فوتو: Gov.kz
قازاقستان Digital Bridge 2025 اياسىندا بٸرقاتار كەلٸسٸمدەر جاساۋ ارقىلى اقپاراتتىق تەحنولوگييالار مەن يننوۆاتسييالاردىڭ جاھاندىق قاۋىمداستىعىنداعى ەلەۋلٸ رٶلٸن ايقىنداي تٷستٸ. فورۋم بارىسىندا مەملەكەتتٸك ورگاندار, ٸرٸ كومپانييالار, حالىقارالىق تەحنوپاركتەر جەنە باسقا دا ۇيىمدار IT-يننوۆاتسييانى دامىتۋعا باعىتتالعان 41 قۇجاتقا قول قويدى, دەپ حابارلايدى Ult.kz.
قازاقستان رەسپۋبليكاسىنىڭ جاساندى ينتەللەكت جەنە تسيفرلىق دامۋ مينيسترلٸگٸ Freedom Bank Kazakhstan, Yandex Qazaqstan, Binance, 3D Global Limited سىندى حالىقارالىق كومپانييالارمەن, سونداي-اق «سامۇرىق-ەنەرگو» اق سەكٸلدٸ ۇلتتىق ۇيىمدارمەن بٸرقاتار مەموراندۋمعا قول قويدى. قۇجاتتار تسيفرلىق قارجىنى دامىتۋ مەن ينفراقۇرىلىمدى جاڭعىرتۋعا باعىتتالعان.
ماڭىزدى وقيعالاردىڭ بٸرٸ – Astana Hub حالىقارالىق يننوۆاتسييالىق كلاستەرٸ مەن روبوتوتەحنيكا سالاسىنداعى ەلەمدٸك كٶشباسشىلاردىڭ بٸرٸ سانالاتىن قىتايدىڭ UNITREE كومپانيياسى اراسىنداعى مەموراندۋم بولدى. تاراپتار استانادا alem.ai جاساندى ينتەللەكت ورتالىعىنىڭ بازاسىندا مامانداندىرىلعان روبوتوتەحنيكا زەرتحاناسىن اشۋعا ۋاعدالاستى.
فورۋم اياسىندا تاعى بٸر ماڭىزدى قادام – Astana Hub پەن ەلەمدٸك ستارتاپ-ەكوجٷيەلەردٸ تالدايتىن StartupBlink پلاتفورماسى اراسىنداعى ەرٸپتەستٸك بولدى. قازاقستان تاريحتا العاش رەت Global Startup Ecosystem Index 2025 رەيتينگٸندە ورتالىق ازييا ەلدەرٸنٸڭ ٸشٸندە بٸرٸنشٸ ورىنعا شىقتى, ال Astana Hub – Top Startup Hub in Central Asia مەرتەبەسٸنە يە بولدى. قۇجات ستارتاپ ەكوجٷيەسٸن بٸرلەسە دامىتۋعا, تەجٸريبە الماسۋعا جەنە قازاقستاندىق تەحنولوگييالىق كومپانييالاردى حالىقارالىق دەڭگەيدە دامىتۋعا باعىتتالعان.
جالپى, Astana Hub Digital Bridge 2025 اياسىندا جەتٸ مەموراندۋمعا قول قويدى. ولاردىڭ قاتارىندا تٷركيياداعى GEN Türkiye ۇيىمىن باسقاراتىن جەنە ەلەمنٸڭ 178 ەلٸن قامتيتىن جاھاندىق GEN Global كەسٸپكەرلٸك جەلٸسٸنٸڭ مٷشەسٸ Habitat Association ۇيىمىمەن ەرٸپتەستٸك تۋرالى كەلٸسٸم بار. بۇل قۇجات كەسٸپكەرلەردٸ قولداۋعا, تەجٸريبە الماسۋعا جەنە قازاقستان مەن تٷركييا يننوۆاتسييالىق ەكوجٷيەلەرٸ اراسىنداعى بايلانىستاردى كەڭەيتۋگە مٷمكٸندٸك بەرەدٸ.
سونىمەن بٸرگە جۇمابەك احمەتۇلى تەشەنەۆ اتىنداعى ۋنيۆەرسيتەتپەن مەموراندۋمعا قول قويىلىپ, ستۋدەنتتەردٸڭ Astana Hub ەكوجٷيەسٸنە قول جەتكٸزۋٸنە, ستارتاپتاردى قولداۋ باعدارلامالارىنا قاتىسۋىنا جەنە پراكتيكالىق داعدىلارىن دامىتۋىنا جول اشىلدى.
سونداي-اق Astana Hub رەزيدەنتٸ Biometric.Vision بيومەترييالىق كومپانيياسى مەن inDrive جاھاندىق قالالىق سەرۆيس پلاتفورماسى دا سەرٸكتەستٸك تۋرالى كەلٸسٸم جاساستى. ىنتىماقتاستىق inDrive-قا جاساندى ينتەللەكت پەن كومپيۋتەرلٸك كٶرۋ تەحنولوگييالارىن ەنگٸزۋگە مٷمكٸندٸك بەرەدٸ. بۇل شەشٸمدەر پايدالانۋشىلاردىڭ قاۋٸپسٸزدٸگٸن ارتتىرۋعا عانا ەمەس, بٷكٸل پلاتفورمانىڭ يننوۆاتسييالىق دامۋىنا سەرپٸن بەرمەك.
ەسكە سالايىق, Digital Bridge 2025 حالىقارالىق فورۋمى 2–4 قازان ارالىعىندا استانادا ٶتۋدە. بۇل – ورتالىق ەۋرازيياداعى تەحنولوگييا جەنە جاساندى ينتەللەكت سالاسىنداعى ەڭ اۋقىمدى ٸس-شارا, ول ەلەمدٸك يندۋسترييا كٶشباسشىلارىنىڭ, ينۆەستورلاردىڭ, ساراپشىلاردىڭ جەنە ستارتاپتاردىڭ باسىن قوستى.
بيىلعى فورۋم سەرٸكتەستەر مەن دەمەۋشٸلەردٸڭ قولداۋىنىڭ ارقاسىندا ۇيىمداستىرىلدى. بارلىق شىعىن دەمەۋشٸلٸك قاراجات ەسەبٸنەن جابىلدى.
