پالامەنت مەجٸلٸسٸنٸڭ جالپى وتىرىسىندا دەپۋتات سەلٸمجان ناقپاەۆ اۋىلداردا مەديتسينالىق مامانداردىڭ جەتٸسپەۋشٸلٸگٸ مەسەلەسٸنە قاتىستى پرەمەر-مينيسترٸنٸڭ ورىنباسارى ەرالى توعجانوۆتىڭ اتىنا ساۋال جولدادى, دەپ حابارلايدى قازاقپارات.
«سوڭعى كەزدە مينيسترلٸك, وبلىس ەكٸمدٸكتەرٸ تاراپىنان اۋىلدىق ەلدٸ مەكەندەرگە مەديتسينا ماماندارىن تارتۋعا بٸرقاتار جۇمىستار اتقارىلۋدا. مامانداردى اۋىلدارعا جۇمىسقا جٸبەرەتٸن «ديپلوممەن اۋىلعا» باعدارلاماسى جۇمىس جاساۋدا. جەرگٸلٸكتٸ ەكٸمدٸكتەردەن كٶتەرمە جەردەماقى بەرٸلۋدە. سوعان قاراماستان, وبلىستاردا, سونىڭ ٸشٸندە شالعاي اۋدانداردا كەيبٸر دەرٸگەر ماماندار ەلٸ دە جەتٸسپەيدٸ. مىسالى, كەز-كەلگەن مەديتسينالىق وتالاردا ٶتە قاجەتتٸ انەستەزيولوگ-رەانيماتولوگ, سول سيياقتى ينفەكتسيونيست, تراۆماتولوگ, پۋلمانولوگ, ەندوكرينولوگ سيياقتى ماماندار كٶپتەگەن اۋدانداردا جەتٸسپەيدٸ. COVID-19 سيياقتى اۋىر ناۋقاستان جازىلعان ادامدارعا رەابيليتولوگ قاجەت. ول مٷلدەم جوقتىڭ قاسى. ولاردى ايتپاعاندا, اكۋشەر-گينەكولوگ, حيرۋرگ, فتيزياتور سيياقتى ماماندار دا شالعاي اۋدانداردا جەتپەي جاتىر», - دەدٸ س.ناقپاەۆ.
ونىڭ ايتۋىنشا, الىس اۋدانداردا وسىنداي كادر جەتٸسپەۋٸنە بايلانىستى ٶزدەرٸنە كەلٸپ تٷسكەن ناۋقاستاردى سانيتارلىق-اۆياتسييا شاقىرتىپ, وبلىس ورتالىقتارىنا جٸبەرۋدٸ جيٸلەتكەن. بۇنىڭ بەرٸنە بيۋدجەتتەن قاراجات كەرەك. بۇل قازاقستان رەسپۋبليكاسىنىڭ بارلىق وبلىستارىنا تەن پروبلەما.
«جاعدايدىڭ بۇلايشا ۋشىعۋىنا گرانت بويىنشا وقىعان مەديتسينالىق جوعارى وقۋ ورىندارىنىڭ كەيبٸر تٷلەكتەرٸنٸڭ مٸندەتتٸ بٶلۋ ەدٸسٸنە باعىنباي, ٶزدەرٸ بٶلٸنگەن بولاشاق جۇمىس ورىندارىنا بارماي قالۋلارى دا سەبەپتەرٸن تيگٸزۋدە. سونىمەن قاتار, مەديتسينالىق جوعارى وقۋ ورىندارى ٷشٸن بٶلٸنەتٸن گرانت سانى تٷسٸنٸكسٸز سەبەپتەرمەن 2020 جىلى ازايىپ كەتكەن», - دەدٸ دەپۋتات.
وسى ايتىلعاندار اياسىندا كەلەسٸ پروبلەمالاردى شەشۋ سۇرالدى:
1. «Nur Otan» پارتيياسىنىڭ 2025 جىلعا دەيٸنگٸ سايلاۋالدى باعدارلاماسى جول كارتاسىنىڭ ورىندالۋىنا سەيكەس, كٶزدەلٸپ وتىرعان 2021 جىلدان باستاپ مەديتسينالىق جوعارى وقۋ ورىندارىنا گرانتتار سانىن ۇلعايتۋدى ۇتىمدى پايدالانىپ, كادر جەتٸسپەۋ مەسەلەسٸن شەشۋ;
2. گرانتپەن وقىعان تٷلەكتەردٸڭ ٶزدەرٸنٸڭ بولاشاق جۇمىس ورىندارىنا سەبەپسٸز بارماي قالۋلارىن توقتاتۋ;
3. گرانت بٶلگەندە مەديتسينالىق ماماندار جەتٸسپەيتٸن ايماقتارعا كۆوتا سانىن كٶبەيتۋ;
4. اۋىلدىق ەلدٸ مەكەندەردەگٸ جالپى پراكتيكا دەرٸگەرلەرٸن بٸلٸكتٸلٸگٸن ارتتىرۋ كۋرستارىنا جٸبەرۋ ارقىلى اۋىلدىق جەرگە كەرەكتٸ مەديتسينالىق ماماندىقتاردى الۋعا مٷمكٸنشٸلٸك قاراستىرۋ.
