بەلگٸلٸ عالىم, ل.گۋميلەۆ اتىنداعى ەۋرازييا ۇلتتىق ۋنيۆەرسيتەتٸنٸڭ پرورەكتورى, فيلولوگييا عىلىمدارىنىڭ دوكتورى, قر ۇعا اكادەميگٸ ديحان قامزابەكۇلى اباي كٷنٸ مەرەكەسٸنٸڭ مەنٸ تۋرالى پٸكٸر بٸلدٸردٸ, دەپ حابارلايدى قازاقپارات.
ەلورداداعى اباي ەسكەرتكٸشٸنە تاعزىم ەتۋگە جينالعان زييالى توپتىڭ اراسىندا بەلگٸلٸ عالىم, ۇستاز ديحان قامزابەكۇلى دا بولعان ەدٸ. شارا الدىندا ل.گۋميلەۆ اتىنداعى ەۋرازييا ۇلتتىق ۋنيۆەرسيتەتٸنٸڭ پرورەكتورى اباي كٷنٸنٸڭ رەسمي مەرەكە رەتٸندە قالاي تويلانۋى كەرەكتٸگٸ تۋرالى ويىن ايتتى.
«اباي – بٸز ٷشٸن رەمٸزدٸك تۇلعا. ابايدىڭ اتى, زاتى, مۇراسى ۇلتپەن بٸرگە جاساي بەرەدٸ. سوندىقتان ٷكٸمەت, ار جاعىندا ەلدٸڭ باسشىسى, زييالى قاۋىم ابايعا ارنايى كٷن ارناعان كەزدە رۋحاني تۇرعىدا دا, زاتتىق تۇرعىدا دا بەرەكە-بٸرلٸككە باستايتىن كٷن بولۋىن كٶزدەسە كەرەك. «رۋحاني جاڭعىرۋ» دەپ جاتامىز عوي, اباي ارقىلى سونىڭ مەنٸن بٸلۋ دە بۇل كٷننٸڭ ەنشٸسٸندەگٸ شارۋا. رۋحاني جاڭعىرۋ دەگەن – جاي عانا بٸر شارالار نەمەسە ەسەپ بەرۋ ەمەس, ٶزٸمٸزدە باردى ۇقساتا بٸلۋ. ٶز مۇرامىزعا بايلانىستى ٶزٸمٸزدٸڭ ۇستانىمىمىز بولعاندا عانا رۋحاني جاڭعىرعان بولىپ ەسەپتەلەمٸز. بۇل ۇرپاق ساباقتاستىعىمەن, بٸلٸممەن كەلەتٸن دٷنيە. بٸز ەدەتتە ناۋقانشىلدىققا كەتٸپ قالامىز. ونداي بولماۋى كەرەك. ابايدىڭ «بەس نەرسەدەن قاشىق بول, بەس نەرسەگە اسىق بول» دەگەن ۇعىمىنىڭ كونتسەپتسيياسىنىڭ ٶزٸ – «تولىق ادام» تۇلعاسىنا, قوعامدى كەمەلدٸككە جۇمىلدىرۋ», - دەدٸ فيلولوگييا عىلىمىنىڭ دوكتورى.
سونداي-اق, ول اباي ٸلٸمٸ ارقىلى جاس بۋىندى ادال ۇرپاق ەتٸپ تەربيەلەۋ قازٸرگٸ بۋىن الدىنداعى مٸندەت ەكەنٸن اتادى.
«قوعام قاشان دا جاقسىلىققا قاراي جٷرەدٸ. بٸز قازٸر ەلەمدە, ٶز ٸشٸمٸزدە قانداي قيىندىقتار بولسا دا, ٶسەتٸن, ٶنەتٸن مٷمكٸندٸك ٸزدەۋٸمٸز كەرەك. سونىمەن بٸرگە ۇلتتى جۇمىلدىرا وتىرىپ, قوعامنىڭ بەرەكە-بٸرلٸگٸنە قىزمەت ەتەتٸن, قوعامنىڭ الداعى كەزەڭٸن انىقتايتىن جاستاردى كەشەگٸ ادال ۇرپاقتىڭ جالعاسى ەتۋگە كٷش سالۋىمىز كەرەك. وعان جاستار دا سەنٸمدٸ, جاستار دا پەيٸلدٸ. اباي سونىڭ بەرٸنٸڭ اراسىندا التىن كٶپٸر بولىپ وتىر. ابايدىڭ مۇراسى دا, مۇراتى دا, ونىڭ التىن ارقاۋى دا وسىندا. اباي ۇلتپەن بٸرگە جاسايدى. بٷگٸنگٸ كٷن – ۇلتىمىزدىڭ كٷنٸ, رۋحاني جەتٸستٸكتەرٸمٸزدٸڭ كٷنٸ, رۋحاني تەمٸرقازىق كٷنٸمٸز. ۇلتىمىزدى, حالقىمىزدى وسى مەرەكەمەن قۇتتىقتايمىز. ابايدىڭ تالعامى, ابايدىڭ سەزٸمٸ, ابايدىڭ جٷرەگٸ, ابايدىڭ ناقىلى بٸزدٸڭ ۇلتتى ٶسٸرٸپ وتىرادى», - دەيدٸ ديحان قامزابەكۇلى.
