— بٷگٸن پارلامەنت مەجٸلٸسٸندە وتاندىق مۇناي-گاز سالاسىن دامىتۋعا ارنالعان ٷكٸمەت ساعاتىندا دەپۋتات گلەب ششەگەلسكيي گاز باعاسىنىڭ قىمباتتاۋىنا سەبەپ بولىپ وتىرعان نەگٸزگٸ مەسەلەلەردٸ اتاپ ٶتتٸ. سونداي-اق ول ەكٸمدٸكتەر مەن گاز تاراتۋشى كومپانييالاردىڭ قيتۇرقى ەرەكەتتەرٸن اشىپ بەردٸ. بۇل تۋرالى inform.kz حابارلادى.
دەپۋتاتتىڭ سٶزٸنە قاراعاندا, بٷگٸندە گاز ٶندٸرۋ كەزٸندە ساپاعا دۇرىس كٶڭٸل بٶلٸنبەيدٸ. ەسٸرەسە, شيكٸزاتتى كٷكٸرتتەن دۇرىس تازالاماعاندىقتان, گاز قۇبىرلارى تەز بٷلٸنٸپ جاتادى. سونىڭ سالدارىنان تاۋارلىق گازدىڭ باعاسى كٶتەرٸلەدٸ دە, بٷكٸل سالماق تۇتىنۋشىلارعا تٷسەدٸ.
«بٷگٸندە قازاقستاندا ٶندٸرٸلەتٸن سۇيىتىلعان گازدىڭ كٶلەمٸ ٸشكٸ سۇرانىستان تٶرت ەسە ارتىق بولىپ تۇر. ەرينە, ونداي بولعان جاقسى. سەبەبٸ كٶگٸلدٸر وتىندى كەڭٸنەن پايدالانۋعا بارلىق جاعدايلار بار. دەگەنمەن, ونىڭ كەرٸ جاعى دا بار. بٷگٸندە ٸشكٸ سۇرانىستان ارتىق گاز سىرتقا ساتىلادى. الايدا ول ەكسپورت دۇرىس باقىلانبايدى. ال ودان تٷسەتٸن اقشا بيۋدجەتكە ەمەس, گازدى زاڭسىز تاسىمالداپ جاتقانداردىڭ قالتاسىن قالىڭداتىپ وتىر», — دەيدٸ گ.ششەگەلسكيي.
وسى ورايدا xالىق قالاۋلىسى جەرگٸلٸكتٸ جەردە گازدى كٶپتەپ الىپ, ەكسپورتقا زاڭسىز شىعارۋ سxەماسىن اشىپ بەردٸ. ونىڭ ايتۋىنشا, بٷگٸندە وبلىستارداعى گازعا دەگەن سۇرانىستىڭ كٶلەمٸ ەكٸمدٸكتەر مەن گاز تاراتۋشى كومپانييالاردىڭ مەلٸمەتتەرٸ نەگٸزٸندە انىقتالادى. ەنەرگەتيكا مينيسترلٸگٸ سوعان قاراپ, تاۋارلىق گازدى بەرٸپ وتىرادى. ەكٸمدٸكتەر مەن گاز تاراتۋشى كومپانييالار وسى كەستەنٸ پايدالانىپ, تاپسىرىستى ارتىعىمەن بەرٸپ جاتادى.
«گازدىڭ ارتىق كٶلەمٸ زاڭسىز ەكپورتتالادى. سەبەبٸ كٶرشٸ رەسەيدە سۇيىتىلعان گازدىڭ باعاسى قازاقتاننان تٶرت ەسەگە قىمبات بولىپ تۇر», — دەيدٸ گ.ششەگەلسكيي.
