تانىمال ەنشٸ ديماش قۇدايبەرگەن الماتىدا كٶپقاباتتى ٷيدٸڭ قابىرعاسىنا سۋرەتٸن سالعان ادامدارعا العىس ايتتى, دەپ حابارلايدى "ۇلت اقپارات".
ەنشٸ ٶزٸنٸڭ Instagram–داعى پاراقشاسىندا جەرلەستەرٸنٸڭ «سىيلىعى» ٶزٸنە قاتتى ۇناعانىن, ولارعا ٸشتەي راحمەت ايتقانىن جازدى.
«الماتى قالاسىندا قابانباي باتىر مەن سەكەن سەيفۋللين كٶشەلەرٸ قيىلىسىندا وسىنداي كەرەمەت مۋرال سالىنىپتى. جەرلەستەردٸڭ «سىيلىعىن» كٶرگەندە ٸشتەي العىسىمدى بٸلدٸردٸم. الايدا, ديماش قوناەۆتاي ۇلى تۇلعالارىمىز تۇرعاندا جاس بۋىن ٶكٸلٸ ٶزٸنٸڭ الىپ سۋرەتٸ جايلى جار سالعانى ۇيات بولار دەدٸم دە, ٷندەمەدٸم. قازٸرگٸ تاڭدا, وسىنشا قيىن جۇمىسقا ەڭبەگٸ كەتكەن ازاماتتارعا العىس ايتۋدى جٶن كٶرٸپ وتىرمىن. قادٸرلٸ سۋرەتشٸلەر, قولدارىڭىز دەرت كٶرمەسٸن, تۋىندىلارىڭىز جەر شارىن شارلاپ, قازاقتىڭ اتىن بيٸككە كٶتەرسٸن. جەنە بارشا قولداۋشىلارىما شىن جٷرەكتەن العىس بٸلدٸرەمٸن.ٷلكەن راحمەت!»,– دەپ جازدى ديماش قۇدايبەرگەن.
ايتا كەتەيٸك, ديماش قۇدايبەرگەن بەينەلەنگەن الىپ كارتينا قابانباي باتىر مەن سەيفۋللين كٶشەلەرٸنٸڭ قيلىسىندا ورنالاسقان ٷيلەردٸڭ بٸرٸنٸڭ قابىرعاسىنا ماۋسىم ايىندا پايدا بولدى.
