توپ – توپ. قاز-قاز باسقان ەكٸ اياق – تاس جولمەن ٸلگەرٸ جٷرٸپ بارا جاتىپ – قالت توقتادى. ەدەتتە شالقاسىنان اشىق ٷلكەن جارما قاقپا بٷگٸن تيەگٸنەن بايلانىپ جابىق تۇر. ول كٸدٸرٸپ, داعدارىپ قالدى. توپ, ەكٸنشٸ اياعىن كٶتەردٸ, توپ. سوسىن, قاپىلىس توپىلداپ قايتا جٷرٸپ بارا جاتتى. بەتەڭكەنٸڭ جەرگە تيگەن دىبىسى قۇمىعىپ شىعادى. توپ. جٶپەلدەمەدە توپاتايدى قاعىپ, سٷرٸنٸپ كەتتٸ, الدىنا تٸزەرلەي قۇلادى. ەدەمٸ توپى اقىرىن سىرعىپ, باسىنان سىپىرىلىپ تٷستٸ.
جەردەن سوزالاڭداپ تۇرىپ, ەڭسەلٸ دۋالعا تٷسٸنبەي كٶز سالدى. قارسى الدى تەگٸس بوياما, ەسەم سىرلانعان بيٸك تاقتايلار. بەلدٸك تەمٸر بەكٸتٸپ تاستاعان – زٸلدەي, تاستاي بەرٸك داربازا. تىستان ەرەدٸك جايدارمان توپىرلاپ ٶتٸپ بارا جاتقان توپ-توپ بالالاردىڭ ەرتەڭگٸ اۋا رايىن توپشىلاعان مايدا, جارقىن داۋىستارى ەستٸلەدٸ. كٶنە توپوگرافييانى, قادٸم زاماندى ەڭگٸمە قىلادى. ەرتەدەگٸ ۋاقىت, ٶتكەن دەۋٸردە – جاھاندا تىنىمسىز كٷن كٷركٸرەپ, نايزاعاي جارقىلدايدى. داۋىلداپ, بوراپ جاۋعان بۇرشاق تولاستامايدى, عالامدى جاڭعىرىققان كٷشتٸ دابىس كٶمٸپ كەتەدٸ, تۇس-تۇستان ەلەمدٸك تاسقىن قۇيىلىپ, توپان سۋ كەڭ بايتاق جازىق ٶڭٸر قىر دالاعا اڭدىزداپ قاپتاپ, دٷنيەجٷزٸن سەل باسقان دەسەدٸ. جايما-شۋاق كٷلكٸ, شات ٷندەر بٸرسٸن-بٸرسٸن الىستاپ, جويىلىپ بارادى. ول ٸركٸلٸپ, اينالاسىنا زەر اۋدارىپ, ابايلاپ تٶڭٸرەگٸن شولدى.
قىمبات تاستارمەن كەستەلەپ شيمايلاعان توپى Close-Up مٶلشەرٸندە ٸرٸلەنە كٶرٸندٸ. Red One جٷزٸن سيپاي جىلجىپ كيٸمٸنە توقتادى دا, ەسكٸ بەتەڭكەسٸنە اۋىستى, سوسىن شۇعىل تايقىپ, شەگٸنٸپ كەتتٸ. كادردا دالا كەلبەتٸ اشىلدى, مٶلدٸرەپ جالپى كەسكٸن شىقتى. ەلسٸز ٷن, كٶمەسكٸ سىبدىر, كٷڭگٸرت دىبىس تەگٸس جاڭعىرىپ انىق جازىلادى.
ول تەرٸس اينالدى. ٷيدٸڭ قالقاسىندا قاسقىر قۇيرىق قاراعايلار ماناۋراپ قالعىپ تۇر. جٸبەكتەي سامال تٶڭٸرەكتٸ مايدا شارپىپ, يٸس مايى تاناۋدى جارىپ مۇرىنعا كەلەدٸ. جەل اۋىپ, ىقتاسىن ٶزگەرسە, قولقانى اتقان ەلدەقانداي وسى بٸر ەدەمٸ حوش يٸس اسپانعا ۇشادى. ەۋەگە شاۋىپ, بايلاۋلى مالداي شەشٸلەدٸ. سىمپىلداپ كٶگالدى سايدان قانات قاققان توپ-توپ كٶك الا ٷيرەك سەكٸلدٸ, قىشقىلتىم شايىر بۇرقىراپ كٶتەرٸلٸپ, جان-جاعىنا مولىنان تٶگٸلەدٸ. ەر ٸنجۋ-مارجان تامشى ٷزٸلگەن مونشاقتاي شاشىلىپ, شٷيگٸپ ىرعىن جۇتقان كەۋدەنٸ تولتىرادى. قاپىرىق شاھاردا قاپالاپ, تىنىس ٸزدەپ توپىرلاعان جۇرت ساعىز مايىن سٸمٸرٸپ, راحاتتانىپ يٸستٸڭ دەمٸن الادى.
كٶشەدە ەرسٸلٸ-قارسىلى ساپىرىلىسقان حالىقتىڭ قاراعاي اۋاسىنان ومىراۋى كەڭٸپ, سارايى اشىلىپ كەتكەندەي – اق كٶكٸرەگٸندەگٸ ۇمىتىلماعان جازعىتۇرىم سازى كٶڭٸلٸندە قايتا شىرقالادى. كەشە, كٶكتەمگٸ اسپاندا جٷزگەن كٷمٸس ايدا – پەيٸشتٸڭ تٶرٸندە شالقىعانداي اۋناپ – قازداي قالقىپ ەدٸ. ميۋالى باۋ-باقشادان جۇپار اڭقىپ, كەلە جاتقان جازدىڭ لەبٸ كٶمەيدٸ قاپقان بولاتىن. بار ادامدار, شىنىمەن, باقىتتى ەدٸ. قازٸر شٸلٸڭگٸر ىستىق, شٸلدەنٸڭ ورتا-سوڭى, لاق سٷمبٸلە باسى. ەل توقىراپ قوڭىر كٷزدٸ توسادى. ميزام, اقىراپ, – سوسىن, الاساپىران قاۋىس, قارا سۋىق بوقىراۋدى بٸرتٷرلٸ سامارقاۋ, ٷنسٸز, نەمقۇرايدى كٷتەدٸ.
ەسٸك اشىلىپ, بوساعادان يت كٶرٸندٸ. ەۋەلٸ كٷشٸك جٷگٸرٸپ شىقتى. سوڭىنان جەتەكتەگٸ, تاناداي, سالقى تٶس, تارعىل دٷرەگەي اتتادى. تۇمسىعىنا شاقتاپ تۇمىلدىرىق, موينىنا ەسەمدەپ قارعى باۋ تاعىپ قويىپتى. قايىستى تٸلٸپ, تاسپالاپ كەسٸپ, ٶرٸپ تە, تٷيٸپ تە جاساعان, قۇراعان, بايلاعان قالىڭ بىلعارى ٷستٸنەن جارقىراتىپ تەمٸر جٷرگٸزٸپ, تورلاپ ٷلكەن يتتٸڭ تۇلا بويىن تۇمشالاپ تاستاپتى. باۋعا شىعىرشىقتالعان جىلتىر شىنجىردىڭ تٸزبەكتەلگەن ەربٸر جەكە تٷيٸنٸ جٷرٸپ كەلە جاتقاندا, كٶكتەن شاشىراپ تٷسكەن سەۋلەدەن جالتىلداپ, وقتا-تەكتە ويناپ كەتكەندە – قانجاردىڭ جٷزٸندەي جارقىلدايدى. كٷشٸك ەكٸ قۇلاعى سالپيىپ الدىنا جەتٸپ كەلدٸ. مونتانى جەۋدٸرەپ, بەيكٷنە قارادى. ەۋپٸلدەپ ەكٸ-ٷش مەرتە ٷرٸپ قويدى. سودان كەيٸن – جاۋتاڭداپ, شوقيىپ وتىردى, شالت قوزعالىپ, لەپٸل قاقتى. تىنىشتىقتى بۇزىپ شەۋٸلدەپ, تاعى ەلدەنەشە دٷركٸن قايتالاپ ٷردٸ. ەلٸگٸپ, جەلپٸنٸپ, ٶز شۋىنا – ٶزٸ دٷرلٸكتٸ. ماڭ تٶبەتتەي ماڭعاز قىدىرىپ, كەرەناۋ ماڭعان, تايىنشاداي حايۋانعا دٷرك ٸلەسە جٶنەلدٸ.
شەتكٸ, وقشاۋ كٸرەبەرٸستەن قولىنا شٶلمەك ۇستاعان بٸر جاس جٸگٸتتٸ بايقادى. ورتا جولدا توقتاپ, كونياگىن نەزٸك ريۋمكاسىنا سىزدىقتاتىپ قۇيدى دا, تارتىپ جٸبەردٸ. قارسى الدىنا قاس قاداپ, جوق ٸزدەپ سەل تۇردى.
كٷز باستالعاندا, الماتىدا ٶزٸنە-ٶزٸ قول جۇمسايتىندار قاپتايتىن ەدٸ.
بىلتىر فۋاد اۆتوموبيلٸن كٶپٸردەن قۇلاتىپ ٶمٸردەن كەتكەن-دٸ, قىستا ٷپتٸ بٶلمەسٸندە قامارييا تۇڭشىعىپ ٶلدٸ, ەلٸشەر تاڭ الدىندا بٷكٸل قولجازبالارىن ٶرتەپ, مارفۋعا كەلگەنشە, ٶز ٷيٸندە ەلەڭ-الاڭدا اسىلىپ قالدى, ٷكٸدەي مۇقتار قۇلازىعان مەدەۋ شاتقالىندا دوسىن بايلاپ قويىپ, قورادا ٶزٸن-ٶزٸ قاپىلىس اتىپ تاستادى. فۋاد – ٶتكەلٸ كٶپ ساين كٶشەسٸمەن كەلە جاتىپ – شالياپينگە جەتكەندە, كٶپٸردٸڭ ارناسىن قاتتى جىلدامدىقپەن ٶزٸ سوعىپ, جيەكتەپ قويعان قورشاۋلارىن بىت-شىت قيراتىپ, بۇزىپ-جارىپ تٶمەنگە كٶلٸگٸمەن بٸر-اق قارعىپتى, تٸل تارتپاستان كەتٸپتٸ دەيدٸ كٶرگەندەر. جازىقتى اجالدان يت باتپاقتاپ, ات سٷرٸنەدٸ.
ول بورديۋرگە تٸزە بٷكتٸ. بەتەڭكە توپىلداپ قاسىنا جەتتٸ.
مەن شارشادىم. ٶمٸر بٸر-اق باعىتپەن بٸر-اق مەرتە جٷرەتٸن اۆتوبۋس
قۇرالپى, تالاي ادام جول-جٶنەكەي قاراۋىتقان ايالدامالاردان تٷسٸپ قالدى. ولار قايدا كەتتٸ, ەلدە سول ايالدامالاردا تۇر ما ەلٸ, بٸلمەيمٸن, ەيتەۋٸر ٶمٸردٸڭ ەندٸ سول ايالدامالارعا قايتىپ سوقپايتىنىن بٸلەمٸن. ناق وسى سەت بەرٸن ساعىنامىن. مەن عانا. باسقا – باسقانى ساعىنادى. سوندىقتان, تٸرٸ بولۋىم كەرەك, ەرتەڭ كٸم ولاردى ساعىنادى, تەك مەن عانا.
پەك جٷزٸنە رەنجٸپ قارادى.
نەسٸنە اسىعاسىڭ, ەكەۋٸمٸز دە ەرتەڭ ايالدامالاردىڭ بٸرٸندە قالامىز,
مٷمكٸن, بٸرگە, ەلدە – ەكٸ بٶلەك, بٸر-بٸرٸنەن قاشىق, باعىت-باعدارىنان ايىرىلعان قوس ايالدامادا. تاعدىردىڭ سالۋى, عۇمىردىڭ مەنٸ, تٸرشٸلٸكتٸڭ مۇراتى, امال نەشٸك, قازا. يە, تەڭٸردٸڭ قۇدٸرەتٸ – بۇيرىق جٸبەرمەيدٸ. بٸلەسٸڭ بە, قاراق, ەلەمدە, پوللي ايتۋىنشا, وتىز التى سيۋجەت بار. حورحە لۋيس بورحەس “تٶرت مەزگٸل” دەگەن اتاقتى تۋىندىسىندا, نەگە ەكەنٸ بەلگٸسٸز, وتىز التىنى ازايتىپ, ىقشامداپ تٶرت سيۋجەتتٸ عانا الدىمىزعا كٶلدەنەڭ تارتادى. مەنٸڭشە, الاساپىران دٷنيەنٸ بەينەلەيتٸن جەلٸ بايانى, شىعارما ارقاۋى ەكەۋ-اق, ٶكٸنٸشكە قاراي, شەكسٸزدٸك تەرٸزدٸ ەگٸز باستاۋدان تۇرادى: جۇپتىڭ بٸرەۋٸ – جارلىق شاشقان قۇدايدىڭ بار ەكەندٸگٸن كەيٸپتەيتٸن جاسامپاز حيكايات تٷرٸ, سىڭارى – قۇدايدىڭ جوق ەكەندٸگٸنەن ازاپ شەگەتٸن بەينەتقور كٸتاپتىڭ مازمۇنى. تٷر قاشاندا تٷرلەنەدٸ, مازمۇن ەشقاشان ٶزگەرمەيدٸ.
ٷنسٸزدٸك ورنادى.
بٸز قالالاردى الداعى عۇمىرىمىز ٷشٸن تۇرعىزامىز, بٸراق ولار
زيراتتار قۇساپ سوڭىمىزدان قالىپ جاتادى. شاھاردا تازا بولمىس, تابيعي كەلبەت جوق, قولدان سومدالعان, تٸرشٸلٸك اتاۋلىعا قارسى, ٶلٸ قۇبىلىس, كەنت – رۋحاني كەڭٸستٸكتە مەدەنيەتتٸ شەڭبەرلەپ اينالعان جاساندى سەرٸك. قالا, زادى, قاشاندا تٷپنۇسقا ەمەس. ٷيلەر – العاشقى شىن قىستاۋلاردىڭ, تاس ٷڭگٸرلەردٸڭ كٶمەسكٸ بەينەسٸ, شالا كٶشٸرمەسٸ. شايىرلاردىڭ جىرعا قوسقانى بەكەر, جالعان ماداق, ارزان اتاق, تاستاق كٶشە, تەگٸندە, ەسسٸز قۇمارلىق, تويىمسىز ىنساپ, قاناعاتسىز اشكٶزدٸكتٸڭ مەكەنٸ.
ەپتەپ جەل سوقتى. مايدا قوڭىر ومىراۋىن سامالدادى. ول سٶزٸن جالعاستىردى. داۋىسى بٸرتٷرلٸ جارىقشاقتانىپ شىقتى.
“بۇدىرايعان ەكٸ شەكەلٸ, مۇزداي ٷلكەن كٶبەلٸ, قارى ۇنىمى
سۇلتاندايىن جٷرٸستٸ, ادىرناسى شايى جٸبەك وققا كٸرٸستٸ, ايداسا قويدىڭ كٶسەمٸ, سٶيلەسە قىزىل تٸلدٸڭ شەشەنٸ, ۇستاسا قاشاعاننىڭ ۇزىن قۇرىعى, قالايىلاعان قاستى وردانىڭ سىرىعى, بيلەر وتتى بي سوڭى, بي ۇلىنىڭ كەنجەسٸ, بۋىرشىننىڭ بۇتا شاينار ازۋى, بيدايىقتىڭ كٶل جايقاعان جالعىزى, بۇلۇت بولعان ايدى اشقان, مۇنار بولعان كٷندٸ اشقان, مۇسىلمان مەن كەۋٸردٸڭ اراسىن ٶتٸپ بۇزىپ دٸندٸ اشقان سٷيٸنٸشۇلى قازتۋعان!!!”
قازتۋعاندى ايتقاندا, سٶزٸ قاتتى ەستٸلدٸ.
“سەرە, سەرە, سەرە قار, استى كٸلەڭ, ٷستٸ مۇز, كٷن-تٷن قاتسا جٸبٸمەس, مەن
كٶلٸككە قوسىمدى ارتقانمىن, كٶمبٸدەي ارۋ جالارعا كٷرەكتەي مۇزدى توڭدىرىپ, كٸرمەمبەس اۋىر قولعا باس بولىپ,” – دەپ بٸر توقتادى ول.
كەنەت ايقاي سالدى:
“كٷڭٸرەنٸپ كٷن تٷبٸنە جورتقانمىن!”
ول زور داۋىستان دٸر ەتتٸ.
“دٷنيەنٸڭ باسى سايران, تٷبٸ ويران, وزار سويدى بۇ دٷنيە ازاۋلىنىڭ
ايمادەت ەر دوسپامبەت اعادان”, – دەدٸ ول, – اۋ, قايداسىڭ, رابيۋ-سۇلتان-بەگٸم, جاۋھار-حانىم, عايىپ-جامال-سۇلتان-بەگٸم, توقتار-بەگٸم, اققوزى-بيكە, جاعان-بيكە, حوچا-پاتشايىم, جاعىم-حانىم. كٶزٸمە بٸر كٶرٸنشٸ, انار, جانار, گٷلميرا, سەۋلە, بوتا, اينۇر, ەسەم. شٸركٸن, مارجان, شىنار, ەلميرا بٸر كٶرٸنەر كٷن بار ما.
ٸلگەرٸ باستى. كٶزٸنە سٷيٸر تۇمسىق ىقشام تورعاي ٸلٸكتٸ. جۇپىنى قۇس شارباقشادا قونىپ وتىر. تەز قوزعالىپ, شالت قيمىلدايدى. ۇشىپ, تٶمەن تٷستٸ دە, ناننىڭ قيقىمىن, كٷنباعاردىڭ دەنٸن تەرٸپ كەتتٸ. قۋناق ەرەكەتٸ جٷزٸنە كٷلكٸ ٷيٸردٸ. توسىن, جٶپەلدەمەدە قاراشىعى تارىداي, سۋىق جانارى تٸكتەلە قادالعاندا, اسىلى, بويى مۇزداپ سالا بەردٸ. ٸشٸندە قيمىل-ەرەكەت جٷرٸپ جاتقان Red One وبەكتيۆٸ قاھارماننىڭ شاعىن بەينەسٸن Medium Long Shot مٶلشەرٸندە تٷسٸردٸ. قوڭ تورعايدىڭ قاسىنان ارشىن تٶس كەپتەر پايدا بولدى. ۋاقيعانى اڭدىعان كٶز ەندٸگٸ كەزەك نازارىن جاڭا وبرازعا اۋداردى. اق قاۋىرسىندى, تٶبەسٸندە سەلدە تەرٸزدٸ كەكٸل شاشاق بار, ٷلكەن جەمساۋلى, قۇيرىعى ۇزىن, تەگٸ, ەرتەگٸنٸڭ قۇددى ەسەم كٶگەرشٸنٸ, قاھارمانى سەكٸلدٸ. Camera كەيٸن شەگٸنٸپ, كەپتەر Full-Length Shot كٶلەمٸندە پٸشٸندەلدٸ. تار اۋلانى جٸتٸ باقىلاعان ەينەك وقتا-تەكتە كٶلدەنەڭدەپ شىرقاۋ بيٸكتەن جارقىراعان التىن كٷنگە شاعىلىسادى.
ٷيدەن موينىنا تورقا سالعان قارا تورى ەدەمٸ كەلٸنشەك شىقتى. تورىققان اجارىندا توبىلعى تٷس قامىرىق, سولعىن شىراي, جاقسى ٷمٸتتەن كٷدەرٸن ٷزگەن قاپا بار. ول بەتەڭكەسٸن سٷيرەتە قوزعالدى. سٷيرەتٸلٸپ ٷش-تٶرت قادام باسقان سوڭ, اياقكيٸمٸن جەڭٸل كٶتەرٸپ, توپىلداتىپ شۇعىل جٷردٸ. كٶپ ۇزاماي, كٶڭٸلٸن تورى الا مۇڭ جاۋلاعان قاپادار سۇلۋدىڭ الدىندا تۇرعان. ەيەل تٸزە بٷگٸپ جٷرەسٸنەن وتىردى. سوسىن, ونى ەكٸ قولىنان ۇستاپ, اق قۇبا جٷزٸنە دەن قويىپ, سىناقتى, مۇقييات قارادى, قورقىنىش تٷنەپ, ٷرەي قونعان ەلپەتٸن بٸرشاما ۇزاق قىزىقتادى.
قورىقپا, – دەدٸ ول قامىرىعا سٶيلەپ, – تالايسىز, باقسىز مەنٸڭ دە
كٶڭٸل-كٷيٸم جوق.
ازداپ قاۋٸپ ويلادى. جاتسىنىپ, كەيٸن شەگٸنٸپ بارا جاتىپ – ەزۋٸنە كٷلكٸ ٷيٸرٸلدٸ.
دۇرىس.
ەيەل ٶزٸنە قاراي تارتتى. نە دەرٸن بٸلمەي, توسىلىپ, بٸرسىپىرا بٶگەلدٸ.
قايتا قۇشاقتاپ, مەيٸرلەنە قۇشتى. ەندٸگٸ كەزەك ساف كٷلكٸسٸن ٷنسٸز تاماشالادى. ول كەنەت ٸشقۇسا نازارىن, توستاعانداي ەدەمٸ, جاسقا تولى كٶزٸن, توسىن جٷدەپ, سۋى قايتقان تەمٸردەي جاسىپ, كٷيرەپ سىنعان تٷرٸن كٶردٸ. داۋىسىن شىعارىپ, جىلاعىسى كەلدٸ. توسىرقاپ, كەيٸن شەگٸندٸ.
شەر ساعىنىشتان قورعايتىن تورعاۋىت تەرٸزدٸ, ۋايىم-قايعى تٸرشٸلٸكتٸ
تٷن مەڭدەپ, تٷنەك باسقانداي قارايتىپ, دٷنيەنٸ ەلدەبٸر باسقا, قارابارقىن تٷسكە بوياپ جٸبەرەدٸ, سوندا ٷنەمٸ قامىعىپ, قايعى شەگٸپ جٷرٸپ پەندە بەيقام شەرگە ٷيرەنٸپ, ماشىقتانىپ كەتەدٸ. زادى, بەينەت داعدىعا اينالادى. ەدەتكە سٸڭەدٸ, كٶڭٸل دەنٸگەدٸ, جانى قۇنىعادى.
كەزدەيسوق, بٶتەن كەلٸنشەك ەگٸلٸپ, سولقىلداپ جىلادى. اپاق-ساپاق زاۋال
شاقتا ەمەس, بەيساۋات مەزگٸل, قاپەرسٸز, قامسىز ۋاقىت بورداي ەزٸلدٸ. قابىرعاسى سٶگٸلٸپ, ٶزەگٸن ٶرت شالدى, جٸگەرٸ قۇم بولعانى – نامىسىن شوقتاي قارىدى. ەنتٸگٸپ, القىنىپ بارىپ توقتادى.
– بٷگٸن نيگەر زەڭگٸردەن قۇس سەكٸلدٸ قۇلداپ, جىراقتا توپشىسى سىندى.
تۇنىق, مويىل كٶزدەرٸمەن ماڭايىن شولىپ ٶتتٸ دە, كەنەت جٷزٸ قايتا تۇنجىراپ بەتٸنە تٸك قارادى. تاناداي جارقىراپ, ۇشقىن شاشقان جانارى وتتاي ەكەن. كٷلٸمسٸرەپ ەدٸ, كەلٸنشەك تە ەزۋ تارتتى. قاپىدا, ٸرگەدەن تەرەزە اشىلىپ, ٸشتەن جاس بوزبالا جٸگٸت كٶرٸندٸ.
زەريزا قايدا, – دەپ سۇرادى ول, – قۇنتتاپ ساقتاعان زەريزا قايدا?
– دٷر, گاۋھار, مەرۋەرت, اقىق, زٷبارجات, جاقۇت, لۇھلۋ, تاباس, لال.
باتييا شە.
قوبديشاداعى ما?
يە.
بٸلمەيمٸن.
قوش بول, نيگەر-پاتشايىم.
فەرداۋسي, قوش, مەنٸ ۇمىتپا, قاشاندا جادىندا تۇت.
سەنٸ, نيگەر-سۇلتان-بەگٸم, مەڭگٸلٸك ەسٸمدە ساقتايمىن.
جاس بوزبالا جٸگٸت جىلاپ تۇردى. اعاش تەرەزە قايىرا جابىلدى. ەيەل
دۋالعا تاقاپ, جارما قاقپادان تاعى بٸر ەسٸك تاپتى. قوسالقى ەسٸكتٸ اشىپ, تابالدىرىقتان سىرتقا اتتادى. ار جاقتا تۇرىپ:
– ساعان بولمايدى, – دەدٸ.
كٶڭٸلدەنگەن ەيەلگە قاراپ, تاعى جىلى كٷلٸمسٸرەدٸ.
ٷيدەن شىقپا, – دەدٸ نيگەر-پاتشايىم, – الىسقا ۇزاپ نە تاباسىڭ, بٸز
بٸلمەيتٸن جاقتاردا دا ەشتەڭە جوق.
توپسالارى جايلاپ, باياۋ قوزعالىپ, ەسٸك تەمٸر جاقتاۋلارىنا شۋسىز, اقىرىن سوعىلدى.
بٸراق, قالادا عانا ٶمٸر بار, كٶشەگە شىق, اقجولتاي باتىر, – دەدٸ ەيەل
سىرتتا توپىلايى دامىل-دامىل توقىلداپ ۇزاپ بارا جاتىپ.
ول بٸر-ەكٸ اتتاپ, سوڭىنا بۇرىلىپ قارادى. تٷرلٸ كٶلەمدە, Detail, Close-Up, Medium Close-Up, Close Medium, Medium Long Shot, Full-Lenth Shot, Long Shot ايادا مٶلشەرلەنٸپ Focus بٸرنەشە مەرتە ٶزگەردٸ.
مول جاز دالاعا سىيماي تۇر. دۋالدان, قاراعايلاردان, ٶرٸم تاستاردان مەزگٸلدٸڭ ىستىق تابى اڭعارىلادى. ٸرگەدەن تاسىعان ماۋسىم تٶڭٸرەگٸن جايلاپ, قورشاۋلاردان تٶگٸلٸپ, سىرتقا اقتارىلادى. جاز ساۋمالاپ ەسٸكتەن كٸرٸپ, تەرەزەدەن سىعالايدى. تۇلىمشاعى جەلبٸرەپ, ٷي-ٷيدەن قۇنتاقتى بالا سەكٸلدٸ جٷگٸرٸپ شىعادى دا, داڭعىلداردى, بۋلۆارلاردى ارالاپ, ٷكٸدەي جەلكٸلدەپ كەتە بارادى. كٶشە-كٶشەدەگٸ گٷلزارلاردان ەسەدٸ, شارپىعان قىزۋى ترامۆاي رەلستەرٸنەن بايقالادى. ىسسى قاۋدىراق شٶپ, قاڭسىعان تاقتاي قورالار, ەڭسەلٸ, بيٸك عيماراتتاردان سوعادى. قۇم باسىپ, اڭقا قۇرىپ, شٶل كەپتٸرٸپ, تاڭداي كەۋٸپ, جالىن اتىپ قاتالاتادى.
دٷر الماتى, سٶيتٸپ, بٸر كٷنٸ دٷرلٸگٸپ – دٷلدٷلدەي دٷركٸرەپ – دٷركٸن-دٷركٸن ساۋدىراپ نٶسەرگە شومىلادى. يٸ قانىپ, قۇنارى بايىعان ساۋمال اۋا كەمپٸرقوساقتانىپ جٸبەكتەن ورامال تارتادى. تەگٸندە, جاڭبىرى كٶپ جىلدارى قالا ٶزەندەرٸ تابانىنا يٸرٸلٸپ تاس بايلانادى. سەرۋەنگە شىققان جاس الماتىلىقتار سۋ قايتقاندا تاستاردى اۋدارىپ, توسپالاردان ويدا جوقتا بٸردەڭە تاۋىپ الۋعا دەمەلەنەدٸ.
ٶزٸنە ٷڭٸرەيٸپ قاراپ تۇرعان Camera وبەكتيۆٸن كٶردٸ. كٷلٸمسٸرەدٸ. شٸلدەنٸڭ جايما-شۋاق كٷندەرٸ, جازعى مول باقىت – تٷگەل سىيعان كٷلكٸ – شىنىدان توقتاماي, ٷردٸس تٶڭكەرٸلٸپ ٶتتٸ دە, تٶرتكٸل كادردا ەدەمٸ مٶلدٸرەپ, Close-Up مٶلشەرٸندە تاماشا, ەسەم كەستەلەندٸ. كەنەت بٸر ەيەلدٸڭ اشىق قوڭىر داۋىسى ەكەۋارا تىنىشتىقتى بۇزدى:
كەنەسارى-ناۋرىزباي!
تٸزبەكتەلگەن كادرلار تاسقىنى قالت توقتادى. Red One جٷزٸندە – كٷلگەن
سەبيدٸڭ اياۋلى بەينەسٸ قالدى.
26 قاڭتار, 2011 جىل, الماتى
ديدار امانتاي
