قازاقستاندىق ەنشٸ ديماش قۇدايبەرگەن «American music awards» شاراسىنىڭ قىزىل كٸلەمٸنەن جٷرٸپ ٶتتٸ, دەپ حابارلايدى قازاقپارات.
45 كەزەكتٸ «American music awards» شاراسى بٷگٸن, 20 قاراشادا لوس-اندجەلەس قالاسىندا ٶتٸپ جاتىر. وتانداسىمىز مۇندا قۇرمەتتٸ قوناق رەتٸندە قاتىسۋدا.
ايتا كەتەيٸك, بۇل ديماشتىڭ اقش-قا العاشقى ساپارى. 19 قاراشا كٷنٸ ەنشٸنٸ امەريكالىق فاناتتار لوس-اندجەلەس ەۋەجايىندا ىستىق ىقىلاسپەن قارسى الدى. سونداي-اق, قىزىل كٸلەمٸنەن جٷرٸپ ٶتۋ شاراسى كەزٸندە ديماش قىتايلىق Youku ۆيدەو پورتالىنىڭ تٸكەلەي ەفيرٸندە سۇحبات بەرٸپ, شاراعا قاتىسۋى جٶنٸندە ٶز ەسەرٸمەن بٶلٸستٸ.
«American music awards» - اقش-تىڭ ەڭ تانىمال مۋزىكالىق ماراپاتتاۋ شاراسى. جىل سايىن ەنشٸلەر جىلدىڭ ەڭ ٷزدٸك نوميناتسييالارى بويىنشا ماراپاتتالادى. شارا 1973 جىلى باستاپ ۇيىمداستىرىلىپ كەلەدٸ, كەشتٸڭ ەڭ العاشقى جۇرگٸزۋشٸسٸ مايكل دجەكسون بولعان.
