ديماش قۇدايبەرگەن بيىلعى Junior Eurovision بايقاۋىندا قازاقستان نامىسىن قورعايتىن 12 جاسار ەنشٸ قاراقات باشانوۆامەن كەزدەستٸ, دەپ حابارلايدى Dimashnews رەسۋرسى.
ەسكە سالا كەتەيٸك, بٸز بۇعان دەيٸن قاراقات باشانوۆانىڭ Junior Eurovision بايقاۋىنا قاتىساتىنىن جازعان بولاتىنبىز.
حالىقارالىق ەن سايىسى 29 قاراشا, سەنبٸ كٷنٸ ۆارشاۆادا ٶتەدٸ. پاندەميياعا بايلانىستى تٸكەلەي ەفير كەزٸندە شوۋ جٷرگٸزۋشٸلەرٸ پولشادا بولادى. ال قاتىسۋشىلار ٶز ەلدەرٸنەن نٶمٸرلەردٸ بەينەبايلانىس ارقىلى ۇسىنادى دەپ شەشٸلگەن.
جاۋاپتى سىن الدىندا قاراقات ٸرٸ حالىقارالىق بايقاۋلاردىڭ جەڭٸمپازى, تەجٸريبەلٸ ەنشٸ ديماش قۇدايبەرگەنوۆپەن كەزدەستٸ.
جاس ٶنەرپازبەن ەلەمگە ەيگٸلٸ ەنشٸ 2019 جىلدان بەرٸ تانىس. ول كەزدە ديماشتىڭ تۋعان قالاسى اقتٶبەدە Baqytty Bala بايقاۋى ٶتٸپ, قاراقات ٷشٸنشٸ ورىن يەلەنگەن بولاتىن.
بٷگٸنگٸ كەزدەسۋ نۇر-سۇلتانداعى ورتالىق كونتسەرت زالىندا بولدى. ديماش قاراقاتقا قولداۋ بٸلدٸرٸپ, ەكەسٸنە ارنالعان «Forever» ەنٸن تاماشالادى.
«سەنٸڭ بويىڭداعى تالانت مەنٸ تەبٸرەنتتٸ. ول مٸندەتتٸ تٷردە باسقالاردى دا تاڭ قالدىراتىنىنا سەنٸمدٸمٸن» , – دەپ جٸگەرلەندٸرە تٷستٸ.
ديماش ٶز تەجٸريبەسٸن بٶلٸسٸپ, كەڭەس بەردٸ. نومەردٸ ورىنداۋدا ۆوكالدان بٶلەك ساحنالىق شەبەرلٸك قاجەت.
«جەڭٸسكە جەتۋ ٷشٸن جاقسى كٶڭٸل-كٷي دە ماڭىزدى» - دەپ اقىلىن ايتتى.
قاراقات ماڭىزدى سىن الدىندا ديماشتىڭ ٶزٸ دايىندىققا كەلٸپ, قاتىسقانىنا قاتتى قۋاندى.
كەزدەسۋدەن شابىت العان ٶنەرپاز سٷيٸكتٸ ەنشٸسٸنە قولداۋ بٸلدٸرگەنٸ ٷشٸن العىس ايتىپ, لايىقتى ٶنەر كٶرسەتۋگە كٷش سالاتىنىن جەتكٸزدٸ.
قاراقاتقا ديماشتىڭ قارىنداسى راۋشان دا سەتتٸلٸك تٸلەدٸ. جاس ٶنەرپازعا بالالار ەۆروۆەدەنيەسٸنە قاتىسۋعا راۋشان ۇسىنىس ايتقان بولاتىن.
ەستەرٸڭٸزگە سالا كەتەيٸك, قاراقات - Junior Eurovision بايقاۋىنا قازاقستان اتىنان قاتىسىپ وتىرعان ٷشٸنشٸ ٶنەرپاز. بۇعان دەيٸن دانەلييا تٶلەشوۆا (2018 جىلى) باق سىناپ, التىنشى ورىنعا يە بولدى. ٶتكەن جىلى بۇل كونكۋرستىڭ ەكٸنشٸ ورنىن ەرجان ماكسيم جەڭٸپ الدى.
