٸن جٷكتەدٸ.

بۇعان دەيٸن قازاق ەنشٸسٸ ەلەمدٸك دەڭگەيدەگٸ ەنشٸمەن دۋەت ايتۋدى جوسپارلاپ وتىرعانىن جازعان بولاتىن. سول كەزدە ديماشتىڭ كٶپتەگەن جانكٷيەرٸ ەڭگٸمە اندرەا بوچەللي نەمەسە لارا فابيان جايلى بولىپ وتىر دەپ بولجادى.

ايتا كەتسەك, "I am singer" بايقاۋىنىڭ التىنشى كەزەڭٸندە لارا فابياننىڭ ورىنداۋىنداعى "اداجيو" ەنٸن شىرقاپ, بٸرٸنشٸ ورىن العان ديماش قۇدايبەرگەندٸ ەلەمگە بەلگٸلٸ ەنشٸ جەكە پاراقشاسىندا قۇتتىقتاعان ەدٸ. كەيٸنٸرەك لارا فابيان ديماشتىڭ تۋعان كٷنٸندە دە ۆيدەوقۇتتىقتاۋ جولدادى.