قازاق ونكولوگييا جەنە راديولوگييا عىلىمي-زەرتتەۋ ينستيتۋتىنىڭ ديرەكتورى ديليارا قايداروۆا پرەزيدەنت قاسىم-جومارت توقاەۆتىڭ 2020 جىلعى 1 قىركٷيەكتەگٸ «جاڭا زامانداعى قازاقستان: ٸس-قيمىل كەزەڭٸ» جولداۋىنا قاتىستى پٸكٸر بٸلدٸردٸ, دەپ حابارلايدى قازاقپارات.
«پرەزيدەنت قاسىم-جومارت توقاەۆ قازاقستان حالقىنا جولداۋىندا دەنساۋلىق ساقتاۋ جٷيەسٸن دامىتۋ جٶنٸندەگٸ مٸندەتتەردٸ اتاپ ٶتتٸ. مەديتسينا ماماندارى مەملەكەت باسشىسىنىڭ مەديتسينا قىزمەتكەرلەرٸنە ىنتالاندىرۋ ٷستەمەاقىلارىن تٶلەۋ تۋرالى تاپسىرماسىن زور ىنتامەن قابىلدادى. بۇل ماقساتقا مەملەكەتتٸك بيۋدجەتتەن 150 ميلليارد تەڭگە بٶلٸنەدٸ. پرەزيدەنت 2023 جىلى مەديتسينا قىزمەتكەرلەرٸنٸڭ جالاقىسى ەل بويىنشا ورتاشا جالاقىدان 2 ەسەگە جۋىق ٶسەتٸنٸن اتاپ ٶتتٸ. مەديتسينا قىزمەتكەرلەرٸنٸڭ ماتەريالدىق ەل-اۋقاتىن ارتتىرۋ مەديتسينالىق قىزمەت كٶرسەتۋ ساپاسىنا وڭ ەسەر ەتەدٸ, ولاردىڭ بٸلٸكتٸلٸگٸن ارتتىرۋعا دەگەن ۇمتىلىسىن ارتتىرادى جەنە ولاردىڭ ەرتەڭگٸ كٷنگە دەگەن سەنٸمٸن نىعايتادى دەپ ٷمٸتتەنەمٸز» – دەيدٸ ديليارا قايداروۆا.
ونىڭ ايتۋىنشا, بٷگٸنگٸ تاڭدا قازاقستاننىڭ بارلىق وبلىستارىندا اۋىر ناۋقاستارعا ونكولوگييالىق كٶمەك كٶرسەتەتٸن 19 مەكەمە جۇمىس ٸستەيدٸ. ونكولوگييالىق اۋرۋلارمەن كٷرەس جٶنٸندەگٸ 2018-2022 جىلدارعا ارنالعان كەشەندٸ جوسپار شەڭبەرٸندە ٶڭٸرلٸك ونكولوگييالىق ورتالىقتاردى قاجەتتٸ زاماناۋي جابدىقتارمەن جاراقتاندىرۋ, راديولوگييالىق اپپاراتتار پاركٸن جاڭارتۋ كٶزدەلگەن.
سونىمەن قاتار, قازاقستاننىڭ ونكولوگييالىق قىزمەتٸ جاس كادرلاردى, ونكولوگ دەرٸگەرلەردٸ دايارلاۋعا, سونداي-اق جۇمىس ٸستەپ تۇرعان مەديتسينالىق قىزمەتكەرلەردٸڭ بٸلٸكتٸلٸگٸن ارتتىرۋعا مٷددەلٸ.
«ونكولوگييا ناۋقاستارىن دەرٸ-دەرمەكپەن قامتۋ مەسەلەسٸنە كەلسەك, دەرٸ جەتكٸزۋگە «سق-فارماتسييا» قۇرىلىمى جاۋاپ بەرەدٸ. ونكولوگييالىق ناۋقاستار دەرٸ-دەرمەكپەن تەگٸن قامتاماسىز ەتٸلەدٸ, ولاردى مەملەكەت ەسەبٸنەن ساتىپ الادى. بٸراق, ٶكٸنٸشكە وراي, كەيدە شەتەلدٸك, ٶمٸرلٸك ماڭىزدى دەرٸ-دەرمەكتەردٸ جەتكٸزۋدە ٸركٸلٸستەر بولادى, ال ونكولوگييانى ەمدەۋدە ناۋقاس ٷشٸن ەر مينۋت ماڭىزدى. پرەزيدەنتتٸڭ قازاقستاندا فارماتسەۆتيكالىق ٶندٸرٸستٸ دامىتۋ تۋرالى تاپسىرماسى دەر كەزٸندە ايتىلدى جەنە جاقىن ارادا ونكولوگييالىق ناۋقاستارعا ٶمٸرلٸك ماڭىزى بار دەرٸ-دەرمەكتەردٸ ۇزاق ۋاقىت كٷتۋدٸڭ قاجەتٸ جوق جەنە ولار ەل ٸشٸندە ەردايىم قولجەتٸمدٸ بولادى دەگەن ويدامىز», - دەيدٸ ەلٸمٸزدٸڭ باس ونكولوگى.
پرەزيدەنت ٶز سٶزٸندە جاڭا كٶپسالالى اۋرۋحانالاردىڭ قۇرىلىسى تۋرالى اتاپ ٶتتٸ. بۇعان دەيٸن ۇلت كٶشباسشىسى - ەلباسى نۇرسۇلتان نازارباەۆتىڭ تاپسىرماسى بويىنشا ەلوردادا ەڭ وزىق حالىقارالىق تەجٸريبە نەگٸزٸندە ونكولوگييالىق ناۋقاستارعا جوعارى تيٸمدٸ مەديتسينالىق كٶمەك كٶرسەتۋ ٷشٸن جاڭا ۇلتتىق عىلىمي ونكولوگييالىق ورتالىقتىڭ (ۇعوو) قۇرىلىسى باستالدى. جاقىندا جاڭا جابدىقتارمەن جابدىقتالعان ۇلتتىق عىلىمي ونكولوگييالىق ورتالىق قازاقستاننىڭ تٷكپٸر-تٷكپٸرٸنەن كەلگەن اۋىر ناۋقاستارعا تەگٸن ونكولوگييالىق كٶمەك كٶرسەتەتٸن بولادى.
«قازوجرعزي» اق مامانداردىڭ بٸلٸكتٸلٸگٸن ارتتىرۋ بويىنشا ٷلكەن جۇمىس جٷرگٸزۋدە, شەتەلدٸك ماماندارمەن وقىتۋ كونفەرەنتسييالارى, شەبەرلٸك-كلاسستار, تۋموربوردتار ٷنەمٸ ٶتكٸزٸلٸپ تۇرادى. بٸز جوعارى بٸلٸكتٸ كادرلاردى دايارلاۋعا مٷددەلٸمٸز. سوڭعى بٸرنەشە جىلدا «قازوجرعزي» اق-نىڭ رەزيدەنتۋراسىندا ونداعان جاس ماماندار بٸلٸم الىپ, ولار وقۋدان كەيٸن ٶڭٸرلٸك ونكولوگييالىق ورتالىقتارعا جيبەرٸلدٸ. ونكولوگييالىق اۋرۋلارمەن كٷرەس - وبىردى ەرتە دياگنوستيكالاۋ, ەمدەۋ, ونكولوگييالىق ناۋقاستاردىڭ ٶمٸر سٷرۋ ساپاسىن ارتتىرۋ – قازاقستاننىڭ ەلەۋمەتتٸك ساياساتى مەن دەنساۋلىق ساقتاۋ سالاسىنىڭ باسىم مٸندەتتەرٸ بولىپ تابىلادى.
«قازوجرعزي» اق ۇجىمى مەملەكەت باسشىسىنىڭ ايتىلعان بارلىق باستامالارىن قولدايدى. بٸز مەملەكەتٸمٸز بەن قازاقستاندىقتاردىڭ دەنساۋلىعى ٷشٸن جۇمىس ٸستەيمٸز», – دەپ قورتىندىلادى عىلىمي-زەرتتەۋ ينستيتۋتىنىڭ ديرەكتورى ديليارا قايداروۆا.
