سەنات دەپۋتاتى سۇلتان دٷيسەمبينوۆ قازاقستاندا دەسترۋكتيۆتٸ دٸني اعىمداردىڭ كٶبەيٸپ بارا جاتقانىنا الاڭدادى, دەپ حابارلايدى Sputnik قازاقستان.
سەناتور قاڭتار وقيعالارىندا دٸني راديكالدار مەن قىلمىستىق توپتار حالىقتىڭ نارازىلىعىن سىلتاۋ رەتٸندە پايدالانىپ, ەل تىنىشتىعىن بۇزعانىن ەسكە سالدى. ايتۋىنشا, دٸن اتىن جامىلعان جات اعىمداردىڭ مٷشەلەرٸ دٸني ساۋاتى مەن ەلەۋمەتتٸك تۇرمىسى تٶمەن جاستاردى ٶز قارماعىنا تٷسٸرۋ ٷشٸن ولاردىڭ ساناسىن ۋلاپ, جات يدەولوگيياسىن تاراتۋمەن اينالىسقان.
"جالپى دەسترۋكتيۆتٸ دٸني اعىمداردىڭ تٷپكٸ نەگٸزٸ بار, ماقساتى ورتاق. ياعني حاليفات قۇرۋ, حاليفاتتا ٶمٸر سٷرۋ, ەلٸمٸزدٸڭ كونستيتۋتسييالىق قۇرىلىمىن, زاڭناماسىن, حالقىمىزدىڭ مەدەنيەتٸن, سالت-دەستٷرٸ مەن تٸلٸن مويىنداماۋ. 2019 جىلى قازاقستان دٸنتانۋشىلارىنىڭ 11-شٸ فورۋمىندا ۇقك تەرروريزمگە قارسى ورتالىعىنىڭ ٶكٸلٸ "قازاقستاندا دەسترۋكتيۆتٸ دٸني اعىمداردى ۇستانۋشىلار سانى 20 مىڭنان اساتىنىن مەلٸمدەدٸ. وسى تۇستا ولاردىڭ سانى نەگە كٶبەيٸپ جاتىر دەگەن سۇراق تۋادى", - دەيدٸ دٷيسەمبينوۆ پرەمەر-مينيسترگە جولداعان دەپۋتاتتىق ساۋالىندا.
كەيبٸر دەرەكتەرگە سٷيەنسەك, قازاقستاندا دٸني ەكسترەميزم مەن تەرروريزمگە قارسى ٸس-قيمىل جٶنٸندەگٸ 2018-2022 جىلدارعا ارنالعان مەملەكەتتٸك باعدارلاماعا بيۋدجەتتەن 270 ميلليارد تەڭگە بٶلٸنگەن. الايدا ونىڭ تەك 4 پروتسەنتٸ عانا پروفيلاكتيكالىق شارالارعا جۇمسالعان.
"بۇل باعدارلامانىڭ نەتيجە بەرمەگەنٸن قايعىلى قاڭتار وقيعاسى كٶرسەتٸپ وتىر. ەلٸ كٷنگە دەيٸن جاۋاپتى ٶكٸلەتتٸ ورگاندار بۇل مەسەلەگە قاتىستى باعا بەرمەدٸ", - دەدٸ سەناتور.
وسىعان وراي دەپۋتاتتار دٸني ەكسترەميزم مەن تەرروريزمگە توسقاۋىل قويۋ ٷشٸن بٸرقاتار ۇسىنىس ايتتى:
- دٸني احۋالدى تەرەڭ زەردەلەپ, دٸني ەكسترەميزم مەن تەرروريزمگە قارسى ٸس-قيمىل جٶنٸندەگٸ جاڭا مەملەكەتتٸك باعدارلاما دايىنداۋ;
- ٶڭٸرلەر بٶلٸنٸسٸندە قازاقستاننىڭ دٸني احۋالى كارتاسىن ەزٸرلەۋ;
- دٸن سالاسى بويىنشا مونيتورينگ جەنە ساراپتاما جٷرگٸزەتٸن رەسپۋبليكالىق زەرتتەۋ ورتالىعىن قۇرۋ جەنە ونى بٸلٸكتٸ ماماندارمەن جاساقتاۋ;
- ورتالىقتان باسقارۋ جەنە ٷيلەستٸرۋ ارقىلى تيٸستٸ ەدٸستەمەلٸك, اقپاراتتىق, قارجىلىق قولداۋ كٶرسەتە وتىرىپ, ٶڭٸرلەردەگٸ اقپاراتتىق-ناسيحاتتىق توپتار قىزمەتٸن جەتٸلدٸرۋ جەنە كٷشەيتۋ;
- دٸن سالاسى بويىنشا مەملەكەتتٸك ۇيىمدارداعى دٸنتانۋشى, تەولوگ مامانداردىڭ ەلەۋمەتتٸك جاعدايىن جاقسارتۋ;
- دەستٷرلٸ دٸني كونفەسسييا ٶكٸلدەرٸمەن بٸرلەسٸپ, دٸني باعىتتا ماماندار دايارلايتىن ورتالىقتار مەن جوعارى وقۋ ورىندارىنىڭ ساپاسىن ارتتىرۋ, بۇل جۇمىسقا كەسٸبي, ازاماتتىق قوعام ٶكٸلدەرٸن تارتۋ;
- قمدب تاراپىنان يمامداردىڭ بٸلٸم دەڭگەيٸن ارتتىرىپ, ساپاسىن جاقسارتۋ.
