قر پارلامەنت مەجٸلٸسٸنٸڭ دەپۋتاتى امانجان جامالوۆ حقكو-داعى ٶلٸم جاعدايىنا قاتىستى بٸلدٸرگەن پٸكٸرٸن تٷسٸندٸردٸ, - دەپ حابارلايدى "ۇلت اقپارات" kaz.tengrinews.kz پورتالىنا سٸلتەمە جاساپ.
"مەن ادامنىڭ كەز كەلگەن جەردە قايتىس بولۋى مٷمكٸن ەكەنٸن ايتقىم كەلدٸ, ال مەنٸ جوق جەردەن جالماۋىزعا اينالدىردى", - دەيدٸ ول.
جامالوۆتىڭ ايتۋىنشا, دەپۋتات باسپاسٶز ٶكٸلدەرٸنە ٷكٸمەت ساعاتىنداعى مەسەلەلەر جايىنداعى سۇراقتارعا جاۋاپ بەرۋٸ تيٸس ەدٸ, ناقتىراق ايتقاندا ول كەدەن جەنە سالىق ەكٸمشٸلٸكتەندٸرۋٸ جايلى ايتپاق بولىپتى. بٸراق ول بيشٸمباەۆتىڭ ۇستالۋى, بجزق-عا قاتىستى قىلمىستىق ٸس جەنە ۋاقىتشا تٸركەۋگە بايلانىستى سۇراقتار قويىلادى دەپ كٷتپەپتٸ.
"كەنەت جۋرناليست ماعان "بٷگٸن حقكو-دا ادام ٶلدٸ, حقكو-دا ٶلگەن ادامدار ٷشٸن ٶزٸڭٸزدٸ كٸنەلٸمٸن دەپ ەسەپتەيسٸز بە?" دەپ سۇراق قويدى. سۇراقتىڭ ارانداتۋ ماقساتىندا قويىلعانىن تٷسٸندٸم, ساسىپ قالدىم. مەن لوگيكامەن ويلايتىن اداممىن جەنە مەن ٷشٸن حقكو-داعى ادامنىڭ ٶلٸمٸ مەن ۋاقىتشا تٸركەۋ تۋرالى نورمانى بايلانىستىرۋ قيىن بولدى. بۇل جاعدايدان حابارىم بولمادى", - دەدٸ دەپۋتات.
"مەنٸڭ جالعىز قاتەلٸگٸم - دۇرىس سٶزدٸ قولدانباعانىم. "ۋسپەح" سٶزٸن (ايتا كەتەيٸك, دەپۋتات ورىسشا ايتقان پٸكٸرٸندە "نۋ ۋمەر چەلوۆەك, س تاكيم جە ۋسپەحوم ون موگ, ناۆەرنوە, پو سوستويانييۋ زدوروۆيا ۋمەرەت ي دوما" دەگەن ەدٸ - اۆت.) كٶپشٸلٸك تٷسٸنگەن جەتٸستٸككە جەتۋ دەگەن ماعىنادا ايتقان جوقپىن عوي. ادام ٶلٸمٸن جەتٸستٸك دەپ ايتۋعا بولمايتىنى تٷسٸنٸكتٸ. ەسٸ دۇرىس ادامعا بۇل سٶزدٸ وقىعان كەزدە بارلىعى دا تٷسٸنٸكتٸ بولادى. مەنٸڭ ايتقىم كەلگەنٸ - ٶلٸپ كەتۋ مٷمكٸندٸگٸ بارلىق جەردە بٸردەي. مۇنداي جاعدايدا ادامنىڭ باسقا قوعامدىق ورىندا قايتىس بولۋى دا مٷمكٸن, جازمىشتىڭ قاشان كەلەتٸنٸن بٸر اللا بٸلەدٸ جەنە سول زاڭدى قابىلداعان دەپۋتاتتاردىڭ بٸرٸ رەتٸندە ادام ٶلدٸ جەنە وعان مەن كٸنەلٸمٸن دەپ ايتۋ قاتە, شىنىمدى ايتايىن", - دەيدٸ جامالوۆ.
مەجٸلٸسمەننٸڭ ايتۋىنشا, ۋاقىتشا تٸركەۋدٸ ەۋەجايداعى قاۋٸپسٸزدٸك شارالارىمەن بايلانىستىرۋعا بولادى. تەكسەرۋ, جٷكتٸ قاراۋ جەنە جولاۋشىلاردىڭ اتى-جٶنٸن انىقتاۋ ەۋەجاي عيماراتىندا كەزەك تۋعىزادى, بٸراق بۇل شارالارعا قاتىستى ەشكٸم دە سىن ايتپايدى, سەبەبٸ بۇل ادامداردىڭ قاۋٸپسٸزدٸگٸ مەن دەنساۋلىعى ٷشٸن جاسالىپ وتىر. ۋاقىتشا تٸركەۋ نورماسىن ەنگٸزۋ, دەپۋتاتتىڭ ايتۋىنشا, دەل وسىنداي ماقسات ٷشٸن جاسالىپ وتىر جەنە بارلىق ەكٸمشٸلٸك مەسەلەلەر ٷكٸمەت دەڭگەيٸندە شەشٸلەدٸ.
"مەن انىقتاپ كٶردٸم, مۇنداي قايعىلى جاعداي بٸرٸنشٸ رەت بولىپ وتىرعان جوق ەكەن, قازاقستان بويىنشا بۇعان دەيٸن دە حقكو-لاردا ٶلٸم جاعدايلارى بولىپتى, سەبەبٸ مۇندا كٷن سايىن كٶپتەگەن ادام كەلەدٸ. ەلٸمٸز بويىنشا وسىنداي قايعىلى وقيعانىڭ ونداعان جاعدايى بولىپتى جەنە ولاردىڭ ۋاقىتشا تٸركەۋمەن بايلانىسى جوق. حقكو-لاردا عانا ەمەس, باسقا دا قوعامدىق ورىنداردا بولىپتى. اۋرۋ-سىرقاتتىڭ تٷرٸ كٶپ, بارلىعىن بٸردەي بولجام بٸلۋ وڭاي ەمەس. بٸر جاعدايدى ەكٸنشٸسٸنە بايلانىستىرۋدىڭ قاجەتٸ جوق. دەل وسى جاعدايدا ناقتىلى بٸر جايتتاردى مٷددەلٸ ادامدار جاعدايدى ۋشىقتىرۋ ٷشٸن كٶرسەتٸپ وتىر. بۇل پروبلەما ٷكٸمەت دەڭگەيٸندە شەشٸلەدٸ, قاجەتتٸ شارالاردى جٷرگٸزۋ كەرەك, ال بٸرەۋلەر وسىنداي جاعدايلاردى جيناستىرىپ جٷرەدٸ, ياعني مۇنداي جاعدايلار بٸرەۋدٸڭ مٷددەسٸ ٷشٸن دە جاسالىپ جاتادى", - دەپ ەسەپتەيدٸ امانجان جامالوۆ.
"ال ادام ٶلٸمٸن مەنٸڭ قىزمەتٸممەن بايلانىستىرۋ, مەن نەلٸكتەن ٶزٸمدٸ كٸنەلٸ سەزٸنۋٸم كەرەك? مەنٸ جالماۋىز ەرٸ ادام بالاسىنا قاس رەتٸندە كٶرسەتە سالدى. ٶمٸر بويى ادال ەڭبەك ەتتٸم, ەكونوميكا عىلىمدارىنىڭ دوكتورىمىن, پارلامەنتتە ەڭبەك ەتٸپ جٷرمٸن, ەكونوميكالىق بلوك مەسەلەلەرٸ بويىنشا ماماندانعانمىن جەنە پايدام دا از ەمەس. جۇمىسىممەن, قولىمنان كەلەتٸن ٸسپەن, بٸلٸمٸممەن ماقتانامىن", - دەدٸ سوڭىندا دەپۋتات.
ەسكە سالايىق, بٷگٸن, 16 قاڭتاردا الاتاۋ اۋداندىق حالىققا قىزمەت كٶرسەتۋ ورتالىعىندا 1964 جىلعى كۋنتاكوۆ جاراس نۋركيبايۇلى قايتىس بولدى. ول ورتالىققا تۇرعىلىقتى جەرٸ بويىنشا تٸركەلۋ ٷشٸن كەلگەن. "ازاماتتارعا ارنالعان ٷكٸمەت" مەملەكەتتٸك كورپوراتسيياسىنىڭ ٶكٸلدەرٸ وقيعا كەزٸندە "حقكو-دا ادام سانى كٶپ بولماعان" دەيدٸ.
