فوتو: اشىق دەرەككٶز
دەنساۋلىق ساقتاۋ مينيسترلٸگٸ 2025 جىلدان باستاپ ەڭ سۇرانىسقا يە 8 مەديتسينالىق انىقتامانى ەلەكتروندىق فورماتقا بەلسەندٸ تٷردە كٶشٸرٸپ كەلەدٸ, دەپ حابارلايدى Ult.kz.
- ەڭبەككە ۋاقىتشا جارامسىزدىق پاراعى - اۋرۋحانا پاراعى;
- 075/ە «مەديتسينالىق انىقتاما»;
- 026/ ە «دكك قورىتىندىسى»;
- 073/ە «كق باسقارۋعا رۇقسات تۋرالى انىقتاما»;
- 069/ە «ساناتورييلٸك-كۋرورتتىق كارتا»;
- 052-2/ە «بالانىڭ دەنساۋلىق پاسپورتى»;
- 076/ە «قارۋعا رۇقسات الۋ»;
- 038/ە «ەڭبەككە ۋاقىتشا جارامسىزدىق تۋرالى انىقتاما».
ازاماتتارعا ىڭعايلى بولۋ ٷشٸن قۇجاتتاردىڭ قاعاز نۇسقالارىن الىپ جٷرۋدٸڭ قاجەتٸ جوق, بۇل انىقتاما الۋشىلاردىڭ ۋاقىتى مەن قاراجاتىن ٷنەمدەيدٸ. تسيفرلىق مەديتسينالىق قۇجاتتارعا كٶشۋ ولاردى بۇرمالاۋ جەنە زاڭسىز بەرۋ مٷمكٸندٸگٸن بولدىرمايتىنىن اتاپ ٶتكەن جٶن.
مەسەلەن, بٷگٸندە 2024 جىلعى 1 قاڭتاردان باستاپ 2025 جىلعى 31 ناۋرىزعا دەيٸن بەرٸلگەن 4,3 ملن-نان استام ەڭبەككە جارامسىزدىق پاراعى تسيفرلاندىرىلدى.
مينيسترلٸك ەڭبەككە جارامسىزدىق پاراعىن الۋدىڭ بيزنەس-پروتسەسٸنە رەينجينيرينگ جٷرگٸزدٸ: ەڭبەككە جارامسىزدىق پاراعىن بەرۋ مەديتسينالىق ۇيىم قىزمەتكەرٸنٸڭ ماج-عا ەلەكتروندىق تسيفرلىق قولتاڭباسى قويىلعاننان كەيٸن جٷزەگە اسىرىلادى, وسىلايشا قۇجاتتىڭ زاڭدىلىعىن راستايدى.
ەڭبەككە جارامسىزدىق پاراقتارىن اشۋ تۋرالى فاكتٸلەر ازاماتتىڭ كەلٸسٸمٸمەن جۇمىس بەرۋشٸگە بەرٸلەدٸ.
ەگەر بۇرىن جۇمىس بەرۋشٸ قىزمەتكەردٸڭ جۇمىسقا شىققان كەزدەگٸ اۋرۋى تۋرالى بٸلسە, ەندٸ hr.enbek.kz پورتالى ارقىلى اۋرۋحانا پاراعىنىڭ اشىلۋى نەمەسە ۇزارتىلۋى تۋرالى ەلەكتروندىق حابارلاما كەلٸپ تٷسەدٸ. قىزمەتكەر ٷشٸن ەڭبەككە جارامسىزدىق پاراعى Enbek HR موبيلدٸك قوسىمشاسى ارقىلى قولجەتٸمدٸ بولادى.
سونىمەن قاتار, قىزمەتكەر ەڭبەك شارتىن ەسەپكە الۋدىڭ بٸرىڭعاي جٷيەسٸندە تٸركەلگەن قولدانىستاعى ەڭبەك شارتى بار جۇمىس بەرۋشٸنٸڭ جەكە كابينەتٸنە ەڭبەككە جارامسىزدىق پاراعىن جٸبەرۋگە مٷمكٸندٸگٸ بار.
جۇمىس بەرۋشٸلەر ٷشٸن hr.enbek.kz پورتالداعى «جەكە ٸس» مودۋلٸ ارقىلى قىزمەتكەرلەردٸڭ ەڭبەككە جارامسىزدىق پاراقتارىن ٶز بەتٸنشە سۇراۋ مٷمكٸندٸگٸ, hr.enbek.kzسونداي-اق 2025 جىلعى 1 ماۋسىمعا دەيٸن دەربەس دەرەكتەردٸ ٶڭدەۋگە كەلٸسٸم سۇراتۋمەن قوسىمشا ەزٸرلەنەتٸن بولادى.
بٷگٸنگٸ تاڭدا 749 قىزمەتكەر جاڭا مەحانيزم بويىنشا 506 جۇمىس بەرۋشٸگە 825 ەڭبەككە جارامسىزدىق پاراعىن جٸبەردٸ.
قازٸرگٸ ۋاقىتتا بارلىق مەديتسينالىق ۇيىمداردا ەلەكتروندىق ەڭبەككە جارامسىزدىق پاراقتارى ەنگٸزٸلۋدە, بٸراق قاعاز پاراقتارى 2025 جىلعى 1 ماۋسىمعا دەيٸن جۇمىس ٸستەيدٸ.
